[ندعوك للتسجيل في المنتدى أو التعريف بنفسك لمعاينة هذه الصورة]
هكلمكم النهاردة بقى عن موضوع خطير جدا و هو سواقة البنات فى مصر ...
مبدئيا كده لو كنتى بنت بلاش تقري الموضوع ده او اقريه بس الكلام ده مش
عليكي ...
بدأت معرفتى بسواقة البنات فى مصر و انا بطلع الرخصة يجى من سنه كدا، ساعتها كان فى واحده بتجرب السواقة فى المرور
مش بتختبر !!
المهم مكنتش عارفة تسوق خالص و خيشت بالعربية المسكينة فى
السور، و دى كانت اول مرة اراقب سواقة واحده و مرت الايام و بعد ما طلعت
الرخصة بقيت اعانى من سواقة البنات فى الشوارع مش هتصدقو لما اقولكو انى و
الله فى اغلب الاحيان بعرف اللى قدامى ده اللى سايق ولد و لا بنت من
حركاته من غير ماشوف مين اللى سايق!!
يعني مثلا اديني فى الفرامل القفش
بسبب او من غير سبب و تكسر عليك من غير اى مقدمات ممكن تحكلك جنب العربية
او تخبطلك المرايا و ماشية عادى..اما بقى الركن ده حوار تاااانى خااالص
لسه و الله شايف واحده اول امبارح عايزة تركن و ياعيني فى واحد سعيد الحظ
كان راكن ورا المكان اللى هتركن فيه هى .. عمالة ترجع و تدب فى عربيته و
تطلع سيكا و ترجع تخبطها تانى و ظلت تطلع و ترجع تخبطها كتييير السنين و
التنين مبقتش عارف اعمل ايه.. كنت عايز ابلغ عنها .. طبعا فى بنات بتسوق
كويس جدا مش كلهم كده بس للاسف الامثلة اللى قولتها هى اغلب سواقة البنات
فى مصر و عجبي!!