من طرف زمان كانوا بيعملوا ريبورت للكفار ....بقلم هشام عفيفي
بسم الله الرحمن الرحيم
زمان ايام الجاهليه .. وايام ما بدأ رسول الله في الدعوه.......كانوا الكفار ..شغالين سباب وشتائم في رسول الله
صلي الله عليه وسلم ..وهاتك يا قصائد واديلوا...
وكان ..عتاوله الشعر..العربي...واساتذته ..والفطاحله في الشعر..نازلين في رسول الله صلي الله عليه وسلم
سباب وشتائم..ومسخره..بطريقه منظمه وشعر
لو كان المسلمين بتوع العصر الحالي..موجودين علي ايام الرسول .....كانوا هيعملوا الاتي..ركز
----------------------------------
الحقووووووووووووووا يا بني البشرررررر..الحقونا يا مسلمييييييييييييييين
ان رسوووووول الله..يسب ويشتم في هذه القصائد...وينشروا القصائد علي خلق الله
الحق ...اعملوا ريبورت للكفااااااااار - خدت بالك من ريبورت الكفار دي - ..انهم فسقه كافريييييين - جاب التايهه -
لا حول ولا قوه الا بالله......
ده طبعا مسلمين العصر الحالي ...بني البشر. الذي يخدع نفسه..تحت مسمي الدفاع عن رسول الله
--------------------------------------
مسألتش نفسك..قصائد الشتائم والسباب في رسول الله ايام بدايه الدعوه.....موصلتلناش دلوقتي ليه ؟؟
...انا اقولك
ايام الرسول صلي الله عليه وسلم..لما كانوا الكفار بيسبوه ويشتموه في قصائد
مكانش المسلمين ساعتها...بيعملوا جروبات .. " هيا بنا نجمع الفين قبيله حتي لا نقرأ قصائد السباب والشتايم "
مكانش ساعتها ..كل مسلم بيروح يكتب القصائد في حته تانيه ويقولهم
" يا جماعه محدش يقرا القصايد الي معايا دي ..وحشه بتشتم في الرسول عليه الصلاه والسلام "
يا جماعه..كل واحد يكتب القصائد مره تانيه ..ويقطعها عشان نرد علي الكفار - نفس فكره الريبورت-
..........
خلاصه القول ..لما تلاقي جروب ولا صفحه شتيمه للرسول او لله ..حاشا لله ولرسوله...
البيدج بتبقي مثلا من ملحد او واحد كافر..وداخل جواه خمسه سته صحابه
يشوفها واحد مسلم ...وكمان يستنصح بقي ..ويقولهم ايه
" يا جماعه اعملوا ريبورت ..بس متعملوش جوين ..- ناصح اهو - ...وانشروها واعملوا ريبورت بردوا "
لو مكانش سيادته نشرها عشان يقولكم اعملو ريبورت......مكانتش انتشرت علي الاكثر من الاتناشر الي عندهم
واحد يقولي : طب وازاي نسيب الي مكتوب كده الناس تصدقوا ...
انا اقوله : انت كده بتضحك علي نفسك......مسلم مسيحي يهودي..عارف كل صفات النبي عليه الصلاه والسلام...
وعارف ان كل الي مكتوب افترائات وكلام فارغ
بالله عليكوا شغلوا مخكم شويه......ما بيشهر الجروبات المسيئه..للاسلام...الا المسلمين نفسهم
" يلا نجمع مليون بني ادم..نقول للي عمل الصفحه.. يا وحش ..مش هنكلمك تاني "
" انشرها واعملوا ريبورت بس متعملوش جوين..عشان الصفحه متزدش " - طب ما انت كده نشرت الي الراجل عايز يقولو ..
ويتعمل صفحات تانيه وجروبات تانيه تجمع 50 الف بني ادم علي صفحه مسيئه فيها الفين شخص..
ومن الالفين شخص دول .. 1995 شخص..بيقول للراجل .." اتقي الله ..ده انت ربنا هيولع فيك "
" انزلي منطقتي وانا اشرحك يا ابن الجزمه "
" ده انا لو شوفتك قدامي دلوقتي هنفخك ..تربتنتين امك !! "
ارجوا استخدام نعمه العقل التي انعم الله بها علينا
وارجوا نشر هذه المقاله....حتي لا يقع غيرك في فخ سلامه النيه وتنفيذ الخطأ
