الكنز المفقود الحلقة التاسعة عشر

كنز أنهارده يعيّشنا في مقامنا ويعرّفنا نفسنا
كنزنا المفقود هو

(أن نرى ربنا الستّير)


ربنا اللى معيشنا بستره في الدنيا دي ... وكتير من مخلوقاته بيعبدوه بشروط تخيل بشروط يعني يعبده ويقوم بفروضه لكن يبدأ ينتظر نعم ربنا عليه وخيره وكأنه بيعبده لمصلحة مش حباً وحمداً ليه ولنعمه علينا
لأ وكمان ده لو حصله بلاء يبدأ يعاتب ربنا ليه ياربي ده أنا بعبُدك بتعمل معايا كده ليه ؟؟

بسم الله الرحمن الرحيم

مِنَ النَّاسِ مَن يَعْبُدُ اللَّهَ عَلَى حَرْفٍ فَإِنْ أَصَابَهُ خَيْرٌ اطْمَأَنَّ بِهِ وَإِنْ أَصَابَتْهُ فِتْنَةٌ انقَلَبَ عَلَى وَجْهِهِ خَسِرَ الدُّنْيَا وَالْآخِرَةَ ذَلِكَ هُوَ الْخُسْرَانُ الْمُبِينُ



أيه ؟؟ أيه الجرئه دى!! ده كفايه أن ربنا مخلينا من امة سيدنا محمد عليه الصلاة والسلام ده ربنا ساتر علينا عيوبنا وغلطاتنا ..
حضرتك عارف ربنا فرض علينا العبادات البسيطة دى واللى فرضها علشان نأديها بقلوبنا وإحنا مقصرين او بنأديها بغفلة كل ده وربنا ساتر علينا وسامحلنا نقف بين إديه نشكيله ونطلب منه
كل ده ومش شايفين الستّار

طب تعالى كده.......>


ربنا بأسمه الستّار ستر عيوبنا وجمّلنا في عيون الناس لو كل صفاتنا واللى بنقوله ونفكر فيه ظهر قدّام الناس فكرك شكلك هيبقى أيه ؟؟.... الناس اللى بتحبك وتحترمك دى مين اللى جعلهم يشوفوا مميزاتك من غير ما يشوفه عيوبك وطبعا كل إنسان مليان بالعيوب إحنا بشر والكمال لله وحده

بعد كل ده ونقوله ليه يارب بتعمل كده؟؟ كل ده ومش حاسين بالستّار ؟؟

قال الصالحون


*ما صحبك إلّا ما صحبك وهو بعيبك عليم

* اللهم أنت الصاحب في السفر والخليفة في الأهل

(نموذج لشاب)


شاب كان عايش لنفسه ولحياته وصحابه بعيد عن ربنا عايش في المعاصي ويتجمعوا عليها هو وصحابه وفجأه صحابه ماتوا اللى مات سكران واللى مات مع واحدة

الشاب رجع لربه وأهتدى وكان في قلبة أيام المعصية شئ كويس بدليل بعد ما أهتدى سأله شخص كنت بتعمل أيه قبل ما تعصي قاله كنت بقول
أشهد أن لا إله إلّا الله محمد رسول الله علشان لو مت على معصية يبقى على الأقل ناطق الشهادة
ورزقه ربنا بالزوجة الصالحة
فربنا اللى ستره ساعة المعصية إن شاء الله هيسترها عليه يوم ما يلقاه




(لنصحية)


**إن كان ربنا هو الستّير فعلينا أن نستر نفسنا ولا نجعل الله يرى عيوبنا وإن عاصينا نجري على بابه
وتطلب المغفرة وأنه يسترها علينا ..لا ان نعصي ويستر معصيتنا

** النصيحة التانية للاعلام اللى بينشر أخبار وفضايح الناس

تعالوا نستر نفسنا مع نفسنا ومع الناس

والله المستعان....
------------------

.__________________