تسلموا ي بنوتات ع المرور الجميل اوى اوى اوى ده
يالا ننزل ع الجديد
يالا ننزل ع الجديد
+12
دلوعة مصر
MidO AsHraF
Zidane
flower
سفـــ الاحزان ـــيره
ELSHABAH
البرنسيسه
Barbey
النجمة الوحيدة
بنوتـــة مصـــر
M0StAfA
BooSy CaT
16 مشترك
ندى وشادى..حلقات جــــ موت ــــــــامده
BooSy CaT- -=| قــطــة الـمـنـتـدى |=-
عدد الرسائل : 15231
العمر : 36
محل الاقامة : قلـMـ حبيبى ـHـب
تاريخ التسجيل : 27/08/2007
- مساهمة رقم 51
رد: ندى وشادى..حلقات جــــ موت ــــــــامده
من طرف BooSy CaT الإثنين أكتوبر 26, 2009 2:02 am
BooSy CaT- -=| قــطــة الـمـنـتـدى |=-
عدد الرسائل : 15231
العمر : 36
محل الاقامة : قلـMـ حبيبى ـHـب
تاريخ التسجيل : 27/08/2007
- مساهمة رقم 52
رد: ندى وشادى..حلقات جــــ موت ــــــــامده
من طرف BooSy CaT الإثنين أكتوبر 26, 2009 3:15 am
الحلقه الــ 11
توترت اصابع ندى وهي تقبض على هاتفها في غضب, وهي
تستمع الى صوت الجرس الذي يرن في اذنها برتابة, ثم القت بالهاتف على السرير في
عصبية.
ندى: الغبي مبيردش برضة, انا هتشل يا هالة.
وضعت هالة الكتاب الذي تمسكه بجانبها وهي تقول.
هالة: لأ بقى, انتي
هتعدي تروشيني, والله اروح اذاكر عند نسمة في اوضتها, انا لو منه ما اردش اصلا , دي
عاشر مرة تكلميه وهو قالك انا بذاكر متشغلينيش.
ندى:
برضة يرد عليا, افرضي فيه حاجة مهمة وكنت عايزاه ضروري, وفي الاخر يتخانق معايا لو
كلمت مامته على البيت.
هالة: انتي شكلك فاضية ودماغك رايقة ولا انا ولا
شادي فاضينلك, روحي يا بنتي ذاكريلك شوية بايولوجي واطلعي من دماغنا الله
يخليكي.
ندى: انتي ليه مش حاسة بيا, طب والله العظيم اتغير , من
اول ما الامتحانات بتاعتكو ما بدأت ودا اتحول, بقى على طول قافل موبايله يا مبيردش,
زي مانتي شايفة, او مزاجة زفت دايما , وبيعاملني كأني حاجة تخنق , انا زعلانة منه
اوي يا هالة.لم ترفع هالة عينيها عن الكتاب.
هالة: مممم.
صاحت بها
ندى.
ندى: انتي يا زفتة مش معايا اصلا.
القت هالة
بالكتاب.
هالة: يادي النيلة, يا بنتي سبيني اذاكر حرام عليكي, وروحي ذاكري انتي
كمان, الواد عنده حق, انتي فعلا خنيقة.
ندى: هو مش بيحبني زي ما بحبه, بيعاملني
كدة ليه؟.
صاحت بها.
هالة: معرفش.
قالت ندى بتصميم.
ندى: انا هجي بكرة الجامعة بعد الامتحان بتاعكو.
هالة: اتفلقي,
بس سبيني اذاكر, بقلك ايه انا هسيبلك الاوضة خالص, وهعد اذاكر عند نسمة, اهي ارحم
منك على الاقل لسانها جوا بقها.
ندى: هتسبيني لوحدي؟, انا كده
هتجن من التفكير.
قالت هالة قبل ان تدخل غرفة نسمة.
هالة: ماهو بدل ما
اسقط انا.
*****************
نظر شادي مندهشا الى ندى التي كانت في انتظاره
اسفل لجنة الامتحان, بمجرد ما رآها اقبل عليها.
شادي: ندى, ازيك ؟, بتعملي ايه
هنا؟.
ندى: جيت اطمن عليك, الامتحان كان ايه؟.
شادي:
كان كويس الحمد لله.
ندى: كويس.
وصمتا قليلا, ثم قال.
شادي: انتي جيتي مع
هالة؟.
ندى: لأ. هالة جت بدري, انا قلت اجي قبل ما تخرجو عشان معدش لوحدي
كتير.
شادي: انتي مش وركي درس النهاردة؟.
ندى: لا دا مراجعة
وانا هطنشه مش رايحة.في هذه اللحظة خرجت سلمى من اللجنة فيمن خرج,
فلمحتهما.
سلمى: هاي ندى.
وقبلتها,وهي تسأل.
سلمى: بتعملي ايه هنا؟, اختك
عملت ايه في الامتحان؟.
ندى: والله لسه معرفش, مشفتهاش, انا جيت
على لجنتكو على طول.
سلمى: صحيح يا شادي, عملت ايه في السؤال
التالت؟.
شادي: دا سؤال غبي, انا افتكرت الجدول الي في الباب الرابع
بالعافية.
سلمى: جدول ايه يخرب عقلك,الامتحان مفيهوش جداول, انا معملتش جداول,
جدول ايه يا خبر ابيض.
شادي: ياعبيطة السؤال الاول كمان فيه جدول.
سلمى:
الصغير الي في اخر الكلام دا انا عملته, بس التالت دا جدول ايه؟.
شعرت ندى
بالضجر من الحديث فانتحت جانبا, خاصة بعد وصول معظم الدفعة لمراجعة الاجابات مع
شادي, وشردت قليلا , ثم افاقت على طرقات خفيفة على كتفها.
هالة: بتعملي ايه
هنا؟.
التفتت ندى لاختها التي وضعت كفها على كتفها.
ندى: كنت
جايالكو.
هالة: جيالنا مين بقى, انتي جياله هو.
ندى:
يعني هو همه, ماهو واقف مع اصحابه ونسي اني هنا اصلا.
هالة: اه صحيح اما
اروح اسأله على السؤال التالت عمل فيه ايه؟.
ندى: متتعبيش نفسك
,الاجابة الجدول الي في الباب الرابع الي مرضتيش تذاكريه امبارح.
هالة:
يادي النيلة, دانا كتبته حاجة تانية خالص, هي الجداول دي حد بيذاكرها
اصلا؟.
قالت ندى وعينيها لازالت معلقة بشادي المحاط بأصدقائه.
ندى: ايوة , شادي بيذاكر كل حاجة, مذاكرته اهم حاجة عنده في
الدنيا.
وبعد مدة عاد اليها شادي مبتسما.
شادي: محدش في الدفعة عرف
حكاية الجدول دي ولا ايه؟, هاي يا هالة.
هالة: انت يا بني دحيح مش بتاع هذار, لو
كنت معايا في لجنتي كنت غشيت منك غش.
شادي: ومين قال اني كنت هغششك اصلا, بقى
انا اذاكر واتعب وانتي تاخدي على الجاهز.
ثم التفت الى ندى التي تعكر
مزاجها.
شادي: مالك يا بنتي؟, مبوزة ليه؟.
اشاحت ندى بوجهها في ضيق.
ندى: مفيش.
قالت هالة.
هالة: ااااه, اسيبكو انا لحسن تولعو
في بعض قدامي.
وانصرفت,بينما قال شادي لندى في دهشة.
شادي: مالك يا
ندى؟,قالبة وشك ليه؟.
ندى: انت بجد مش حاسس انك عامل
حاجة؟.
شادي: عامل ايه ياندى خير.
التفتت تقول له بعصبية.
ندى: انت مبتهتمش غير بنفسك وبس , اهم حاجة عندك مذاكرتك وبس , وانا مش
مهم خالص اصلا, كأني ماليش اهمية عندك, انا درجة تانية , والمهم اصحابك ومصلحتك
ومامتك......
شادي: ايه ايه ايه, فيه ايه ياندى؟, طلعتي فيا ليه؟, انتي كنتي
كويسة من شوية , قالتلك ايه هالة غيرتك؟.
ندى: هالة مقالتليش
حاجة يا شادي, انا الي اتخنقت, انت ايه يا اخي مبتحبنيش , دنتا لو مبتحبنيش هتهتم
اكتر من كده, هتسأل حتى, ممكن افهم ايه الي بيحصلك في الامتحانات ؟, بتتغير ليه؟,
بتبعد عني بالشكل دا ليه؟.
شادي: ندى ,ندى, انتي مالك؟, متضايقة من حاجة
وبتطلعيها عليا؟, مانتي كنتي كويسة.
ندى: لا انا مكنتش كويسة,
بس انت الي مش بتاخد بالك, انا سايبة مذاكرتي برضة الي وللعلم كتيرة, وجاية عشان
اشوفك بعد الامتحان عشان اطمن عليك تقوم سايبني وواقف مع اصحابك كأني مجتش, وامبارح
طول الليل بكلم فيك مبتردش عليا, دانا لو في المستشفي وبتصل بيك كنت مت وانت
مسألتش.
شادي: الله يا ندى مانتي عارفة اني مبحبش حد يزعجني وانا بذاكر,
عشان ببقى مركز.
ندى: والله , ودا لناس وناس بقى, لاني وانا
بتصل كنت بلاقيك ساعات مشغول, الي مش عايز حد يزعجه بيقفل موبايله يا استاذ ,مش
بيرد على ناس ناس.
شادي: بالراحة ياندى وطي صوتك وافهمي الاول, انا
يابنتي كنت قافل صوت الموبايل, ولما كنتي بتلاقيه مشغول اكيد انا كنت بتصل بسامح
ولا بلومي ولا بحد بسأله في حاجة , ماهو انا في امتحانات وانتي مسيرك تجربي
تفهمي.
قالت وعيناها تدمعان.
ندى:
تقوم متردش عليا, مستاهلش منك كلمة واحدة تطمني عليك.
شادي: ايه دا يا
ندى؟, لا دانتي زعلانة اوي, لا اهدي, والله العظيم ما كان قصدي اقلقك او اضايقك,
انا بس كنت بتصرف على اساس اني معرفك انك متشغلنيش بس .
ندى:
خلاص يا شادي.واشاحت بوجهها عنه تبكي.
شادي: انتي بتعيطي؟.
وانتظر حتى
هدأت قليلا, ثم قال لها.
شادي: طب انتي فاضية النهاردة؟.
ندى: بتسأل ليه؟, يهمك يعني؟.
شادي: عشان انا عازمك على اغدا ,
مادام الامتحان كان حلو , وانا لازم اصالحك.
ندى:
ياسلام؟.
شادي: والله العظيم, وحياة عنيكي الحلوين الي انا عيطتهم دول,
عشان متزعليش مني تاني.
*************************
"وبعدها اتمشينا شوية
ووصلني وروح"
قالت ندى هذا الكلام وهي مستلقاة على ظهرها بسرير غرفتها ,وتتكلم
بهيام.
نسمة: يـــــا حلاوتك.
بينما احمر وجة ميسون صديقة نسمة وهي تستمع الى
الحديث الذي يدور, بينما قالت هايدي وهي تقوم من مكانها بجانب هالة لتضرب ندى على
ساقها.
هايدي: فوقي يابت , انتي شاربة حاجة ولا ايه؟, ايه يعني الواد خرجك خروجة
وفسحك شوية, اوام كده نسيتي الي عمله فيكي.
همست ميسون لنسمة.
ميسون: قومي
نروح نعد في اوضتك عشان يعرفو يتكلمو براحتهم.
قالت نسمة بصوت عالي.
نسمة:
يعني انتي شايفاهم مكسوفين منك اصلا, يا بنتي دول وشهم مكشوف كده عــــادي
.
اعتدلت ندى وهي تقول لهايدي.
ندى: انتي بتقولي فيها, طب
والله العظيم نسيت حتى اني كنت متضايقة منه.قالت هالة وهي تتنهد.
هالة:
ماهو احنا كده بوردة وكلمتين حلوين بنتنح وننسى.
هايدي: انتي يابنتي انتي
مبتحرميش انا مش قلتلك امه متتطاقش.
مالت نسمة على اذن ميسون.
نسمة: اصلها
كانت ماشية معاه قبلها.
ازداد احمرار وجه الفتاة وهي تنظر اليهما في
دهشة.
نسمة: منا قلتلك احنا عيلة عادي.
ميسون: انا مقلتش حاجة.
نسمة: انا
قلتلك بلاش تتعرفي عليهم هيلخبطولك كل الي انتي اتربيتي عليه في حياتك.
بينما
همست هايدي لهالة.
هايدي: مين فيلم الخطايا الي قاعدة دي؟.
هالة: شششش, دي
انتيمة نسمة, بس ايه, خام خام خام.
هايدي: هو لسه فيه بنات كده اصلا.
هالة:
اديكي شفتي.
هايدي: اهي اختك نسمة دي الي غريبة, غيركو خالص, طب انتي واتحجبتي
عشان اخت عمرو بتتكلم عليكي, دي ايه الي جابرها دلوقتي؟.
هالة: بس لحسن ندى الي
دلوقتي بتفكر , شادي لاعبلها في دماغها, عزومة تانية ومش بعيد نلاقيها لابسة
اسدال.
هايدي: يــــع.
هالة: اه والله العظيم, الواد قاعد يزن عليها , عيب
واعدلي لبسك واختك اتحجبت, انتي مش صغيرة, وانا بغير عليكي وشغل الولاد دا
بقى.
هايدي: دي تبقى مجنونة.
هالة: منا قلتلك انا في عيلة المورستان, واحدة
مجنونة والتانية شيخة جامع, وانا , تخيلي بقى.
هايدي: الله يكون في عون امكو
وابوكو.
بينما قالت نسمة لميسون في نفس اللحظة.
نسمة: اهو انا عايشة في
مستشفى المجانين, اتنين حبيبة ودماغهم اتلحست, وماما طراوة خالص, وبابا ولا هو هنا
اصلا.
فاحمر وجه ميسون في اندهاش , وهي تدير وجهها في الفتيات حولها
بخوف.
Zidane- -=| عضو vip |=-
- : : -=| الحريف |=-
عدد الرسائل : 2890
العمر : 32
محل الاقامة : on the sky
تاريخ التسجيل : 16/08/2008
- مساهمة رقم 53
رد: ندى وشادى..حلقات جــــ موت ــــــــامده
من طرف Zidane الإثنين أكتوبر 26, 2009 4:22 am
ههههههههههههههههههههههههه
يا سلام
فيلم هندى من العيار الثقيل الى البطل مش بيموت فيه
شديده شديده
ميه ميه
و شكل الى فى دماغى هيحصل
يلا مستنى الباقى
بس ميه ميه و الله
عيله فله على الاخر
يا سلام
فيلم هندى من العيار الثقيل الى البطل مش بيموت فيه
شديده شديده
ميه ميه
و شكل الى فى دماغى هيحصل
يلا مستنى الباقى
بس ميه ميه و الله
عيله فله على الاخر
النجمة الوحيدة- -=| مشرف سابق |=-
- : : -=| نجمة المنتدى |=-
عدد الرسائل : 5077
العمر : 35
محل الاقامة : فى السما
تاريخ التسجيل : 31/10/2007
- مساهمة رقم 54
رد: ندى وشادى..حلقات جــــ موت ــــــــامده
من طرف النجمة الوحيدة الإثنين أكتوبر 26, 2009 11:51 am
ههههههههههه
دا ايه دا يا بوسى عيله كلها مجانين
تسلمى يا بوسى كملى يا قمر عاوزين نعرف الباقى
بس زى ما قولتلك انا عارفه هتخلص على ايه صدقينىىىىىىىىىىىى
دا ايه دا يا بوسى عيله كلها مجانين
تسلمى يا بوسى كملى يا قمر عاوزين نعرف الباقى
بس زى ما قولتلك انا عارفه هتخلص على ايه صدقينىىىىىىىىىىىى
البرنسيسه- -=| عضو vip |=-
- : : -=| برنسيسه المنتدى |=-
عدد الرسائل : 2729
العمر : 34
محل الاقامة : القصر
تاريخ التسجيل : 06/08/2007
- مساهمة رقم 55
رد: ندى وشادى..حلقات جــــ موت ــــــــامده
من طرف البرنسيسه الإثنين أكتوبر 26, 2009 5:38 pm
انا بدات اخمن هي هتخلص علي ايه
يلا بقي بسرعه الحقينا بالجديد
يلا بقي بسرعه الحقينا بالجديد
BooSy CaT- -=| قــطــة الـمـنـتـدى |=-
عدد الرسائل : 15231
العمر : 36
محل الاقامة : قلـMـ حبيبى ـHـب
تاريخ التسجيل : 27/08/2007
- مساهمة رقم 56
رد: ندى وشادى..حلقات جــــ موت ــــــــامده
من طرف BooSy CaT الإثنين أكتوبر 26, 2009 5:56 pm
[ندعوك للتسجيل في المنتدى أو التعريف بنفسك لمعاينة هذه الصورة]
وربنا انتوا شباب زى الفل
ودمكوا مسكر اخر حاجــــــــــه
بس برضه اللى ف دماغكوا مش هيحصل
الموازين كلها هتتقلب فوق دماغ الكـــــــل
خمنوا براحتكوا بقـــــــــى
[ندعوك للتسجيل في المنتدى أو التعريف بنفسك لمعاينة هذه الصورة]
وربنا انتوا شباب زى الفل
ودمكوا مسكر اخر حاجــــــــــه
بس برضه اللى ف دماغكوا مش هيحصل
الموازين كلها هتتقلب فوق دماغ الكـــــــل
خمنوا براحتكوا بقـــــــــى
[ندعوك للتسجيل في المنتدى أو التعريف بنفسك لمعاينة هذه الصورة]
بنوتـــة مصـــر- عضو مولع الدنيا
عدد الرسائل : 656
العمر : 31
محل الاقامة : (على القمـر)
تاريخ التسجيل : 13/06/2009
- مساهمة رقم 57
رد: ندى وشادى..حلقات جــــ موت ــــــــامده
من طرف بنوتـــة مصـــر الإثنين أكتوبر 26, 2009 7:57 pm
ايه ده انتو كلكو عارفين هتخلص على ايه
طيب انا مش عارفه حاجه
وهموووووووووووووووووووووووت واعرف
بوسي عشان خاطرررررررررري هاتي المرة الجاية حلقتين
عشان بجد الحكاية دي عجباني جداااااااا
ومرسي يا قمر على الحكاية اللي زي العسل دي
بجد تسلمسلنا
طيب انا مش عارفه حاجه
وهموووووووووووووووووووووووت واعرف
بوسي عشان خاطرررررررررري هاتي المرة الجاية حلقتين
عشان بجد الحكاية دي عجباني جداااااااا
ومرسي يا قمر على الحكاية اللي زي العسل دي
بجد تسلمسلنا
سفـــ الاحزان ـــيره- عضو ميه ميه
عدد الرسائل : 166
العمر : 33
محل الاقامة : مـــصـــريه وافتـــخر
تاريخ التسجيل : 31/07/2009
- مساهمة رقم 58
رد: ندى وشادى..حلقات جــــ موت ــــــــامده
من طرف سفـــ الاحزان ـــيره الأربعاء أكتوبر 28, 2009 12:14 am
الحلقات جامده بجد استمرى ونحن فى الانتظار
اما نشوف اخره البنات دى ايه فين اهلهم دول مش عارفه
اما نشوف اخره البنات دى ايه فين اهلهم دول مش عارفه
BooSy CaT- -=| قــطــة الـمـنـتـدى |=-
عدد الرسائل : 15231
العمر : 36
محل الاقامة : قلـMـ حبيبى ـHـب
تاريخ التسجيل : 27/08/2007
- مساهمة رقم 59
رد: ندى وشادى..حلقات جــــ موت ــــــــامده
من طرف BooSy CaT الأربعاء أكتوبر 28, 2009 2:01 am
تسلموا ع المرور ي احلى بنوتات ف الدنيااااااااااا
خليكوا بس معايا وان شاء الله هتشوفوا العجب ف القصه دى
يالا هندوس حلقتين مع بعض
مش تغلى عليكـــــوا ي قمامير
خليكوا بس معايا وان شاء الله هتشوفوا العجب ف القصه دى
يالا هندوس حلقتين مع بعض
مش تغلى عليكـــــوا ي قمامير
Zidane- -=| عضو vip |=-
- : : -=| الحريف |=-
عدد الرسائل : 2890
العمر : 32
محل الاقامة : on the sky
تاريخ التسجيل : 16/08/2008
- مساهمة رقم 60
رد: ندى وشادى..حلقات جــــ موت ــــــــامده
من طرف Zidane الأربعاء أكتوبر 28, 2009 2:06 am
هههههههههه
انا الوحيد الى متاكد و عارف هى هتخلص على ايه و مش هتنازل عن الهديه
انا الوحيد الى متاكد و عارف هى هتخلص على ايه و مش هتنازل عن الهديه
BooSy CaT- -=| قــطــة الـمـنـتـدى |=-
عدد الرسائل : 15231
العمر : 36
محل الاقامة : قلـMـ حبيبى ـHـب
تاريخ التسجيل : 27/08/2007
- مساهمة رقم 61
رد: ندى وشادى..حلقات جــــ موت ــــــــامده
من طرف BooSy CaT الأربعاء أكتوبر 28, 2009 2:43 am
ههههههههههههههههههههههههههههههههههههه
ماشى ي ريس
طيب قول هتخلص ع ايه؟؟؟؟؟؟؟؟
الحلقتين
12 و 13
ندى: شادي يا حبيبي انت بجد عسل, ايه دا
كله؟.
نظرت ندى حولها لاصدقائها واصدقاء شادي , واختها وصديقاتها , الذين التفو
حولهما في الكافيتيريا مجتمعين مع اطفاء النور, وخروجهم منشدين اغنية عيد الميلاد
لندى, مع دخول التورتة وتصفيق الحاضرين.
قام شادي يقف , ليغني مع الجميع اغنية
عيد الميلاد, بينما هي متوقفة واضعة كفها على فمها من السعادة.
شادي: ايه رأيك
في المفاجئة دي؟.
عانقت ندى صديقاته وصديقاتها وهي تحيي الشباب, وتبتسم بسعادة
لشادي, الذي نظر اليها مبتسما, بينما مالت ريهام على سلمى.
ريهام: انتي الي
ظبطتي دا كله طبعا.
سلمى: بس يا ريكا.
ريهام: وانا اقول قاعدين تخططو لايه
انتي وهو بعد ما الامتحانات خلصت, وتلاقيه هو ولا كان واخد باله اصلا, وانتي الي
خلتيه يعملها كل دا.
قالت ريهام بنفاذ صبر.
سلمى: ايوة يا ريكا, انا الي
خليته يعملها العيد ميلاد, ايه يعني؟.
ريهام: انا مش فاهمة انتي بتضحي ليه وعشان
مين, يا بنتي هو مش حاسس بيكي.
سلمى: بس يا ريهام متناقشنيش في الموضوع دا بقى
تاني, انا معرفتش اكون حبيبة ليه, سبيني يا ستي اكون صاحبة, انا مرتاحة كده, طول
منا قريبة منه مرتاحة.
ريهام: كمان بتقوليلي ريهام, انتي كده هتخليني ابدأ
اكرهه.
وفي احد الاركان قال سامح لشادي, وهو يتابع هايدي بعينيه وهي
تتبختر.
سامح: انت مقلتش يعني انك صالحت هايدي.
رد شادي بانكار.
شادي:
هايدي مين دي الي اصالحها؟, بلا قرف.
سامح: امال ايه الي جابها؟.
شادي:
تلاقيها هالة, انا قلتلها جيبي اصحاب ندى مش اصحابك انتي.
فمرت هايدي من امامهما
وهي تنظر اليهما باستخفاف.
هايدي: هاي.
ردا برتابة.
سامح: هاي.
شادي:
هاي.
فنظرت الى شادي تقول بسخرية.
هايدي: ماحنا اتنطقنا وفهمنا اهه, وبقينا
بنعرف نعامل البنات ازاي.
فقال شادي ببرود.
شادي: من بعض ماعندكم.
هايدي:
يعني علمناكو اهه؟ وكسبنا فيكو ثواب.
شادي: طب حاسبي بس لحسن شعرك هيدخل في
الطبق, مش تتحجبي بدل مانتي منكوشة كده, اهو تكسبي فينا بجد ثواب وترحمينا من شعرك
الي كل شوية لون.
هايدي: هقلك ايه مانت طلعلك لسان على كبر, الله يرحم ايام
مكنتش بتعرف تجمع كلمتين على بعض.
وانصرفت في برود وهي تدفع شعرها الى الخلف
بيديها, بينما قال سامح.
سامح: هي..... هايدي دي فاضية؟.
شادي: معرفش,
ليه؟.
سامح: يعني.
شادي: كانت ماشية باين مع واد اسمه السلاموني.
سامح:
كانت ولا لسه؟.
شادي: معرفش, ابقى اسألك.
عدل سامح من هندامه, وهو يترك صحن
الجاتوة على المنضدة قائلا.
سامح: مالوش لزوم, انا هعرف.
وتوجه صوب هايدي,
بينما وقفت هالة بجانب عمرو صديقها.
هالة: عينك يا عمرو.
نزع عمرو عينيه
بصعوبة من على فتاة مارة امامه وهو يلتفت الي هالة قائلا في "استهبال".
عمرو:
ايه يا لولو ؟, انا كنت ببص بس, بشوف ايه الي مكتوب على البادي من ورا.
هالة:
كان مكتوب متبصش عيب هالة جمبك.
قال عمرو بمزاح سخيف.
عمرو: ايه دا؟ كل دا
كان مكتوب؟, استني اما ابص تاني كده.
ادارت وجهه ناحيتها بيدها وهي تقول
بحزم.
هالة: عمرو, اتلم بقى, كل دا وانا معاك امال لو كنت لوحدك تعمل
ايه؟.
قال في براءة مصطنعة.
عمرو: عمري ما هعمل حاجة, انا ببص اصلا عشان انتي
جمبي, لومكنتيش جمبي كنت هبص في الارض.
هالة: يا سلام.
امسك يدها وقبلها وهو
يقول.
عمرو: انا اقدر برضه ابص على حد ومعايا القمر دا, دانا لازم ابقى
اعمى.
هالة: ماشي يا اعمى.
ثم قال بمزاح.
عمرو: بس برضة مقلتليش, هو
الكلام كان مكتوب من ضهر البادي ولا من وشه.
ضربته هالة على وجهه بمزاح غاضب,
فأمسك يدها وقبض عليها وهو يضحك, بينما اقتربت ندى من شادي, تقول له.
ندى: حبيبي
دا احلى عيد ميلاد قضيته في حياتي, دا حتى احلى يوم قضيته في حياتي.
شادي: عشان
تعرفي ان حبيبك مبينساكيش.
ندى: انت تقدر تنساني اصلا.
شادي: غمضي
عنيكي.
فامتثلت , فاخرج شيئا في علبة مغلفة من جيبه.
شادي: فتحي.
ندى:
هاااااه, شادي ايه دا.
فتحها شادي واخرج سلسلة في اخرها حرف ن
بالانجليزية.
ندى: شادي,.......دي ...جميلة اوي.
شادي: عشان انتي جميلة اوي,
لفي البسهالك.
فالتفتت ندى ورفعت شعرها بينما البسها شادي السلسلة.
شادي:
عشان متنسنيش ابدا.
ندى: انا عمري ما بنساك ولا هنساك, انا بحبك اكتر من اي حاجة
او اي حد في الدنيا.
اشاحت سلمى بعينيها عن منظر ندى وشادي, وهي
تتألم.
ريهام: مهما عملتي عشان تقربي منه, هو هيقرب منها هي, احسنلك ابعدي
عنه.
سلمى: انتي مش فاهمة, هو مسيره في يوم يعرف مين الي بيحبه بجد, وهيبص مش
هيلاقي حد جمبه الا انا.
*********************
انحنت ندى على امها وهي تمسك
بالسلسلة الذهبية, وتريها لها.
ندى: شفتي حلوة ازاي.
امسكت الام بالسلسلة
تنظر اليها وهي تبتسم.
الام: جميلة يا حبيبتي.
فقالت نسمة, وهي تقف في منتصف
الحجرة واضعة كفيها في وسطها.
نسمة: ومفكرتوش تعزموني حتى يعني, مجتش على
بالكو.
قالت هالة وهي تمشط شعرها .
هالة: مكانش هيعجبك الجو, فيه ناس كتير
مبتحبيهاش.
نسمة: وانا اصلا مكنتش هاجي, عشان فعلا فيه ناس كتير مبحبهاش, بس مش
عيب يعني انك متعزمنيش, دنا اختك, دنا اقربلك من عمرو.
الام: معلش يا نسوم, اختك
محبتش تضايقك وتجيبك غصب عنك.
نسمة: يعني يعملولها عيد ميلاد وميقولوليش حتى,
استغفر الله العظيم.
قامت ندى تقبلها في وجنتها وتقول.
ندى: خلاص بقى يا نيسو
متزعليش , انا والله مكنت اعرف حاجة وبعدين انتي عندي بميت عيد ميلاد.
نسمة: لا
ياستي مانتي كفاية عليكي سي شادي, بتاعك, على العموم كل سنة وانتي طيبة.
وتركتهم
خارجة متوجهة لغرفتها.
الام: اصل نسمة دي بتموت فيكو, فبتغير عليكو
اوي.
هالة: قصدك بتغير مننا , عشان هي مش لاقية حد يبصلها.
ندى: بس يا لولو
متقوليش كده, هي صحيح ناشفة شوية بس نسمة امورة.
الام: انا مش عارفة هي طالعة
كده ليه؟, كلامها عامل زي الطوب, ومدهولة على طول, مش تترقق زي البنات, لا دايما
واخدة الحياة جد, دي حتى مشيتها عاملة زي العسكري.
جلست ندى في حضن امها وهي
تقول.
ندى: سيبك منها, شوية وهتصفى , بس اليوم النهاردة يامام كان عسل, كان
عايزك بجد.
الام: يا بنتي انتو شباب في بعضيكو انا كنت هاجي اعمل ايه؟.
هالة:
شفتي ياندى, مش سامح قعد يشتغل هايدي النهاردة.
ندى: يووووة, هي هايدي دي
مبتعتقش.
هالة: وعمرو برضه كان مخنوق منه, اصله مبيحبوش.
الام: هو عمرو الي
وصلكو النهاردة يابنات؟.
هالة: ايوة طبعا, كان لازم عربية , هنشيل الهدايا في
ايه؟.
الام: انا مش قلتلك متركبيش معاه العربية تاني يا هالة, افرضي حد شافك
دلوقتي او قال لباباكي .
قالت هالة بعصبية.
هالة: انا مكنتش لوحدي كان معايا
ندى, وبعدين احنا كان لازم حد يرجعنا عشان الهدايا, وانا اصلا مبقتش اركب معاه
العربية خالص من ساعة ماقلتيلي, انا معملتش حاجة الولد كتر خيره وصلنا لحد البيت
ولو بابا كان شافني او اي حد كنت هقوله عادي , يعني لو كان مهند ابن خالتي الي
وصلنا برضه كان هيبقى نفس المنظر.
الام: انا مبقلكيش كده عشان تزعلي, انا بقلك
بس خدي بالك, عشان عربية عمرو معروفة, وباباكي لو عرف هيعملهالك شغلانة.
ندى:
احسن حاجة ان شادي معندوش لسه عربية, محدش هيعملي مشاكل.
قالت هالة
بغضب.
هالة: انا محدش يقدر يعملي مشاكل ومش عشان منى اخت عمرو اتكلمت عليا شوية
, يبقى خلاص اسيبه عشان خاطرها, لأ دانا اعد على قلبها واعرف اتعامل مع عشرة
زيها.
ندى: هو مش خلاص معادلوش الا سنتين ويتخرج مش هيجي يتقدم بقى.
هالة: كل
واحد يخليه في حالة, خليكي في شادي بتاعك الي لسه قدامه خمس سنين دا.
ندى: والله
انا لسه صغيرة ومش مستعجلة, وهو كمان يشوف مستقبله ,وبعدين احنا اتفقنا اول ما يخلص
هيجي على طول هكون انا في تالتة كلية.
الام: ربنا يكرمك يا بناتي ويفتح في وشكو,
وينور ليكو طريقكو,ويبعد عنكو الناس الوحشة .
عادت ندى الى حضن امها في
اطمئنان.
ندى: يارب يا ماما.
$$$$$$$$$$$$$$$$$$$$$$$$$$$$$$$$$$$$$$$$
شادي:
اقفلي كلام في الموضوع دا خالص, احنا اتكلمنا كتير وانتهينا منه خلاص, عايزة
متتحجبيش انتي حرة لكن انا بقى انسيني, وانا قلتلك الي عندي.
قال شادي هذا
الكلام بصوت حاد في التليفون.
ندى: انت ليه بتهددني كده على طول؟, انت بتحط دي
قصاد دي ليه؟,
شادي: عشان انا كلمتك في الموضوع دا ميت مرة , مبتسمعيش
الكلام.
ندى: طيب منا بطلت البس اللبس الي بيضايقك اهه, وسمعت كلامك.
شادي:
انا مقلتش كده وبس, احنا اتفقنا انك هتتحجبي.
ردت ندى بشيء من العصبية.
ندى:
والله انت بس الي اتفقت مع نفسك, انا ماتفقتش مع حد.
شادي: يعني ايه؟.
ندى:
يعني انت الي كنت بتتكلم وترد على نفسك, انا مكنتش بقولك حاجة, انت بس الي اتعودت
انك تقول وانا انفذ.
قال شادي بغضب.
شادي: امال ايه المفروض ؟, المفروض ان
سيادتك الي تقولي بقى وانا انفذ؟.
ندى: لو سمحت متتريأش ,انا مقلتش كده ,انا
قلت....
شادي: ماهو الي كان ناقص تقولي كده, بصي ياندى انتي بقيتي تتعبيني في
المناقشة كتير ,وبتجادلي على طول, وانا امتحانات اخر السنة قربت ومش طايق
نفسي.
ندى: اااااه , داحنا رجعنا تاني لتطنيش الامتحانات, انت بقى مش مشكتك
الحجاب , انت بس بتطهقني عشان ابعد عنك ايام الامتحانات عشان تفضى للمذاكرة,انا مش
فاهمة هي المذاكرة دي ضرتي ولا ايه؟.
شادي: افهمي الي تفهميه, انتي اصلا دماغك
دي مريضة.
ندى: مش انا دماغي مريضة يا شادي؟, طيب ايه رأيك بقى انا مش هتحجب,
واهلى سايبني بشعري وموافقين ,وانت ملكش كلمة عليا.
شادي: طيب, خليكي بقى مع
اهلك.
واغلق الهاتف بغضب.
ندى: الو,.....شادي ,......الو.
نظرت ندى للهاتف
بحنق وهي تغلقه, ثم دخلت غرفة نسمة بعنف.
ندى: هالة ,عايزاكي.
قامت هالة من
جانب نسمة ,وهي تغلق الكتاب الذي بيدها تتساءل.
هالة: خير , شكلك
متهزأة.
امسكت نسمة بيد هالة تجلسها ثانية.
نسمة: ماتتكلمو هنا , لازم يعني
تختفو انتو الاتنين في الاوضة بتاعتكو.
عادت هالة لجلستها بجانب نسمة, بينما
جلست ندى بجانبهما وهي تقول.
ندى: انا اتخانقت انا وشادي.
نسمة:
احسن.
هالة: ليه؟.
ندى: عايزني اتحجب برضة.
هالة: طب ماتتحجبي يا بنتي
وتريحيه, انتي مش بتحبيه؟.
ندى: بحبه , بس هو بيطلب الحاجة كأنها امر, انتي
عارفة لو كان بياخدني بالراحة واحدة واحدة, والله كنت وافقت, لكن اسلوبه دايما
زبالة كده, يخلي الواحد مش عايز يسمع الكلام.
اعتدلت نسمة وهي تقترب من ندى
.
نسمة: بصي يا نودي, هو عنده حق في حاجة, انتي لازم تتحجبي, وتتحجبي عدل مش زي
البت دي الي لبسها كله هوهو, مزادش عليه الا ايشارب من فوق وهدومها صايعة, لا
تتحجبي صح, عشان ربنا يرضى عنك, وعشان دا المفروض, انما لو هتعملي دا علشان خاطر
شادي,... متعمليهوش احسن.
ضربتها هالة على كتفها وهي تتكلم.
هالة: اسمعيني
انا سيبك من البتاعة دي, يا بنتي ريحيه, الولاد مبيجوش الا لما بيحسو انك بتسمعي
الكلام وخلاص, يعني عمرو كده ساعات بيركب دماغه في حاجات هايفة, متنزليش الشارع
الفلاني, او متكلميش فلان, وبيبقى من غير سبب , لمجرد انه يحس انه ولد, انتي ساعة
القرف دا تكبري دماغك خالص, وتعملي الي هو عايزه, وبعدين تبقو تتكلمو, ومتسيبيهوش
يمسك عليكي حاجة, بالعكس داهو مش هيقدر يرفضلك طلب بعد كده لانك بتسمعي
كلامه.
نسمة: لاحول ولا قوة الا بالله, بقى بالله عليكي دا كلام, يعني تفضلي
قاعدة رابطة نفسك بواحد بيتحكم فيكي, وماشية على مزاجه عشان يثبت رجولته وبس وهو في
الاول وفي الاخر عيل لاراح ولا جه,, يابنتي ربنا بيحاسب قبل كل شيء على النية, يعني
لما تعملي حاجة لله, بتتحسب, لو لحد تاني مبتتحسبش , لما البنت دي تتحجب وهي نيتها
ترضي شادي, يبقى خلاص زي قلته, انا مش عارفة ربنا الي اهم عندك ولا شادي.
ردت
ندى بسرعة.
ندى: ربنا طبعا.
نسمة: مش باين, اهو كلام وبس.
هالة: انتي
عايزة ايه يعني؟.
نسمة: انا نفسي انتو الاتنين كده تفوقو وتعرفو ان الله حق,
يعني انتي وهي, المشكلة عندكو مش في الصبيان الي بتعرفوهم, المشكلة في انكو بتعملو
حاجة حرام ومش مقتنعين اصلا انها حرام.
هالة: يابنتي انا وعمرو في حكم
المخطوبين, اهله عارفين واهلي عارفين ,احنا مبنعملش حاجة غلط.
نسمة: مفيش حاجة
اسمها في حكم, فيه حاجة اسمها اه احنا مخطوبين قدام ربنا وقدام الناس, ساعتها تقولي
احنا مبنعملش حاجة غلط.
هالة: خلينالك الحلال والحرام يا ست نسمة لما نشوف
هيوديكي لفين.
فقالت ندى بشرود.
ندى: طب انتي ومامته عارفة وموافقة وبتكلميها
وبتكلمك, انا بقى اعمل ايه في مامته المرعبة دي.
نسمة: والله ام شادي دي ست
محترمة جدا, انا لو منها اعمل اكتر من كده, ماهو لما تفضلو تكلمو بعض وفي الاخر يجي
يقول هيخطبك, هتبقى امه مش طايقة تسمع سيرتك اصلا, ومحدش يقدر يلومها.
هالة:
انتي بتتكلمي في حاجة لسه بدري عليها, يا نيسو يا حبيبتي انتي بتتكلمي كده بس عشان
لسه مجربتيش, لما تحبي هنبقى نشوف, ماهي كانت بقول زيك والله.
نسمة: مش ضروري
اجرب عشان اعرف الصح من الغلط, مش لازم احط ايدي جوة الفرن واقول لازم اجرب عشان
اعرف بيحرق ولا لأ, الحلال بين والحرام بين.
هالة:ااااه, دا كلام ست ميسون بقى,
ولا كلامك انتي ,مانتي مصاحبالي شوية بلاوي.
نسمة: انا مش إمعه زيك عشان كلامي
يبقى كلام حد, وعلى الاقل لو ميسون الي قايلاه فانا باخد كلامي من بنت ومحترمة
كمان, مش كل كلامي, عمرو قال لأ شادي قال, ولاغية شخصيتي خالص.
ندى: يعني اعمل
ايه دلوقتي؟, انا زعلته مني.
هالة: اعملي اي حاجة الا انك تكلمي البت الي اسمها
سلمى دي زي كل مرة, انا بصراحة مبستريحلهاش.
ندى: انا اصلا مش هكلمه ومش عايزة
اصالحه , عشان يحس بقيمتي شوية.
هالة: ايوة كده اتقلي عليه ,وهو هيجيلك مدلوق
على وشه.
هزت نسمة رأسها في اسف وهي تقول.
نسمة: ربنا يهديكو, بجد, ربنا
يهديكو.
**************************
جلس شادي بجانب سلمى في الكلية وهو
يقول.
شادي: دماغها ناشفة ومبتسمعش الكلام, انا مش فاهم ليه مش راضية تتحجب,
مبسوطة هي كده وهي ماشية بشعرها.
سلمى: معلش يا شادي , اعذرها برضة ,هي لسه
صغيرة.
شادي: يعني هي غلطتي اني بحب واحدى اصغر مني, اعمل ايه بس انا مش
فاهم.
سلمى: ممكن برضة.
شادي: ممكن ايه؟.
قالت بحذر.
سلمى: ممكن تكون
غلطتك فعلا انك بتحب واحدة اصغر منك, يعني ندى واضح ان تصرفاتها عيالي
اوي.
شادي: بس هي مكانتش كده يا لومي, العند دا جديد.
سلمى: انت لازم تاخد
موقف عشان هي تاخد بالها, وتعرف ان الي بتعمله دا غلط, ومتتعودش انك
بتعدي.
التفت اليها يقول.
شادي: مش كده برضة؟.
سلمى: وبعدين لو مابقتش
كويسة معاك, لازم تتصرف بقى وتحط حدود.
شادي: لا يابنتي مش للدرجة دي انا بس
هقرص ودنها عشان تتعلم تتعامل معايا, بس انا مبفكرش اسيبها ,انا بحبها.
تراجعت
سلمى.
سلمى: وانا مقلتش سيبها خالص, انا قلت بس يعني ابقى ...خد بالك
بقى.
شادي: اه, ربنا يستر, والله موضوع ندى دا معصبني دايما, يعني كمان في البيت
ماما مبتسبنيش في حالي, على طول بتدخل الموضوع دا في الكلام, ومبترحمنيش, انا زهقت,
لا عارف اذاكر ولا عارف اركز.
سلمى: ملكش انت دعوة بس وركز في مذاكرتك ومصلحتك ,
مامتك عندها حق, لو شلت مادة محدش هينفعك, ولاحتى ندى نفسها هتتأذي,انت لازم تخاف
على نفسك اكتر من كده.
شادي: عندك حق يا لومي, والله انا مش عارف من غيرك كنت
هعمل ايه؟.
سلمى: مكنتش هتعمل حاجة.
شادي: لا والله بجد, انتي من اقرب الناس
لقلبي هنا, وصاحبة بجد, وخايفة عليا وعلى مصلحتي دايما.
خفق قلب سلمى وهي تستمع
الى هذا الكلام منه, فقالت بصوت خافت.
سلمى: بس انت تقدر.
شادي:
ايه؟.
سلمى: بقول انت تقدر تنكر خيري, دانا لولايا مكنتش نجحت.
شادي: يا
سلام, بأمارة اني كنت انا الي مخلصلك مشروعك الاخراني.
سلمى: ياراجل.
واخذا
يمزحان بينما قلب سلمى يخفق بعنف لكلامه الرقيق السابق,وعقلها يتمنى ان يترك
ندى.
Zidane- -=| عضو vip |=-
- : : -=| الحريف |=-
عدد الرسائل : 2890
العمر : 32
محل الاقامة : on the sky
تاريخ التسجيل : 16/08/2008
- مساهمة رقم 62
رد: ندى وشادى..حلقات جــــ موت ــــــــامده
من طرف Zidane الأربعاء أكتوبر 28, 2009 7:32 pm
ههههههههههههههههههه
بيس
بس ايه الام الغريبه ديه
ماشى تصاحبهم
بس مش تبقى معاهم فى الغلط كمان
بيس مستنى الى بعدو
و انا متاكد انك قلبتى كل الى كان متوقع نهايه القصه
بعد الحلقه ديه
معادا انا
لانى عراف هتخلص على ايه
هههههههههههههههههههههههه
بيس
بس ايه الام الغريبه ديه
ماشى تصاحبهم
بس مش تبقى معاهم فى الغلط كمان
بيس مستنى الى بعدو
و انا متاكد انك قلبتى كل الى كان متوقع نهايه القصه
بعد الحلقه ديه
معادا انا
لانى عراف هتخلص على ايه
هههههههههههههههههههههههه
دلوعة مصر- -=| عضو vip |=-
- : : -=| دلوعة المنتدى |=-
عدد الرسائل : 5438
العمر : 31
محل الاقامة : البيت اللى فى اخر الشارع
تاريخ التسجيل : 04/08/2007
- مساهمة رقم 63
رد: ندى وشادى..حلقات جــــ موت ــــــــامده
من طرف دلوعة مصر الأربعاء أكتوبر 28, 2009 11:54 pm
ايه الجمال ده ياقمر
بجد حلويييييييييييييييييين
انا دلخله متاخر اوى
معلش بقى
انا قراءت 4 حلقات
وهكمل الباقى ان شاء الله
تسلمى يا جميل
بجد حلويييييييييييييييييين
انا دلخله متاخر اوى
معلش بقى
انا قراءت 4 حلقات
وهكمل الباقى ان شاء الله
تسلمى يا جميل
Barbey- عضو مولع الدنيا
عدد الرسائل : 540
العمر : 34
محل الاقامة : المنصوره
تاريخ التسجيل : 07/07/2009
- مساهمة رقم 64
رد: ندى وشادى..حلقات جــــ موت ــــــــامده
من طرف Barbey الخميس أكتوبر 29, 2009 12:33 am
بصى انا هقولك ع حلاجه هو هيسيب ندى ويحب البت سلمى
او يمكن لا مش عارفه
بس حلقتين حلوين اووووووووى
بقولك ايه متتاخريش ف الحلقه الجايه اوك
او يمكن لا مش عارفه
بس حلقتين حلوين اووووووووى
بقولك ايه متتاخريش ف الحلقه الجايه اوك
Zidane- -=| عضو vip |=-
- : : -=| الحريف |=-
عدد الرسائل : 2890
العمر : 32
محل الاقامة : on the sky
تاريخ التسجيل : 16/08/2008
- مساهمة رقم 65
رد: ندى وشادى..حلقات جــــ موت ــــــــامده
من طرف Zidane الخميس أكتوبر 29, 2009 1:04 am
هههه
مش قلتكوا
كل التوقعات هتتقلب معادا انا
هههههههههه
بيس
مش قلتكوا
كل التوقعات هتتقلب معادا انا
هههههههههه
بيس
BooSy CaT- -=| قــطــة الـمـنـتـدى |=-
عدد الرسائل : 15231
العمر : 36
محل الاقامة : قلـMـ حبيبى ـHـب
تاريخ التسجيل : 27/08/2007
- مساهمة رقم 66
رد: ندى وشادى..حلقات جــــ موت ــــــــامده
من طرف BooSy CaT الخميس أكتوبر 29, 2009 1:37 am
بكره نفوووووووووووش
هههههههههههههههههههههههههههههههههه
تسلموا ع المرور الجاااااااااااااااامد ي اجمد شباب خلقهم ربنا
Zidane- -=| عضو vip |=-
- : : -=| الحريف |=-
عدد الرسائل : 2890
العمر : 32
محل الاقامة : on the sky
تاريخ التسجيل : 16/08/2008
- مساهمة رقم 67
رد: ندى وشادى..حلقات جــــ موت ــــــــامده
من طرف Zidane الخميس أكتوبر 29, 2009 4:21 am
ماشى هفوش
بمزاك
بمزاك
النجمة الوحيدة- -=| مشرف سابق |=-
- : : -=| نجمة المنتدى |=-
عدد الرسائل : 5077
العمر : 35
محل الاقامة : فى السما
تاريخ التسجيل : 31/10/2007
- مساهمة رقم 68
رد: ندى وشادى..حلقات جــــ موت ــــــــامده
من طرف النجمة الوحيدة الخميس أكتوبر 29, 2009 2:49 pm
ههههههههههههه
تسلمى يا بووسى بجد والله قصه ممتعه اوى بس انا واثقه ومتاكده هتخلص على ايه
يلا يا قمرى عاوزين الجديد
تسلمى يا بووسى بجد والله قصه ممتعه اوى بس انا واثقه ومتاكده هتخلص على ايه
يلا يا قمرى عاوزين الجديد
BooSy CaT- -=| قــطــة الـمـنـتـدى |=-
عدد الرسائل : 15231
العمر : 36
محل الاقامة : قلـMـ حبيبى ـHـب
تاريخ التسجيل : 27/08/2007
- مساهمة رقم 69
رد: ندى وشادى..حلقات جــــ موت ــــــــامده
من طرف BooSy CaT الجمعة أكتوبر 30, 2009 5:27 pm
ماااااااااااااااااشـــــــــــــــى
بتمنى تطلع زى م انتوا بتفكروا فعلا
تسلموا ع المرور الجامد
يالا دوسوا ف الجديــــــد
بتمنى تطلع زى م انتوا بتفكروا فعلا
تسلموا ع المرور الجامد
يالا دوسوا ف الجديــــــد
BooSy CaT- -=| قــطــة الـمـنـتـدى |=-
عدد الرسائل : 15231
العمر : 36
محل الاقامة : قلـMـ حبيبى ـHـب
تاريخ التسجيل : 27/08/2007
- مساهمة رقم 70
رد: ندى وشادى..حلقات جــــ موت ــــــــامده
من طرف BooSy CaT الجمعة أكتوبر 30, 2009 5:37 pm
الحلقه الــ 14
شادي: شفتي شكلك في الحجاب حلو ازاي ,مش وحش ولا حاجة.
تأففت ندى وهي تربت بيدها
على رأسها تعدل حجابها للمرة الالف, وهي تقول.
ندى: ومين قال ان انا
وحشة؟.
شادي: يعني ماكانش له لزمة بقى كل الزعل والقمص والمشاكل الي حصلت,
والناس تتدخل وسلمى وهالة, والي حصل دا كله.
ندى: والله مش انا الي دخلت الناس
,وبعدين الخصام كان جاي على مزاجك, كنت عارف تركز في امتحاناتك ولا ايه؟.
شادي:
انا قلتلك ميت مرة متقوليش كده تاني, انا مكنتش عارف اركز خالص, بالعكس , الموضوع
دا كان على طول مضايقني.
ندى: هنشوف لما تطلع الاول على الدفعة , هعرف اد ايه
كنت متضايق ومش عارف تركز.
شادي: ايه يا ندى, انتي تكرهي اني اطلع الاول على
الدفعة؟.
ندى: لا يا حبيبي , دانا اتمنى, بس كان نفسي تجيب امتياز في حبنا
الاول.
شادي:طب قفلي على الموضوع دا بقى , احنا مصدقنا اتصالحنا.
ندى: صحيح
احنا مستنيين مين ؟, هتوديني فين النهاردة؟.
شادي: مستنيين سامح وريكا, هيعدو
علينا بالعربية, هنروح نركب خيل.
ندى: اللـــــه, بجد يا شيدو, انا كان نفسي في
كده من زمان.
شادي: شفتي , انا بعملك كل الي انتي عايزاه ازاي, عقبال ما تعمليلي
كل الي انا عايزة, والقصة دي تدخل لجوه بقى.
ابعدت ندى يده عن وجهها ,وهي تعدل
شعرها البارز من اسفل الايشارب.
ندى: ملكش دعوة بقى, انا مش خلاص عملت الي انت
عايزة.
شادي: ماشي يا ستي, اهو سامح وصل اهه.
اوقف سامح السيارة امام
الكافية, فذهب شادي لدفع الحساب, ثم عاد اخذا ندى, وتوجها للسيارة وركبا بالخلف,
بينما التفتت ريهام تقول في سعادة.
ريهام: ايه دا يا نودي؟, مبروك على
الحجاب.
ندى: الله يبارك فيكي.
سامح: ازيك يا ندى؟.
ندى: الحمد لله يا
سامح.
شادي: اتأخرت ليه يا بني؟.
سامح: ريكا يا سيدي, كانت رايحة ترجع بلوزة
, وقعدت سنة في المحل وفي الاخر مرجعتهاش.
ريهام: وانت ايه الي مضايقك, دانا حتى
منزلتكش معايا, انت مش كنت قاعد في العربية في التكييف.
سامح: ياستي فداكي, ولو
مش قاعد في تكييف برضة.
ضربته ريهام على يده, وهي تقول.
ريهام: ولما هو كده,
بتتريأ ليه؟.
لف سامح يده على كف ريهام ,وهو يقول برقة.
سامح: انا اقدر اتريأ
برضه.
فنظرت اليهما ندى بدهشة , والتفتت الى شادي وهمست بأذنه.
ندى: هما
مرتبطين ولا ايه؟.
فأومأ شادي برأسه ايجابا .
ندى: من امتى؟.
شادي: من قبل
الامتحانات كده.
فأرجعت ندى رأسها للخلف وهي تتذكر كيف كانت هايدي تحكي لها
ولاختها, عن سامح واتصالاته الهاتفية بها, ودهشت قبل ان تشرد قليلا, وبينما هي
شاردة لمحت سيارة متوقفة بجانب سيارتهم في اشارة المرور, وتعرفت على السيارة في
الحال, فقالت دون ان تفكر.
ندى: ايه دا؟, عربية عمرو اهي.
ثم تجمدت الابتسامة
على شفتيها وهي تلمح بجانبه فتاة في السيارة, تضحك وهو يضع كفه على شعرها, فتسمرت
وهي تقول.
ندى: ايه دا؟, مين دي؟.
فالتفت الجميع ينظرون حيث تنظر.
سامح:
مش دا عمرو مجدي؟, هو معاه فردة جديدة, الواد دا ابن لذينة, كل اسبوع بشوف معاه بنت
شكل, فاكر يا شود لما شفناه في ال..........
فالتفتت ندى تنظر اليه في حدة,
بينما نظر اليه شادي من خلال مرآة السيارة بلوم, فابتلع بقية حديثة وهو ينطلق
بالسيارة.
سامح: الاشارة فتحت.
فالتفتت ندى بجسدها كله تتبع حركة سيارة عمرو,
وهي تبتعد عنهم في سرعة, والفتاة تضحك لعمرو في دلال, ثم قالت لشادي بغضب.
ندى:
مقلتليش يعني انك شفت عمرو مع بنت.
قال شادي في ارتباك.
شادي: انا قلت يمكن
تكون قريبته ولا حاجة, وقلت اكيد هالة عارفة.
ندى: لا طبعا مكانتش
عارفة.
وتعكر مزاجها وابتعدت عن شادي قليلا لتلتصق بالنافذة.
شادي: خلاص بقى
يا حبي, مالك مزاجك باظ ليه؟.
ندى: مش عارفة هقولها ازاي دي؟, دي كانت تشيط
فيها.
شادي: مش لازم تقوليلها.
التفتت اليه وهي تقول.
ندى: مينفعش, لازم
تعرف.
شادي: خلاص, قوليلها بس بالراحة عليها.
ندى: ربنا
يستر.
************************
قالت هالة بصوت عال وهي تتحدث في الهاتف مع
عمرو, في غرفتها هي وندى, بينما جلستا نسمة وندى تراقبانها في قلق.
هالة: وانت
بقى مشكلتك مين الي قالي؟, ..........الي قالي قالي يا سيدي, ......انت متجاوبش
سؤالي بسؤال, رد عليا, مين البنت الي كانت معاك في العربية؟.
ثم صمتت قليلا وهي
تدور بالهاتف في الغرفة ووجهها يزداد احمرارا وغضبا.
هالة: ولما هي بنت خالة
اشرف , ايه الي ركبها معاك في العربية؟,......ياسلاااااام, ...وعايزني انا بقى اصدق
الفيلم الهندي دا.
قضمت ندى اظافرها وهي ترقب اختها في توتر, فقالت لها
نسمة.
نسمة: بصي بصي, اهي هتطلع تطلع وتنزل على الفاضي, هيثبتها
بكلمتين.
هالة: انت بتزعق ليه؟,...انت بتزعقلي انا وانت الي غلطان,....لا مبرميش
وداني للناس, بس انا قلتلك كام مرة لو حد جه قالي تاني انك بتركب بنات معاك في
العربية يا عمرو مش هيحصل طيب.
نسمة: ومش بعيد تطلعك انتي الي غلطانة.
هالة:
الي شافك متأكد انها عربيتك.
همست ندى وهي تنظر لهالة.
ندى: والله العظيم
هو.
هالة: لا مش هيعدي, انا كل مرة بعدي, بس لحد كدة وكفاية,....لا مش
ههدى,....خلاص ياعمرو انت حر.
واغلقت الهاتف في عنف.
ندى: قالك
ايه؟.
هالة: بيقولي بنت خالة اشرف.
نسمة: هو هيغلب اعذار.
هالة: اخرسي يا
نسمة عشان انا مش طايقة دبان وشي.
قالت ندى بتردد.
ندى: ما يمكن... عنده
حق.
هالة: انتي هتستهبلي انتي كمان؟, انتي مش قلتيلي كان حاطط ايده على
كتفها؟.
اومأت ندى برأسها في حذر, بينما رن هاتف هالة .
هالة: ودا مين دا
كمان.
وقامت لتلتقط الهاتف , ونظرت اليه, ثم امتعضت وهي تقول.
هالة: يييييه,
امه, انا ناقصاها انا كمان, تلاقيها متصلة تصالحني عليه.
واخذت الهاتف وخرجت من
الغرفة وهي ترد.
هالة: الو,...ايوة يا طنط , ازي حضرتك عاملة ايه؟, عاجبك الي
عمرو عمله دا....
بينما قالت نسمة لندى.
نسمة: بصي خارجة شايطة ازاي, هترجع
مصدقاه بعد عملية التثبيت الي هتعملهالها امه, ومعلش يا حبيبتي وهو مبيحبش الا انتي
وكل الصبيان كده.
التفتت نى تقول في خوف.
ندى: بس هالة بتحبه اوي, انا خايفة
يسيبو بعض بسببي.
نسمة: لا متخافيش, هالة دي معمولها عمل الربطة الابدية في عمرو
مجدي, يعني هي دي كانت اول مرة يتشاف مع واحدة, وبرضة بترجعله زي الهبلة.
ندى:
بس هي عشان بتحبه بتسامحه, وبتديله فرصة تانية.
نسمة: يا حلاوتك, وهي الفرص دي
بقى مبتخلصش, ولو اتجوزو , هتفضل تديله فرص برضه؟.
ندى: انا حاسة بيها اوي, ازاي
تبقى بتحب واحد الحب دا كله, وبتستحمل معاه الحلو والوحش, وهو بارد كده, ومبيتغيرش
عشانها.
نسمة: انتي بقى بتتكلمي عن هالة, ولا بتتكلمي عن نفسك؟.
ندى: انا
بتكلم عن الصبيان عموما, كلهم خاينين وبايظين, يعني انتي عارفة سامح؟, طلع مرتبط
بريكا, ولما كلمت شادي قلتله دا كان بيتصل بهايدي يكلمها بالساعات, وانا شفت بعيني
,قالي عادي, وفيها ايه يعني, هو بيحب ريكا, بس هايدي دي تضييع وقت وبس.
نسمة:
بيحب ريكا وهايدي تضييع وقت!, ياعيني عليكي يا هايدي, مفيش حد عمره هياخدك جد
ابدا.
ندى: انا خفت ليكون شادي كمان بيحبني انا وبيكلم واحدة تانية تضييع
وقت.
نسمة: ممكن طبعا.
ندى: لا يا نسمة متقوليش كده,دانا كنت اموت فيها
,.....هما ليه الصبيان كلهم كده؟.
نسمة: عشانهم لسه صبيان زي ما بتقولي, شوية
عيال, وانتو كمان شوية بنات عيال برضة.
ندى: لا يا نسمة, الحب مالوش سن, يعني
قوليلي انتي لؤي ابن طنط سمية بيحبك ليه.
نسمة: يــادي الغباء, يا بنتي لؤي دا
عيل فاضي, وعشان وهو صغير كانو بيعدو يقولوله هنجوزك نسمة هنجوزك نسمة, صدق وكبر
الموضوع في دماغه, اصبري عليه شوية كده لما يدخل تالتة ثانوي هتلاقيه بيكلم بدل
البنت عشرة.
ندى: لا يانسمة, هو بيحبك انتي وانتي عارفة دا , ومبيكلمش حد
.
نسمة: والمفروض اني اعمله ايه؟, واحد رايح تالتة ثانوي وانا رايحة تانية
ثانوي.
ندى:بيقولو خدي الي بيحبك ومتاخديش الي بتحبيه.
نسمة: دا على اساس انه
متقدملي؟.
ندى: انتي مش عاجبك لؤي؟.
نسمة: الله يخرب بيت الحب الي انتو
فاهمينه غلط دا, يا بنتي قلتلك انا مش عايزة , انتي ليه مش فاهمة.
ندى: انتي
ازاي اصلا عايشة من غير حب كده عادي, انا بستغرب, بقى مبيبقاش نفسك ان فيه حد يسأل
عليكي, ويهتم بيكي, ويقولك كلام حلو, وتلاقيه كده خايف عليكي من الهوا
حتى.
نسمة: طبعا بيبقى نفسي, بس لو بيحبني هيسأل عليا من بعيد ,وهيهتم بيا انه
ميأذنيش في سمعتي وفي نفسي , ويخاف عليا من نفسه ومن انه يبقى عايز يرتبط بيا, ومن
كلامه الحلو الي هيقولهولي, انه ممكن يجرحلي مشاعري ويخليني يوزد.
ندى: يوزد؟؟؟,
ايه يا بنتي انتي هتلبخي ولا ايه؟.
نسمة: اه يوزد, زي الموبايلات كده,اول ماتحطي
فهيا خط بتتباع يوزد,والبنات كده, من كتر ما البنت بيتقالها كلام حلو, بتتقل ودانها
ومبتبقاش مستطعماه بعد كده, وبعدين الحاجات الي زي مسك الايدين والنظرات والحاجات
دي, عشان حرام , ربنا بيعاقب الي بيعملوها بعدين, بيشيل منها البركة بعد الجواز
بتبقى ماسخة وبايخة.
ندى: ايه ايه ايه؟, ايه الكلام دا يا بنتي, متعديش مع البنت
ميسون دي تاني, هي بتاخدك فين المحاضرات الي بتحضروها دي سوا, الله يخرب بيتك,
هتتمسكو امن دولة ان شاء الله, كده غلط يا نسمة.
نسمة: احنا مبنعملش حاجة غلط,
انا محتاجة حد يقف جمبي ويشجعني, لاني خايفة ابقى زيكو في يوم من الايام, ولا انتو
بقيتو بتقلبو الحقايق , بقي الي انا بعمله غلط والي انتو بتهببوه هو الصح.
ندى:
طيب مبتقوليش لماما ليه انك بتروحي؟,لما هو صح.
نسمة: عشان هتقولي بلاش , وانا
بقى بصراحة مش مستعدة اتخانق معاها.
ندى: على فكرة انتي كدة غلطانة؟.
نسمة:
بس غلط اهون من غلط, انا عشان اعجبكو لازم اكون ماشية مع ولد, وبصراحة كده انا مش
عايزة اعجبكو, انا قدمي مستقبل افكر فيه, ربنا بس يستر عليكي انتي ونتيجتك الي
هتطلع, لما نشوف اخرة الحب بتاعك دا ايه.
Zidane- -=| عضو vip |=-
- : : -=| الحريف |=-
عدد الرسائل : 2890
العمر : 32
محل الاقامة : on the sky
تاريخ التسجيل : 16/08/2008
- مساهمة رقم 71
رد: ندى وشادى..حلقات جــــ موت ــــــــامده
من طرف Zidane السبت أكتوبر 31, 2009 3:02 am
هههههههههه
ايه القفله العجيبه ديه
بصراحه القفله ديه موتت الاثاره الى فى الحلقه
بس كده بيس
اوى استمرى يا بوسى و بسرعه اكتر من كده شويه
ايه القفله العجيبه ديه
بصراحه القفله ديه موتت الاثاره الى فى الحلقه
بس كده بيس
اوى استمرى يا بوسى و بسرعه اكتر من كده شويه
BooSy CaT- -=| قــطــة الـمـنـتـدى |=-
عدد الرسائل : 15231
العمر : 36
محل الاقامة : قلـMـ حبيبى ـHـب
تاريخ التسجيل : 27/08/2007
- مساهمة رقم 72
رد: ندى وشادى..حلقات جــــ موت ــــــــامده
من طرف BooSy CaT الأحد نوفمبر 01, 2009 6:04 pm
هههههههههههههههههههههههههه
التشويق كله جاى
تابع انت بس
نورت ي قمرنا
بس انا زعلانه لان مش ف حد عبر القصه
البرنسيسه- -=| عضو vip |=-
- : : -=| برنسيسه المنتدى |=-
عدد الرسائل : 2729
العمر : 34
محل الاقامة : القصر
تاريخ التسجيل : 06/08/2007
- مساهمة رقم 73
رد: ندى وشادى..حلقات جــــ موت ــــــــامده
من طرف البرنسيسه الإثنين نوفمبر 02, 2009 2:55 pm
مين ده اللي مش عبر القصه
انا بس كنت في القاهره
و لسه راجعه
بجد قصه حلوه اوي
تسلم ايدك يلا بقي كملي بسرعه
انا بس كنت في القاهره
و لسه راجعه
بجد قصه حلوه اوي
تسلم ايدك يلا بقي كملي بسرعه
سفـــ الاحزان ـــيره- عضو ميه ميه
عدد الرسائل : 166
العمر : 33
محل الاقامة : مـــصـــريه وافتـــخر
تاريخ التسجيل : 31/07/2009
- مساهمة رقم 74
رد: ندى وشادى..حلقات جــــ موت ــــــــامده
من طرف سفـــ الاحزان ـــيره الثلاثاء نوفمبر 03, 2009 10:20 am
والله مفيش يوم ادخل المنتدى الا واقرا الحلقات الجديده
وبجد جميله اوى وعجبتنى البت نسمه دى يارب ما تقلب
استمرى يا قمر واحنا متابعين وفى انتظار الحلقات الجديده
وبجد جميله اوى وعجبتنى البت نسمه دى يارب ما تقلب
استمرى يا قمر واحنا متابعين وفى انتظار الحلقات الجديده
Zidane- -=| عضو vip |=-
- : : -=| الحريف |=-
عدد الرسائل : 2890
العمر : 32
محل الاقامة : on the sky
تاريخ التسجيل : 16/08/2008
- مساهمة رقم 75
رد: ندى وشادى..حلقات جــــ موت ــــــــامده
من طرف Zidane الثلاثاء نوفمبر 03, 2009 10:23 pm
ايه ده يابوسى ماحدش عبر القصه
هو انا مش كفياه ولا ايه
هههههههههههههههههههههههههه
هو انا مش كفياه ولا ايه
هههههههههههههههههههههههههه