تعالي يابني نفتشك ...خالد : طب استنوا اخد حتت الحشيش دي

بسم الله الرحمن الرحيم

يتصدر عنوان الصحف " خالد سعيد " بعد اعاده التشريح .مات باسفكسيا الخنق...

................

عارف انت علي اجهزتنا زمان كده .......صوره ..لقبر الرسول ..ومكتوب تحتيها
..هذه الصوره لم يراها الا 2 في المئه من المسلمين في العالم
...............وبالمناسبه هيا مكانتش صوره قبر الرسول من جوه اصلا ..دي
كانت صوره حاجه تانيه انا مش فاكر الحقيقه

المهم............انا بقي هقولكم الحقيقه بتاعت خالد سعيد ....الي لا يعلمها الا اتنين في الميه من اهل الارض كلهم

حقيقه مقتل خالد سعيد .....وربنا يستر ومتحسبش انا بعد الي انا هكتبه ده

لانه في منتها الخطوره........وانا عارف الموضوع من اول يوم خالد مات فيه ..بس مش راضي قول


الحقيقه المره ..........................


خالد سعيد كان قاعد في السايبر...بيشيك علي الميل بتاعه ....وبيسرش علي كام حاجه في جوجل


راح داخل عليه اتنين مخبرين ...شكلهم شيك كده ولابسين بدلتين سوده

راح قالولوا : " حضرتك الاستاذ المحترم خالد سعيد "

راح خالد الله يرحمه قايلهم : اه انا ..ليه في ايه

راحوا قايلنلوا : طيب ممكن نفتش حضرتك ...

راح خالد قالهم : ليه كده

راح المخبرين قايلينلوا : ده اجراء روتيني سيادتك

راح خالد قالهم : طب ثواني " اكل حتت الحشيشه دي "

راح واكل حتت الحشيشه - وسبحان الله كل الي فكر فيه ...أنه كلها علي طول ......يعني

الي انا سمعتوا عن ناس سمعت عن ناس بتحشش

ان الحشيش ده له طرق تحضير خاصه عجيبه معينه سفيحه نفيحه

لا بس هو خالد ..قالك انا هاكلوا

راحوا المخبرين قالوله : ليه كده حضرتك ..ده ممكن يضر بصحتك

خالد : لالا معلش سيبوني بس اكلها

راح واكلها .....فاتخنق يا عيني مقدرش يقف

راح وهو بيتخنق وبيدوخ كده .....راح واقع .. علي الارض...فوشه اتخرشم ..وحصل كل الي انتوا شفتوه في الصور ده
..فوافته المنيه ...وملحقش يتفتش

فالمخبرين قالك شيل يابني بسرعه تعالي نكشف عليه ...وراحوا ..وبعد خمس
دقائق ..لقوا مفيش فايده ..فرجعوه تاني ...وهما ماشيين قالوا البقاء لله
واعتذروا للبواب الي اتخبط عنده خالد ...- شوف الادب -


-----------------------------------------------

" لفظ قبيح " ..........


اقل ما يقال للنيابه والحكومه ....ووزاره الداخليه

البتاع الطبي ده ......بيقولك .....اصله مات با الفسكا فسكا دي . :S:S

طب والي حصل في وشه ده ........نتيجه الفسكا فسكا بردو ؟؟؟؟

يعني مثلا الاكسجين نقص من عنده ..فوقع فحصله الي حصله ده

ولا الحشيش كان يحتوي علي مواد سامه ...فحول وشه كده

ده لو الحشيش في نبالم ...مكانش عمل في وشه كده



انا مكنتش عايز اكتب علي الموضوع من زمان ........لاني مش عارف كل ملابساته

بس الي حرق دمي......ان الداخليه والنيابه والتشريح ..بيقولك ..اصله مات من الفسكا فسكا (اسفكسيا ) حاجه زباله كده

طب والي حصل في الراجل ده .......أديني اي تفسير .......يعني هما مثلا

جم قالوله .....والنبي يا استاذ خالد نفتشك ......راح خابط نفسه في الحيط ...وقعد يكسر في دماغه ....كل ده عشان هيتفش


بيفكرني باعلان بيبسي ماكس بتاع الوظيفه ........لما دخل واحد صحبه
.....وقعد يرمي في نفسه ويكسر في المكتب.......راح كل المتقدمين للوظيفه
مشيو ..وخد الوظيفه صاحبه

اهو خالد لما قالوله نفتشك يا حبيبي.....راح خابط نفسه وقعد يكسر في نفسه



والداخليه والطب الشرعي والنيابه والبتنجان الازرق ده


خلاص بقت البجاحه كده عيني عينك ...... بجاحه اني ايوه هو بيان كده ......وان شالله عنكم ما صدقتوه

" انت هتشكك في الداخليه ولا ايه "


لا حاشا لله طبعا

احنا الي ولاد كلب