من طرف بيب بيب بيب بيب
جه امشير ومعاه زعابيب
مصر بعافيه شويه يا ناس
داقت بينا يا خلق خلاص
أزمة تعدي وراها التانيه
وآخر ازمه في الانابيب
بيب بيب بيب بيب
جه امشير ومعاه زعابيب
توت توت توت توت
ناس في طابور انابيب بتموت
توهنا في وسط العتمه يا عم
دوقنا مراره وحرقه دم
والبشوات واقفين في سكوت
قومي يا بلدي وحيلك شدي
أوعي في يوم أبدا تتهدي
مركب جابت بكره تودي
بكره لجرحك يجي طبيب
بيب بيب بيب بيب
جه امشير ومعاه زعابيب
