بلد متعلم عليها ؟!

[ندعوك للتسجيل في المنتدى أو التعريف بنفسك لمعاينة هذه الصورة]


الكاتب / مصطفى شُهيب


[ندعوك للتسجيل في المنتدى أو التعريف بنفسك لمعاينة هذه الصورة]


ده غلاف كتاب تم اصداره بمعرض الكتاب الغلاف بيتكلم عن نفسه بيوضح السلبيه اللى بقى فيها اغلب الشباب اليومين دول وايام كتير فاتت واللى بسببهم اصبحنا بلد متعلم عليها بكل سلبيتها كل علامه وعلامه والعلامات بتزيد كل يوم والتانى
الكتاب لشاب من جيلنا عمره لا يتعدى 25 سنه لكن رؤيته كانت صائبه كان من الشباب اللى مش بيشوف الغلط ويسكت عليه حب يوضح وجهه نظره فى السلبيات اللى بيشوفها فينا ويعرضها ويبين حقيتنا اللى مش بنحب نشوفها
وكان من وجهه نظر الكاتب مصطفى شّهيب اننا اتعلم علينا :

[ندعوك للتسجيل في المنتدى أو التعريف بنفسك لمعاينة هذه الصورة]

ياترى من وجهه نظركم امتى اتعلم علينا وايه السلبيات اللى شيفنها وامتى هنقدر نمسح العلامه دى
ومين السبب فى العلامه اساسا احنا ولا مين بالظبط وبصراحه ياريت اللى شايف انه كان سبب فى اى علامه يواجهه نفسه ويحاول يتغير ويمسح علامه من العلامات عشان ترجع تانى صفحه بلدنا نضيفه وصورتها تكون افضل


ليا عوده باذن الله واتمنى الاقى تفاعل واراء منكم

الصراحه الكتاب مش سايب حاجه خااااااااااااااااااااالص

وبطريقه سهله ومعبره جدا وفعلا واقع حقيقى مليون ف الميه


انا جايب مقال من الكتاب ياريت تقرأووووووه علشان تعرفوا باقى الكتاب بيتكلم ازاى

بس بجد حاجه زى الفل



ي اليـوم مقـال جميل من كتـاب اسمه " بلد متعلم عليها " لـ كاتب ساخر صاعد " مصطفى شهيب " وبتقديم القدير " يوسف معاطي "

الكتااب متوفر في معرض الكتااب 2010


البوســتر " مُعبر جـداً "
[ندعوك للتسجيل في المنتدى أو التعريف بنفسك لمعاينة هذه الصورة]

اترككم مع المقـال " ثقافة قلـة الأدب "
................
جزء من موضوع "ثقافة قلة الادب
فصل - مصر المحروشة

الزمن
و العصر اللى احنا فيه ده بكل الشواهد هو زمن الاثارة الجنسية ..الجنس
موجود منذ بلايين بلايين السنين ..وكان معروف مكانه ..فى غرف النوم او فى
بيوت الدعارة ..لكن فى ايامنا السودة دى الاثارة الجنسية بقت موجود فى كل
حاجة فى حياتنا وفى كل لحظة ..و الجنس بقى ارخص من اوقت واى زمن ..

تجربة
بسيطة ..اخطف رجلك على اقرب بائع صحف ممن يفترشون الارصفة وفقط الق نظرة
..لا لا نظرتين ..الاولى على عنوانين الصحف الرئيسية .." القبض على سياسى
معروف فى احضان الراقصة المشهورة ... تفاصيل اصابة المطربة شيرين فى منطقة
حساسة ..ادمان ابو تريكه يهدده بالاعتزال .. سلمى سلمت نفسها للشيطان
فغلطت مع ابن الجيران .. سميحة القبيحة وقعت فى الفضيحه " مع عدد اخر من
العناوين المثيرة .. وطبعا انت بلهفه تيجى تشوف الاخبار المدمرة دى
..تلاقى اولا ان السياسى المعروف دة اسمه حمدى باتشان والراقصه دى نحمده
اساتك وطبعا انت لو قعدت تعصر فى دماغك مليون سنة لايمكن تفتكرهم عشان
الواقعة دى حصلت فى اوزباكستان اصلا ..اما اصابة شيرين فكانت فى اكتر
منطقه حساسة فى جسمها فعلا وهى عينها – انت اللى نيتك قذرة يعملولك ايه
يعنى – اما ادمان ابوتريكه فهو فعلا حقيقى لان ابو تريكة بياكل كراتيه
وبوظو بدرجة متوحشة تصل للادمان ..وونتيجه لده حايتخن ولما يتخن حايبقى
مهدد بالاعتزال – شفت ازاى- .. اما قصص الدعارة اللى فيها بتاعة سميحة
ورشا فالصحفى بيقعد كدة فى ليلة مفترجة مع كباية شاى تقيلة فى البلكونة
يسرح فى بنات الحتة عنده ويألف قصص عليهم , والعنوانين طبعا مش كفايه
..لازم عدد محترم من صور فاضحة لنجمات البورنو وممثلات او موديلز اجانب فى
اوضاع مثيرة وتقريبا من غير هدوم ..متصلبين فى جلستهم ..متصدرين الاغلفة
..وبالطبع مستحوذين على عقلك وتفكيرك وانتباهك ..وقبل ذلك شهوة فضولك الذى
بدأ يترنح بعد قراءة العناوين المثيرة مع صور المذذ فعملو احلى دماغ تخيل
ما تسخسرش جنيه ولا اتنين ابدا فى الجرنان..!!, اما النظرة الثانية فهى
على كم العدد الرهيب من الجرائد التى تنتمى لتلك النوعية القذرة من صحافة
الفضايح ..,
وانضم
للادب وعالم الرواية ..فلاسف اقتحم عالم الادب مجموعة من الدخلاء عليه
اقحمو الجنس فى اعمالهم بصورة مبالغ فيها لايجاد عنصر النجاح لها ..
واصبحت انجح الروايات واكثرها مبيعا الان لا تخلو من صفحات وصفحات تسحبك
برفق لعالم اخر من الخيالات الجنسية وتشطح بذهنك هنا وهناك لاحلام جنسية
تجعلك فى صورة غير طبيعية من الاثارة المستفزة .., واذا حاولت ان تسيطر
على انفعالاتك فاغلقت الكتاب سريعا وقلت لنفسك اية السفالة دى ..ستجد
المؤلف ظهر لك وكانك حضرته ..تجده منزعجا جدا من وصف رواياته بالاباحية ..
بل ويتهمك انت بالتخلف والرجعية وانك جاهل ما بتفهمش فى الادب والفكر
والابداع .., ياعم طيب نتفاهم بالراحة ..يعنى لما تقعد من صفحة عشرين
لاربعين عمال توصف فى جسم بنت وتفاصيلها ..اية يعنى هو البنات دى كائن من
الفضاء ماحنا عارفين البنت وجسمها ..لما تقعد كمان 15 صفحة عمال توصف
تفاصيل علاقة حميمية بين اتنين عشاق واحنا تقريبا مركبين قرنين واحنا
بنقرا ..ياعم هو احنا مولودين شيطانى ..ماحنا عارفين العلاقة وتفاصيلها
ولا انت بتراجع هلنا ولا اية ..كتير اوى من كدة لما الواحد كتير بيسال
نفسه ..دة ادب ..ولا قلة ادب ..؟؟

طيب حاول تسمع اغانى ..
حصريا و فى ايامنا بس بنات الليل بقو مطربات ..وطبعا هم اللى حولو
الاغانى
الرومانسية والشجن وحتى المقسوم لشوية عبارات ومعانى فجة وفاجرة و كلها
ايحاءات جنسية صريحة ..الصراحة راحة وانت مبتعرفش ..وحط النقط على الحروف
قبل مانطلع سوا على الروف و بوس الواوا .. وحاجات والله ماينفع تتكتب هنا
..مش تتغنى فى الافراح وتتشغل فى البيوت ويدندن بيها فى الحمامات....اما
المطربات المؤدبات ففضلو الايماءات بس ..يعنى اةةة واح ويا لهوى ومرقعة
واضحة مكانها الكباريهات ..لو سمحت بيها اصلا .. وزمان كنا نسمع عن الفن
الهابط ..انما فخر لينا ولجيلنا يظهر لنا الفن السافل .. ودة طبعا حاجة
تتفشخر بيها بعد كدة قدام عيالك ,
ولن
اتحدث عن الكليبات ..فهى تتحدث عن نفسها ..هم هم نفس المطربات العظام اللى
بيتأوهو ويتوجعو دول ..بدأو الاول بداية هبلة يعنى واحدة منهم ركبت عجلة
وادتنا ضهرها ..وهى كانت عايزة تفهمنا ان العقل السليم فى الجسم السليم ..
بس احنا للاسف شباب واطى ونيته قذرة وفهمنا غلط .., والتانية استعانت
بحصان كانت بتستحمى قدامه من غير هدوم و سمعنا انه كان حايغتصبها فى
الكواليس لولا المخرج قلع هو ولهاه.. وطبعا رسالتها كانت اننا نرفق
بالحيوانات اكيد مش حاجة تانية .., بس وبعد كدة مبقاش للاسف افكار جديدة
واتفقو كلهم على يونيفورم موحد وهى قمصان نوم ..الواحد يتكسف حتى يجيبها
لمراته .. و يقعدو يرقصو ويتنططو ويتشقلبو بيها على السرير وعلى الارض
وحمامات السباحة وخلاص بقا قانون الغنا فى مصر كلما تقلعى اكتر تتشهري
اكتر والفنانة العظيمة لما بينت الحتة الحساسة دى يا ترى حاتبين اية ف
الكليب الجاى والتانية عشان تنافسها حتقلع ايه تانى .., وااللى يغيظك اننا
شايفينهم حاجة والاعلام حاجة تانية ..الاعلام ما بيتعاملش معاهم على انهم
شوية بنات صيع مالهمش اهل ..لا دة بيعاملهم كعظماء وفنانين بجد .. امال
بنات الليل والعاهرات يبقو مين ..نفسى افهم !!


واكيد
مش كل بنات الليل عندها جراة انها تغنى ..بس مفيش مانع تبقى اعلامية
ومذيعة اد الدنيا ..تقريبا موجودين على عشرات القنوات بنفس قمصان النوم
عمالين ينادو عليك بمرقعة ..لا لا لازم تتصلو ..يلا بقى والنبى ..عشان
تكسبو ربع مليون جنيه ..يلا حلو الفزورة ..حاجة خضرا من برا ..وحمرا من
جوة ..وفيها حاجات سودة صغيرة .. يا ترى اية هى ..البطيخة ولا الشمامة ولا
الكورة الكفر ..؟؟

و
تفتكر السينما ها حتسيب الدنيا تضرب تقلب كدة ..لازم يبقى ليها دور برضه
.., واظن انها فى السنوات الاخيرة عانت من كثافة مشاهد السرير والخيانة
والاغراء و اللحظات السخنة دى ..ولما الموضوع لقوه مستهلك اوى وافلام
القصص والمناظر مبقتش تجيب فلوس زى الاول .. بدأو يطورو فيه شوية ..فجابو
لاول مرة مشاهد عن اللواط على الشاشة وخالد الصاوى كتر خيره قال بقين
جامدين فى الفيلم ..قالك ان اللواط مش حرام ..الحرام هو الزنا علشان بيجيب
بيبى ويتقتل وكدة ..انما اللواط وحب الرجالة لبعضهم بيس وفل ومعرفة
الرجالة كنوز .., ولما الهوجة بتاعتو خلصت اشتغلو بقا فى السحاق – شذوذ
البنات - والممثلات بيتخانقو مين عملته احسن .., اما المخرج بتاع السحاق
لما اتهموه بالمشاهد الخليعة دى ..شرشحلهم وقالهم بقولكو اية احمدو ربنا
..انا مرتضش اعمل فيلم حولين زنا المحارم ..اه فاحترمو نفسكو علشان ماقلش
ادبى ..!! تروح للمنتج ياعم اعمل حاجة مفيدة بدل ماتبقى اخرتك على
الباربكيو فى الاخرة .. يقولك والله انا ماليش دعوة هو الشباب قليل الادب
وعايز كدة , تروح للممثلة يا حاجة يهديكى يرضيكى يولع فيكى اية اللى انتى
بتهبيبه دة ..؟ تقولك انا محترمة وعارفة ربنا وانا بقدم رسالة زي زى
الدكتورة – اكيد دكتورة مسالك بولية -.. والمشاهد الساخنة دى لا يمكن
اعملها الا فى سياق الدراما وانتو اللى معقدين نفسيا ..الجنس بيحصل فى
المجمتع ولازم نجيبه على الشاشة وماتبقوش زى النعامة و...الخ,

بـاقي المقـال في الكتـاب

تمام يا شبح تسلم على الاضافه
بس كنت اتمنى الاقى مناقشه من الاعضاء مش مجرد شكر اكتر حاجه تضايق
الموضوع موضوع نقاش يا جماعه مش مرسى وتحياتى وروعه وجميل
ياريت نكون ايجابين اكتر شويه

تمام يا شبح وعلى فكره مش شرط النقاط المطروحه فى كتير سلبيات ممكن يكون الكاتب غفل عنها ومبدايا انا هبدا بالمناقشه وهتكلم فى السلبيات اللى طرحها الكاتب وفى نفس الوقت بشوفها فى الشارع بدايه البنات اللى لبسها مش تمام انا كبنت المنظر ده يستفذنى جداا ومجرد ما اشوف البنت كده بفكر الف مره ومره ازاى الجرأه اللى وصلتى ليها مش مكسوفه من شكلك كده الجينز ضيق ومفصل والبدى الضيق جداا ازاى قدرتى تنزلى كده من بيتك وفين اهللك عشان نعرف ان اول كلمه بتتقال اما حد يشوف بنت لبسها كده فين اهلها وفين ابوها وفين التربيه ازاى هتقبلى ان اهللك يتهانو بسببك وبسبب لبسك بعدين فين الصفات الجوهريه اللى بتتميز بيها البنت فين الحياء والرقه والاخلاق والادب كل ده اتبدل بسلبيه فى كل حاجه انعدمت الاخلاق والحياء مبقاش موجود لاء وفوق كل ده وده كميه ذنوب من بدايه خروجك من البيت لرجوعك اليه
ذنوب على كل واحد يشوفك وتكونى سبب فى الفتنه ذنوبه وذنوبك وبهنيكى على القدر الرائع من الذنوب اللى وصلتى ليها هتحطمى ارقام قياسيه
لو هدّافعى عن نفسك وتقولى اتعودت على اللبس ده تفتكرى ده هيكون ردك يوم القيامه قدام ربنا معتقدش لكن نفسى اعرف ردك هيكون ايه
وطبعا الكلام مش لكل البنانيت لان الحمد لله فى بنات مازلت محتفظه بالمبادىء والقيم اللى اتربت عليها والمجتمع الشرقى بيحكمنا بيها
كلامى مش معناه انى بلبس استدال ولا نقاب انا لبسى عادى جدا لكن مش بشكل مستفذ ولا ملفت للنظر وبحاول بقدر الامكان ارضى ربنا ومكونش سبب فى معصيه شخص اخر
وعلى فكره انا حبيت ان كلامى يكون مباشر عشان لو فى بنات قريت كلامى تعرف انى بكلمها هى ومش حد تانى وبجد من كل قلبى بتمنى ان ربنا يهدينا جميعا ويرحمنا من الدنيا واللى فيها وباذن الله ليا عوده مع مناقشه نقاط اخرى واتمنى الاقى مشاركه منكم

بصراحه يا سفيره توبيك جميل جدا وجزاكي الله كل خير عليه
والكتاب فعلا شكله جميل جدا وبيناقش كل القضايا بطريقه ممتاااااااااااااااااااااازه

اعمل حسابك بقى يا شبحنا هاجي استلفه منك انا والواد ايمو

ان شاء الله بعد القراءه نقول راينا يا سفيرتنا

مرسي يا جميل على طرحك للكتاب المهم دة

بس انا الحمد لله معنديش ولا علامة من العلامات ديه بس اول ما الاحظ اني خت حاجة منها او من غيرها (المهم تكون حاجة غلط و خلاص مش شرط تكون نفس النقط اللي كاتبها الكاتب) ان شاء الله هحاول على قد نا اقدر انفي الحاجة دية عشان مكونش سبب (و لو بـ
1%)في ان بلدي يتعلم عليها

و مرسي مرة تانية يا قمر

*بس انا عندي طلبمن الشبح:
يا ريت يا شبح لو تكبر الخط بتاع المقال شوية,عشان اعرف اقراه
اعمل ايه؟ عجزت خلاص
هههههههههههه