من طرف بسم الله الرحمن الرحيم قعدت افكر مع نفسي كده.......لما الواحد
هنا..يبقي قاعد في قصر كبير..وشجر وخضره..ومتجوز سبعين واحده...وكلهم فله
..اجمل ما تتمني عينك واعلي كمان..................هتزهق بردو ...عندك كل
حاجه ..لازم تزهق - متستجعلش وتقفل وتفتكر اني هكلمك عن
محاسن الجنه.....الجنه معروفه عن الجميع محاسنها التي لا نستطيع ان نتخيلها
- ولكني فكرت ...وعرفت - تقريبا - ليه احنا مش هنزهق في
الجنه........وتفكيري الذي سأقوله صواب يحتمل الخطا..وقد يكون خطا يحتمل
الصواب --------- اقولك بقي يا سيدي......الله
سبحانه وتعالي..قيدنا بقوانين ...خاصه في الدنيا......زي : طبيعه البشر
..انه يزهق...يحزن...يكتئب...يتنيل بنيله...وطبيعه البشر بردو ..انه يفرح
...يزقطط ...يلعب بينج....وهكذا وبردو في قوانين : انك تخطئ ...وترتكب
ذنوب..وتتوب وكده كمان ربنا اعطانا ذكاء محدود......: يعني مثلا..اتحداك لو
قدرت تتخيل حاجه...وهميه..الا وكانت شوفت مكونتها قبل كده يعني لو اتخيلت
كائن فضائي مثلا.....هتلاقيه كائن جيلاتيني كده ...ومعفن ..وطالعله
عنين..عجيبه لو بصيت للي انت تخيلته دلوقتي...هتلاقي ان العنين انت شوفتها
قبل كده..الشيء الجيلاتيني انت شوفته قبل كده.....- هات اي جيلاتي من
جيلاتي عزه وهتلاقيه - ...اذا عقلك محدود.....وقدراتك في الدنيا
محدود...اتحداك تفضل سعيد سبعتاشر يوم علي بعضهم.....استحاله..لازم يتنكد
عليك في يوم اذا هذه هي قوانين الدنيا ....فيها كل حاجه .انت مقيد بيها
---------- فلما تيجي نخش الجنه - ان شاء الله اوعدنا يا رب - ...هتنتزع
منك قوانين الدنيا خلاص..لانك مش في الدنيا....يعني ..مفيش زهق....مفيش
نكد..مفيش الحاجات دي....- لانه غير مسموحلك..انك تزهق - زي الملائكه كده -
غير مسموحلها انها تخطئ - عمرك سمعت عن ملائكه بتغلط...حسبوا حسنات واحد
غلط مثلا ....حاشا لله..انتزع الله منهم خاصيه الخطأ
كذالك
في الجنه.......لا هتحتاج تلعب بلاي ستيشن عشان انت زهقات......
.ولا هتحتاج
تعد تلعب سيلكرود علي النت بسرعه 5000 تيرا بايت لأن كل
دي..متطلبات دنيويه...لهذا ف الجنه شيء
اخر نحن لا نعلمه..ولا نستطيع
نتخيله..لان قوانينها غير قوانين الدنيا لذالك..يجب ان تعمل لها بجد
واجتهاد....
انت لما تبقي عايز تجيب عربيه - كيا سيراتو - ..بتشتغل سبعتاشر
شغلانه بعد الضهر..وسته وتلاتين قبل الضهر..
وبتحوش..ومبتجبش الجرنال..ولا
بتجيب السجاير الكيلوباترا..عشان تجيب الكيا السيراتو مبالك بالجنه اللهم
ارزقنا ..الحكمه ..التي تقودنا ..لافعال ..نتقرب منها اليك..حتي تنزل رحمتك
علينالندخل الجنه ونرى وجهك الكريم اللهم امين..
.انشرها لعل وعسي يقبل الله
الدعاء
