من طرف السلام عليكم ورحمة الله وبركاته
بعد السلام والتحية
ويارب تكونوا في اتم صحة وعافية وربنا يحفظكم من كل شر وسوء
الموضوع يا جماعة في
غاية الاهمية والانسانية
انا امبارح كنت بتفرج على برنامج صبايا على قناة
المحور وكان الموضوع بيتكلم عن واحدة اسمها سناء احمد عليان
وهي من كفر ابراهيم
من دسوق
والقصة ان البنت دي عندها 15 سنة وكان ابن خالها بيحبها ونفسه يتجوزها
ولكن هي كانت هتتجوز واحد تاني فهو لما عرف كده قرر انه مفيش حد يتجوزها ابدا ورمى
عليها مية نار
مش عايزة اقولكم فظاعة شكلها يعني حصل حرق بنسبة كبيرة جدا تصل
الى 99 في المية يعني وجهها كله اختفى ما بقاش ظاهر غير عين واحدة وشبه فم وحرق
صدرها وذراعيها الاتنين
والبنت دي يا جماعة من اسرة فقيرة جدا وهي يتيمة
والمذيعة ريهام سعيد لما راحت زارتها في دسوق ما قدرتش تسيبها هناك وفعلا تم
نقلها الى مستشفى الحلمية العسكري للعظام والتكميل
والمطلوب مننا ياجماعة ان
احنا نساعدها ونتبرع ليها ولو حتى ب10 جنيه هتفرق قوي معاها علشان هي محتاجة حوالي
15 عملية تجميل وعلاجها هيستمر حوالي اربع سنين
وياريت يا جماعة اللي هيتبرع
يروح بسرعة لمستشفى الحلمية العسكري للعظام والتكميل بحلمية الزيتون ويتبرع لحالة
الانسة سناء احمد عليان
ويارب نقدر نساعدها كلنا وياريت يا جماعة تنشروا الموضوع في كل
مكان
وجزاكم الله كل خير
دى صوره صغيره مش لقيت غيرها لسناء
[ندعوك للتسجيل في المنتدى أو التعريف بنفسك لمعاينة هذه الصورة]
اللى مش هيقدر يتبرع ياريت الكل يدعى ليها
