:::: فريق يلا :::: يلا بينا ::::

بجد ربنا يجزيكم كل خير

انا لقيت ترحيب اكتر مما كنت متوقعة بكتير

وخلاص ان شاء الله بكرا ليا معاد مع مدير الجمعية الساعة واحدة

وهتفق معاه على كل حاجة

وطبعا الدعوة عامه اللى عاوز يجى معايا ما عنديش اى مانع

السلام عليكم ازيكم ياجماعة كان نفسى اقولكم اخبار كويسة

بس هحكى على اللى حصل واللى ان شاء الله لسه هيحصل

اولا
اللى حصل انا روحت انا وفارفورة دار الايتام اسمها دار العز

وفعلا دخلنا للمدير واتكلمنا معاه وشرحت لية ايحنا عاوزين اية وكدا

طبعا رفض وقالى انهم مانعوا الزيارات من فترة عشان يعودا البنات اللى عندهم على العفة

وقالى طبعا انا اسف والله فضلت اناقش فيه كتير طبعا ما سمعيش منى ولا كلمة

عشان دا قرار من الجمعية مش هيرجعوا فيه وهو قرار يحترم وانا اكيد هسأل شيوخ عن كدا

المهم خارجنا من عنده والمشرفات اللى هناك خدونا يفرجونا على الدار بصراحة

مستوى عالى جداااا اعتقد انها احسن من العام

وشوفنا المكفوفين والبت فارفورة كمان عنيها دمعت اول ما شفتهم ربنا يكرمهم

والمهم جت المشرفة وقالت ان فى حاجة اسمها عمل تطوعى فى الدار

سألتها زى اية

قالت زى مثلا تسجيل مناهج للمكفوفين وان الدار ممكن تسمح لينا اننا نعمل اى حاجة للمكفوفين

بس الايتام لالالا

وزى كمان اننا ممكن نديهم دروس شرح ان انا القى عليهم الشرح وهما بيكتبوه بطريقتهم اسمها

براى تقريبا

واننا ممكن نطلع معاهم رحلتهم الرحلات طبعا تبقى فى المنصورة زى مثلا نادى الحوار

وكدا

وطبعا انا بعلن عن استعدادى الشخصى للكلام دا وعارفه ان الاغلب لسة فى دارسة صعب يعمل

الحاجات اللى فاتت

بس المدير قالى ان باقى الدور تبقل الزيارات للايتام

دى بقى ثانيا

اللى لسة هيحصل ان انا ان شاء الله لما انزل المنصورة تانى هعمل زيارة لدار تانية

واشوف برده نظامها ومستوها

وربنا يسهل ويارب يكرم ونعمل اى حاجة

شكرا ليكوا كتير يااممير ومعلش بقا بنتعبكو معانا وربنا يجزيكو كل خير


بـــــــــــــس ايــــــــــــــــــــه رائيكو نجمع مبلغ شهرى من كل واحد فينا حنه لو كان بسيط اووى 10 جنيه مثلا كم كل واحد ونديه لمكان وثقيين فيه انه هيوظفه فى اماكن تبرعات صح


مش عارف بقا اللى انا بقوله دب لبخ ولا ايه النظام

ياجماعة نسيت اقولكم حاجة وجعت قلبى اووى قالها ليا المدير

قالى اننا عملنا انجاز تصوروا اية هو انهم قدروا يعالجوا مشكلة

شهادات الميلاد اللى مكتوب فيها مجهولى النسب عشان دى حاجة ممكن تجرحهم لما يكبروا

بجد اتوجع قلبى وكمان حمدت ربنا على نعمة الاسرة اللى هما محرومين منها

وكمان انا معاك ياعمر فى الفكرة انا والله مش هفقد الامل

وان شاء الله هيبقى هناك طريق اخلى الكل يشارك

بس ادعولى ربنا يسهلها وانزل المنصورة تانى

وانا فعلا معاك ياعمر

وان شاء الله تتنفذ

ياجماعه للاسف انا حاسس ان احنا واقفين فى مكانا زى بقيه الشعب المصرى


بنتكلم اند نو تنفذ وياريت محدش يزعل منى

انا مبتكلمش عن حد فى المنتدى انا بتكلم بصفه عمه

والله ما فى زعل

بس فعلا ياعمر

انا محدده يوم هنزل فيه المنصورة

وهروح دار تانية ان شاء الله

وكمان بالنسبة للعمل التطوعى

انا مستنية تلفون منهم

عشان الموافقة

المشكله ان فعلا عندى ظروف فى البيت

مش قادرة انزل المنصورة الاسبوع دا

وربنا يحلها وانزل ان شاء الله

وياريت ياعمر لو تعرف دور ايتام او مسنين فى المنصورة

نرجو منك المساعدة

اووووووووووووووك انا هسال امى

لانها مهتما بالحجات دى اوووى هسالها وهقلكوا على طووول

ياريت ياعمر وانا ان شاء الله

هنزل الاسبوع اللى جاى

ان قدر الله ذلك وربنا يستر وما يحصليش حاجة

وان شاء الله احاول انظم اى حاجة

وانا ان شاء الله هنزل التلات

واروح الجمعيتن وربنا يسهل كل الخير

وربنا يكرمك ياعمر
و
جزاك الله عنا جمعيااا كل خير

طبعااا ممكن ياقمر

وانا هبعت ليكى رساله خاصة

وربنا يسهل ان شاء الله

اوووووووووووك



واهلا بيكى يابرنسيسه وشرفتى ارض مصر



يابرنسيسه اه يابرنسيسه

احراج مع الناس

الناس دى انا روحت ليهم بنفسى

ورفضوا اى مساعدة عشان هما جمعية غنية

مش زى اى جمعية عادية

وحتى نظام العمل التطوعى سبت رقم تلفونى عندهم

عشان لو حبوا ان انا اسجل مناهج

يكلمونى بس للاسف هما فاكروا ان انا جاية اهزر

وحتى مفيش اتصال بالاعتذار

وعموما انا اتصلت بناس اعرفهم فى القاهرة

بيرحوا فى دور ايتام

نصحونى اروح للدور الفقيرة لانهم فعلا دول المحتاجين

بس اى دار غنية بترفض حتى الزيارات

وانا اشهد ربنا لولا ان انا عندى شوية ظروف

كنت نزلت المنصورة من زمان

وعموما انا مكلمة ناس اصحابى هيروح الدور انا اديتهم عنوانها

وهيعرفوا النظام وهجيبوا كل المعلومات

والله مش ساكتة

وان شاء الله اعرف انزل بنفسى