يوميات قلب مجروح (قصة حقيقية )

الله على ردك يا ايمي
‏ بجد روعة
وانت يا ميدو عايز شيشة
ههههههههههههههه
تسلمو بجد على الردو الحلوة دي
واستنو الحلقة الجاية

الله على ردك يا ايمي
بجد روعة
وانت يا ميدو عايز شيشة
ههههههههههههههه
تسلمو بجد على الردو الحلوة دي
واستنو الحلقة الجاية

بجد انا اسف على التأخير
وعشان كدة انا هنزل حلقتين

الحلقة السادسة
يصحى حازم الصبح ومعاه شنطته وسلم على عمته وولاد عمته وشكله طبعا مصدوم من كل اللى حصله ومش مستوعب حد من حواليه...ايه يا ابنى انت رايح فين الساعة لسه 8 يا حازم مش هتنزل حتى الا لما تفطر...معلش يا عمتو مش هقدر انا لازم انزل عشان فى محاضرة صحابى قالولى عليها درجات حضور ومينفعش اغيبها...طب استنى اعملك سندويتشات انت هتنزل كدة على لحم بطنك يعنى...ربنا يخليكى يا عمتو انا مش جعان وهبقى اشترى اى حاجة وانا ماشى يلا مش عايزين اى حاجة...ربنا يخليك يا حازم وسلملنا على كل اللى فى اسماعيلية ومش هتتحسب المرة دى المرة الجاية هتيجى تقعد معانا شوية كتير...حاضر يا عمتو طبعا من عينيا ومسنينكو فى اسماعيلية بردو يلا اشوف وشكو بخير.

نزل حازم ووصل محطة الماظة وركب البولمان وطول الطريق عنيه على الشباك وفضل يرجع شريط اللى حصل كله من اول ما قرر يحب ويرتبط ولما اتعرف على مروة والليالى الجميلة اللى عاشها وكلامهم وضحكهم وسهرهم وازاى دخل منطقة عمره ما عشاها فى حياته قبل كدة من الاحساس ولحد الليلة اللى حصل فيها كل اللى حصل ومكالمة مروة وصدمة عمره الاولى اللى كان حازم فى وقتها شايف ان دى نهاية العالم وان عمره ما فى حياته ما هيتصدم صدمة زى دى ابدا ومكنش يعرف ان دى مجرد البداية وراح حازم فى النوم وصحى على وصول ودخول اسماعيلية.


نزل حازم واول مرة يحس ان اسماعيلية حزينة اوى كدة واكنها معاه وبتواسيه فى اللى جراله والشوارع فاضية وساكتة وروح حازم البيت وقفل الموبيل وقفل على نفسه اوضته وفضل باصص للكمبيوتر وقرر انه مش هيدخل نت تانى لكن راح جارى عليه وفتحه ومقدرش يقاوم انه يشوف يا ترى مروة بعتتله حاجة اى ايميل او اى حاجة ويفتح حازم وهو متلهف ولكن ما لاقاش حاجة خالص.

فضل حازم فى اوضته ما بيخرجش غير عشان يرد على تليفون او يقعد مع باباه وماماته شوية ويدخل تانى على الوضع دة 3 ايام ورا بعض ومش بينزل حتى مع صحابه لحد ما فى اليوم التالت فكر فى حاجة فكر حازم انه صح اتصدم لكن دى كانت اول مرة ومش لازم اول مرة تكون صح ومروة مش هى اخر بنت فى الدنيا كمان انا انفتحت جوايا مشاعر واحاسيس جميلة انا هستفاد منها من الوحش والكويس واكيد الاختيار الجاى هيبقى صح انا لازم انساها اكنى مقبلتهاش ولا عمرى عرفتها واكيد اللى حصل دة خطوة وهلاقى زيها كتير اوى واحسن منها كمان.

بس يا ترى بردو من النت والا احب من الحقيقة ولا اعمل ايه لا انا هسيب الموضوع يجى لوحده هنا او اهنا او حتى على المريخ انا مش هدور انا هعيش عادى وزى ما يجى يجى ايوة كدة صح وانا مش لازم انكسر انا هرجع زى ما كنت الاول واحسن كمان والمرة دى انا اكتسبت خبرة وعرفت شوية ايه الحب وازاى اتكلم واتعامل مع البنات وصفحة مروة خلاص للابد وادى كمان نمرتها وكل رسايلها باااااااااااااااااااااى مروة.



مسح حازم كل حاجة كانت بتربطه بمروة نمرها ورسايلها وقرر كمان انه ميفكرش فيها ونزل تانى لصحابه وكليته ورجع يخرج ويهزر يعنى فعلا راحت الحكاية من باله ولكن حلمه الاساسى فى انه يلاقى البنت الملاك اللى بيحلم بيها دة اللى مرحش ولا عمره هيروح من باله اكيد وقرر يعيش من تانى. وقرر ان عمره ما يحكى اللى حصل لحد لان طبيعته كدة ما بيحبش يشكى لاى حد حتى لو كان مين ولا يبان ضعيف ادام اى حد .
عدت الايام وجت امتحانات اخر السنة وحازم انشغل بالورق والتصوير والملغى واللى هيتذاكر واللى هيتقلب وجت الامتحانات وعدت بسلام وبعد ما كان هيضيع لانه كان اهمل كل حاجة مذاكرة والكلية مكنش بيروحها فى فترة لما عرف مروة.المهم جت الاجازةوقرر حازم وصحابه هيروحو مرسى مطروح ولقى حازم انها فرصة كويسة يفك بيها عن نفسه ويغير جو ويكون ادام البحر اللى بيعشقه.

وقعد حازم مع صحابه اسبوع ضحك ولعب وهزار ونسى الدنيا باللى فيها وكل اللى جراله وعدى عليه قبل كدة لحد ما فى يوم زهقو وقررو كلهم يرجعو اسماعيلية من تانى.وهما راجعين بقى اكلمو عن قصصهم وعن حكاياتهم والبنات ولحد ما حسام قال على فكرة النت ولع بنات فسأله حازم اشمعنى بقى يا ناصح ولع يعنى اليومين دول مهم مرميين عليه على طول... لا يا فالح والع اكتر اليومين دول عشان احنا فى الصيف فى الاجازة ومفيش دروس ولا مدارس ولا مذاكرة وفى ناس كتيرة جدا مكنتش بتدخل ايام الدراسة وبيدخلو ايام الاجازة واللى كان بيدخل شوية فى الدراسة فى الاجازة بيدخل يقعد شوية اكتر بكتير فهمت يا فالح...فهمت يا عبقرينو ماشى يا خبرة...اتعلموها بقى.

طبعا اخد حازم الكلمتين دول حلقة فى ودنه وقرر انه اول ما هيروح بالليل هيرجع يقعد على النت تانى لانه هيكون زهقان وانه هيقعد للتسلية ويضيع وقت بس مفيش حب والكلام دة الا لو صادفه وجاله لحد عنده انما هو لا مش هيدور عليه تانى ابدا. وصل حازم اسماعيلية وسلم على صحابه ودخل البيت وسلم على كل البيت ووحشتونى وحمد الله على السلامة وكل الكلام دة وقرر ينام عشان يرتاح شوية.

صحى حازم بالليل وفضل يقلب فى الدش لحد ما زهق وافتكر الكمبيوتر يلا هندخل على الشات .ويدخل حازم ويفتح ايميله ودور بسرعة تانى على اى حاجة من مروة ملقاش ومسح ايميلها عشان مكنش مسحه قبل كدة وبدا حازم القصة من تانى ودخل على الشات.


وهاى هاى ازيك ازيك ونتعرف ...القصة بدات تانى فعلا لكن الاختلاف المرة دة ان حازم فعلا جواه اختلف وبقى بيقعد بس عشان يضيع وقته ويضحك وينسى حتى اللى كلمهم واللى عايز ايميله اوكى بس هو ما يسالش حد ايميلك ايه وفضل حازم على الوضع دة فترة واتعرف على ناس كتيرة اوى ولاد وبنات وكان بيتكلم على العام مبيدخلش مع حد خاص واتعرف على ناس كتير اوى وناس راحت وناس كلمها مرة واحدة بس وناس جاتله اسماعيلية وبقو فعلا صحاب لحد ما فى يوم حصلت حاجة غير متوقعة...

حازم بيتكلم على العام عادى مع صحابه اللى اتعرف عليهم وبيحكى حكاية حصلتله بجد مع صحابه وكلهم بيضحكو معاه وكدة لقى فجاة على الخاص حد باعتله هاى انا متابعاك من فترة وانت بتتكلم على العام وعايزة اتعرف عليك انا معجبة بكلامك وطريقتك وشخصيتك جدا ممكن ولا امشى؟؟؟


رد حازم وهو متفاجىء شوية وفكر للحظة انها مروة لانه بنفس اسمه مش بيغيره اللى دخل بيه على الشات من اول مرة وقالها لا طبعا اوكى نتعرف مفيش مشاكل وبداو يتعرفو انا نيرمين عندى 16 سنة
فى تالتة ثانوى من مصر الجديدة...وانت...حازم 20 من اسماعيلية كلية تجارة...انا كان نفسى اكلمك كذا مرة على فكرة يا حازم بس كنت بتحرج لا تقولى لا مش بتعرف اصل دايما كلامك على العام...لا عادى اهو الواحد يعنى بيضيع وقت وكدة...انت عارف انت عسولة اوى يا حازم...ههههههههه ربنا يخليكى دة من زوقك. واستمر التعرف وقت وفى الاخر مشيت نيرمين وضافو بعض على الايميل واتفقو هيدخلو تانى امتى عشان يكملو كلامهم مع بعض ويتعرفو اكتر واستاذنت نيرمين تمشى عشان نازلة درس دلوقتى.

يا ترى هيحصل ايه بعد كدة خليكو معايا عشان تعرفو ايه اللى جاى وايه المفاجاة الكبيرة اللى نيرمين مخبياها لحازم ادام.
والحلقة السابعة تحت

الحلقة السابعة

فرح حازم اوى بانه قابل نيرمين وكان مستغرب اوى من اسلوبها بتتكلم بكل طبيعية وتلقائية ودمها خفيف جدا وروحها جميلة اوى وحس انها ممكن تكون اللى بيحلم بيهابس قرر ميستعجلش ولازم يعرفها كويس جدا ويعرف عنها كل حاجة كويس اوى خصوصا انه كان قلقان شوية من جرأتها الغريبة.
وقرر انه هيعرف منها كل حاجة المرة الجاية.

اتصل حازم بحسام وكان فرحان اوى...ايوة يا حسام انت لسه نايم ولا ايه...ايوة يا ابنى حد يصحى الساعة 12 الضهر انت عبيط ولا ايه...لم نفسك ياض بقولك الساعة 4 تجهز انت والعيال كلمهم عشان انا نازل اغسل العربية هنروح الضنفاه نلعب كورة وبعدين هننزل المية...ايه يا عم فى ايه انت نشيط على الصبح كدة ليه...قصدك نشيط على الضهر قوم يا ابنى خلاص داخلين على المغرب...ماشى يا عبقرينو هستناك الساعة 4...ماشى يا خفة يلا واجهز عشان هنلاعب فريق جامد سلام.


عدى حازم على حسام وصحابه وراحو النادى ولعبو ماتش جامد اوى واتغلبو هزيمة تقيلة اوى وخرج حازم وفضل يتخانق مع حسام ويجرى وراه ويقولو انت السبب انت اللى خسرتنا انا عارف اخدتك معايا ليه ويجرو كلهم وينطو فى المية ويضحكو ضحك جامد اوى وكان اكتر واحد حازم وطبعا كان كل دة لانه حس انه هيحب تانى وان نيرمين عمال يتعلق بيها من غير ما يحس ورجعتله نفسيته المرتاحة مرة تانية


خرج حازم وصحابه من الماية واتفقو هيخرجو بالليل ويسهروا ووافق حازم وقالهم اساسى معاكم واستغربو خصوصا انه كان بقاله فترة مش بيوافق يخرج معاهم عشان كان بيروح يكلم مروة كل يوم بالليل ويسيبهم.

وصل حازم صحابه وروح على البيت وخد شاور وغير هدومه وفتح الكمبيوتر يسمع عمرودياب شوية لانه بقاله فترة كبيرة كان مش بيسمعه وبعيد عنه طبعا...وفتح الايميل ولقى نيرمين قاعدة وبتوقولو هااااااااااااى. قالها ازيك اخبارك ايه...تمام وحشتينى اوى...ايه داخل بدرى ليه ...لا انا كنت بسمع عمرو دياب وفتحت الايميل بالصدفة لقيتك...انا كمان بسمع منير وبكلم سارة صاحبتى...طب كويس اوى سلميلى عليها...بتسلم عليك انا حكيتلها عليك اصلها كانت عارفة انى معجبة بيك وعايزة اكلمك... واضح انها انتيمتك...دى اكتر من اختى...حازم انت هتدخل بالليل....اه لما ارجع من برة هدخل ...امتى....على 3 كدة...طيب بقولك ايه متجيب نمرتك اسهل يعنى ....نمرتى....اه اسهل نتصل ببعض بدل ما استناك وتقولى هتيجى امتى كدة يعنى وكمان تسمع صوتى ولا مش عايز....لا ازاى طبعا عايز انا عايز اعرف عنك كل حاجة...وانا كمان اكتر منك...خلاص اوكى دى نمرتى رنيلى عشان اسيفك وانا هكلمك بالليل قبل ما ارجع اوكى...اوكى يا حازم خد بالك من نفسك وارجع بدرى بقى ما تصعش اوى يعنى.......ههههههه حاضر ربنا يسهل يلا سلام دلوقتى...سلام


استغرب حازم اوى من جراتها اللى عمالة تزيد ولكن كان مبسوط بيها وبروحها اوى وابتدى يدخل منطقة الحب تانى بس كان فاضل عليه شوية صغيرين...

وخرج حازم وخليكو معايا عشان نبقى نعرف هيحصل ايه لما يرجع وهيتعرفو على بعض اكتر ازاى.
وايه الجديد اللى هيحصل

وانا معاكو في كل الي قلتوه وانو المفروض يفكر قبل ما يبتدي حب جديد تسلمو على المرور يا احلى اعضاء
وان شاء الله مش هتأخر عليكو في الحلقات الجاية

الحلقة الثامنة

خرج حازم مع صحابه ونزلو طريق البلاجات وراحو كوفى شوب وقاعدين وبيكلموا وفجاة يجى لحازم تليفون ويكون من نيرمين ويقوم حازم زى اللدعة يرد عليها الو...ايه انت لسه خارج...اه لسه...هترجع امتى...لسه يعنى شوية كدة...مكلمتنيش ليه ...يعنى اصلى قاعد مع صحابى ومجتش فرصة انا قولت وانا راجع هكلمك اقولك انى هدخل على النت ايوة بس اصل انت اتاخرت وبعدين انت وحشتنى اوى...لحقت اوحشك دة احنا لسه اول مرة نتكلم...انت بتهرج دة احنا عارفين بعض من يومين...اه فعلا معاكى حق دول كتير اوى...اكيد...طيب انا شوية وهرجع وهكلمك اوكى...خلاص مستنياك.


يرجع حازم لصحابه تانى ايه يا عم مكالماتك كترت يابا ايه الكلام ماشى يا عمنا ماشى الله يسهلوا ياعم...ايوة صح بقالك فترة يعنى وانت مختفى من قبل لامتحانات ومع نفسك كدة وبتاع ايه نظامك...اللى اداك يدينا يا عم...بس يا ابنى انت وهو اتلمو ايه هتدورو القعدة عليا ولا ايه...ويكملوا خروجتهم وتيجى الساعة 3 ويقررو خلاص هيروحوا.
ايه النظام بكرة يا حازم...مش عارف هكلمكوا لما اصحى بس تقريبا لو ملعبناش كورة هنروح اى حتة بالليل بكرة الخميس بقى...خلاص اشطة موبيلات بقى.


ويروح حازم وهو بيركن العربية يكلم نيرمين...الو...ايوة يا بنتى انا وصلت...انا داخل البيت اهو وهغير هدومى واقعد اوكى...اوكى ماشى مستنياك.
ويدخل حازم ويفتح الجهاز ويقعد...فتح الايميل...هاى ازيك...اخبارك ايه ويبتدوا يكلمو لحد ما جه السوال من نيرمين.....انت حبيت قبل كدة يا حازم...يعنى حاجة زى كدة...يعنى ايه زى كدة...يعنى فى الاول كنت فاكره حب وبعدين طلع اى كلام...ايه سيبتو بعض؟؟؟ ايوة...كنت بتحبها بس بصراحة...لزمته ايه الكلام دة...عايزة اعرف يا حازم ايه عيب...لا مش عيب عادى ايوة كنت بحبها...وهى اللى سابتك...ايوة...ليه...اساليها ...يعنى انت الغلطان ولا هى...انا الغلطان ممكن نغير الموضوع دة...ماشى براحتك نغيروا بس انا حاسة انها كانت قصة جامدة...اه كانت جامدة اوى...وانتى بقى حبيتى قبل كدة... يعنى كانت هبل بردو...هبل ازاى...يعنى عندنا فى نادى الشمس كانو عاملين معرض كدة بيبيع كتب وحاجات وكان فى واحد شاب بيبيع هناك معرفش حبيته ليه...ايه دة المعرض...لا خفيف الشاب اللى بيبيع...اه اكيد كان امور...يعنى ممكن بس كنت بروح اقف اتفرج ولما بحب اكلمه اشترى منه حاجة ونقف نهرج شوية وخلاص...وبعدين دة انتى على كدة اشتريتى الكتب كلها عشان تكلميه...بطل خفة يا حازم بقى قولتلك كان هبل وخلص...ماشى وبعدين حصل ايه
(حازم وهو بيكلم نيرمين كان بيبقى على الشات فى نفس الوقت مش بيكلم حد بس بيبقى فاتحه كدة وخلاص ويبص على الاسامى بيشوف مروة لسه بتيجى ولا لا مكنش عايز يكلمها بس مجرد حب استطلاع مش اكتر ومرة لقى اسم بنت عجبه الاسم اتعرف عليها وكلمها وطلعت من اسماعيلية وعندها 14 سنة ورغم فرق السن او صغر سنها هى الا انهم بقو صحاب اوى بس حازم مقلهاش انه من اسماعيلية قالها القارة وبقو صحاب جدا واعتبرها زى اخته وهى بتقوله ابيه حازم البنت دى كان اسمها نها)..(خلوا بالكوا من نها لانها هتكون لها دور جامد فى حياة حازم كفاية كدة علشان محرقهاش)........

حازم انت مش بترد عليا ليه...معاكى يا نيرمين بس كنت بكلم ماما ها مقولتليش وبعدين...انت مش معايا يا حازم خالص انا قولتلك بس كان اخرى اشترى منه كتاب ونهرج وخلاص خلص المعرض وخلصت الحكاية...اه طب كويس الحمد لله...انت كنت بتعمل ايه بتكلم حد تانى؟؟؟لا خالص انا بكلمك انتى بس...طيب ماشى شكلك سرحت فى اول حب انا فكرتك بيها...لا ابدا انا نسيت حتى شكلها...ماشى...انا هقفل دلوقتى اخواتى التلاتة زمانهم راجعين ممكن تكلمنى على الموبيل...اوكى يلا شوية وهتصل بيكى.


ويقفل حازم مع نيرمين ويفضل شوية مع نها اختى انا هقوم بقى دلوقتى اوكى...ليه يا ابيه...يعنى هكلم فى الموبيل شوية...اه يا عم المدام بقى وكدة...يعنى بقى كلك نظر...ممكن ابيه حازم ياخد باله من نفسه...اكيد طلاما اخته حبيبته بتسمع الكلام...بسمعه والله حاضر...يلا اشوفك بكرة بقى...اوكى باى


ويتصل حازم بنيرمين الو...ايوة يا حاوم ايه مكلمتش على طول ليه...يعنى كنت بشرب وكدة...حازم انا عايزة اقولك حاجة...نعم...انا بحبك...نعم...بحبك...انتى بتهزرى...لا يا حازم بكلمك بجد انا مشدودالك اوى وبحبك بجد...انتى اكيد شاربة بيبسى كان التلج فيه كتير شوية...حازم انا بكلمك بجد ...نيرمين احنا منعرفش بعض غير من يومين ودى تانى مرة اكلمك فيها حبتينى امتى بقى وعلى ايه احنا مشوفناش بعض اساسا...مانا عايزة اشوفك...انتى بتهرجى...مش بهرج بكلمك بجد وعايز تصدق صدق مش عايز خلاص...اوكى مصدقك...طب مقولتليش رايك...مش هينفع اقولك اى حاجة غير لما اشوفك...ماشى تحب نتقابل امتى...ايه السرعة اللى انتى فيها دى...يا ابنى لازم ننجز حاجة حسينها هنخبيها ليه ونمثل على ايه....ههههه ماشى يا جامدة انتى......ها هشوفك امتى....اى وقت براحتك....طيب انا يوم التلات عندى درس عند سارة صاحبتى فاكرها....اه طبعا خلاص بعد المدرسة مش هروحو ونتقابل عند الحرية مول عشان بيتها هناك اوكى...خلاص اوكى اتفقنا ...ماشى يلا تصبح على خير...وانتى من اهله.


فرح حازم جدا لان المرة دى مختلفة جدا والمرة دى بنت هى اللى قالتله بحبك وان كانت القصة متشابهة فى ازاى اتعرف عن طريق الشات انما المختلف الشخصية نفسها لانها جريئة جدا وقرر حازم ياجل كل الاسئلة اللى عايز يسالهلها وكل اللى عايز يعرفه عنها لحد لما يتقابله يوم التلات ياترى اللى ايه اللى حصل فى يوم التلات ده وهل هيدخل حازم فى حب جديد ولا جرح تانى على الاولانى ده اللى هتعرفوه فى الفصول القادمة فتابعووووووووووووونى..........

معلش هلى التأخير
وكل سنة وانتو طيبين

الحلقة التاسعة
جه يوم التلات وحازم جهز نفسه وجهز اللوك بتاعه كالمعتاد وخد طريق القاهرة وانطلق وكان الميعاد عند الحرية مول ووصل حازم فى الميعاد وشاف نيرمين كانت الوحيدة اللى واقفة تقريبا. بنوتة 16 سنة محجبة
بيضاء ملامحها رقيقة جدا قصيرة حوالى 158 سم وحازم طبعا بيحب البنت القصيرة زى ما فهمنا وراح حازم وقالها نيرمين...حازم صح...ازيك وازيك وبدأ الكلام...وسالها حازم تحبى نقعد فى مكان...لا احنا نقف فى اى حتة هنا قريب من بيت سارة(مش اختك يامنى هههههه.....) عشان اول ما الدرس يخلص اخويا هيجى ياخدنى بالعربية فخلينا قريبين...اوكى زى ما تحبى...ها ايه بقى...ايه بقى انتى...انت امور اوى يا حازم...وانتى كمان...مانا عارفة...ههههههه ماشى يا جامد...انا عارفه طبعا انت عايز تقولى ايه...ايه...عايز تقول البنت دى جريئة اوى هى اللى بدات على الشات وهى اللى قالت عايزة نمرتك وهى اللى قالت بحبك الاول صح...صح طبعا ولو ان فى زمانا دة مفيش حاجة غريبة يعنى دة احنا حتى فى زمن البنات اللى احنا فيه...يعنى انت مش مضايق منى...لا هضايق منك ليه عادى...طيب اذا كان كدة عايزة اقولك حاجة...قولى...بحبك...وانا كمان بحبك...ايدا ايدا وقعت فيا كدة من اول مرة...على الاقل انا شوفتك انتى وقعتى فيا من غير ما تشوفينى...هههههههه صح معاك حق...ايه بقى عايز تعرف عنى ايه...انتى بتخرجى فين مع صحابك...اشمعنى يعنى ...لا بسال بس...انا مش بخرج كتير تقريبا من البيت للمدرسة للدروس او ممكن ابات عند سارة صحبتى او هى تيجى عندى كدة يعنى...بتروحى كوفى شوب؟؟؟(طبعا حازم بيطمن علشان ميحصلش معاه زى ما حصل مع مروة) اشمعنى يعنى ...ردى بس...احيانا يعنى...بتشيشى او حد من صحابك ؟؟؟ لا طبعا يا حازم انت بتهرج...طيب الحمد لله...اشمعنى يعنى كدة؟؟؟ لا بس بطمن يعنى...لا اطمن اوى...طيب انتى عايزة تعرفى عنى ايه...كل حاجة وعايزة اعرف القصة الاولى ومتقوليش لا ممكن...طيب يا ستى انا هقولك كل حاجة.....
وفضلو يحكو ويتكلمو ويتعرفو ويضحكو لحد ما ميعاد الدرس خلص و اتصلت سارة بنيرمين وعرفت هى واقفة فين ونزلتلها...هاى ...هاى سارة...دة حازم...حازم دى سارة صحبتى وروح قلبى...هاى يا حازم ازيك اخبارك ايه...تمام الحمد لله انتى اخبارك ايه...تمام...دة نيرمين وجعت دماغنا بيك فى المدرسة كل شوية حازم حازم...اه بس شكلها بتحبك انتى اصلها بردو موجعتش دماغى بحد من صحابها غير سارة سارة كل شوية سارة...ههههههههه ماشى نبقى خالصين...اكيد خالصين...ايه ايه انتو هتقضوها وانا واقفة كدة...لا طبعا احنا نقدر نستغنى عنك...ماشى يا خفيفة ...بس ما نسيتيش نفسك اخوكى زمانه جاى ولو شافك انتى عارفة...طيب اوكى خمسة كدة روقينا هنقول كلمتين وجايالك...هههههههه شايف يا حازم بتوزعنى ازاى...معلش يا سارة بقى خمسة كدة وهتجيلك.......هههههه بقى كدة انت كمان ماشى ماشى انا غلطانة انى فكرتك باخوكى انا ادام العمارة ولما يجى هجيبهولك هنا...لا مش ههون عليكى يلا بقى...ماشى باى يا حازم هنشوفك تانى ان شاء الله...اوكى باى يا سارة.
ايه بقى ما صدقت سارة جت وفتحت معاها ونستنى...انا بردو اقدر انساكى...ايوة ايوة اسرح بيا بقى...عيب عليكى...ماشى هشوفك امتى...انا هاجى مع صحابى يوم الجمعة ايه نظامك...لا الجمعة مش هعرف انزل معنديش فيه دروس ما تخليها الخميس او السبت...خلاص الخميس احسن عشان صحابى يخرجو ولما اخلص معاكى اروحلهم...خلاص اوكى هشوفك بالليل على النت اوكى...اوكى...هكلمك اطمن انك وصلت بالسلامة...اوكى خدى بالك من نفسك...وانت كمان.

استمر الوضع كدة حوالى سنة بين نيرمين وحازم مقابلات وخروج وحب وقصة رومانسية تانية بردو وكلام على الشات والنت وفى نفس الوقت كان حازم بيكلم اخته البنوتة الصغيرة اللى اسمها نها باستمرار وبيحكوا لبعض على كل حاجة ومبتعملش نها حاجة من غير ما تاخد رأيه.

دخل حازم البكالوريوس وعادت نيرمين تالتة عشان تحسن المجموع بتاعها لانه كان ضعيف وفى مرة من المرات وهما بيتقابلو...مالك وشك متغير كدة ليه...مفيش...لا فى وباين عليكى كمان اتكلمى مالك...انا مش هعرف اشوفك بعد النهاردة كتير...اشمعنى يعنى ...اولا هنعزل احنا بنبنى فى 6 اكتوبر واحتمال ادخل الكلية هناك ...وبعدين؟؟؟مش عارفة بقى يا حازم يا رب البيت ما يخلصش دلوقتى عشان ادخل كلية هنا عين شمس واهو نبقى نتقابل فى الكلية او بعدها...لا طمنتينى...انت زعلت...اكيد طبعا مش هتبعدى عنى...خلاص بلاش نفكر دلوقتى فى الموضوع دة خلينا فى اللحظة اللى احنا فيها...ماشى يا نيرمين بس مش عارف ليه حاسس انك مخبية عنى حاجة تانية...لا خالص هخبى عنك ايه يعنى...ماشى خلاص انا بقول مجرد احساس.

وتنتهى المقابلة ويستمر الوضع زى ما هو بردو مقابلات وكدة والقصة مستمرة وتيجى فترة الامتحانات ويدخل حازم الامتحانات ويخلصها وينجح وياخد البكالوريوس ويتقابل مع نيرمين وكانت محضراله هدية وعزومة احتفالا بنجاحه...مبروك يا حبيبى...الله يبارك فيكى يا حبيبتى...ادعيلى بقى انا نتيجتى كمان تظهر وانجح واجيب 60% بدل ال 50 بتوع السنة اللى فاتت...متقلقيش ان شاء الله هتنجحى ولو ان انا كان نفسى تفضلى هنا فى ثانوى ومتبعديش عنى...ما تفكرنيش بقى يا حازم بالموضوع دة...على فكرة انا كمان فى حاجة هقولهالك...ايه...انا الشهر الجاى رايح افرز فى الجيش ادعيلى بقى اخد اعفا او تاجيل...نعم جيش ايه دة كمان هو احنا ناقصين يا حازم...اعمل ايه يعنى يا نيرمين دة جيش هو هزار هبعتلهم اقولهم لا مش هاجى...افرض دخلت يعنى...ربنا يستر ادعيلى مدخلش...ودة اد ايه بقى لو دخلت؟؟؟ سنة وشهرين يا نيرمين بعدين انتى عمالة تقولى لو دخلت لو دخلت مفيش سوال لو مدخلتش...يا حازم مانا مكنتش متوقعة حكاية الجيش دى احنا ناقصين بعد عن بعض...طيب خلاص بقى انتى ادعيلى وربنا يستر.
ويعدى الشهر ويجى شهر الجيش وقبل ما يروح حازم عشان يفرز ويعرف نتيجة الجيش بيوم كان نيرمين بتكلمه...انت هتروح بكرة الساعة كام ...الساعة 6 ...ليه بالليل كدة...بالليل ايه يا نيرمين هو انا رايح كنتاكى 6 الصبح يا نيرمين...يا حرام بدرى اوى...هو يا حرام من دلوقتى امال لو دخلت هتقولى ايه...متقلقش انا بدعيلك والله كل شوية ما تدخلش...ربنا يستر...طيب انا هكلمك الصبح تطمنى انك ان شاء الله ما دخلتش هكلمك على 10 كدة او 11...ماشى ان شاء الله هطمنك يلا انا هقوم انام بقى دلوقتى عشان هصحى الفجر وصحابى هيعدو عليا...طيب يا حبيبى تصبح على خير.

الحلقة العاشرة


يصحى حازم الفجر ويصلى والبيت كله يصحى معاه ومامته بتدعيله ومانامتش اساسا بتدعيله عشان ما يدخلش ويعدى عليه صحابه ويركبو القطر ويطلعو على الزقازيق ودخل حازم مركز التجنيد ولقى منظر يرعب الاف مؤلفة واقفة وكله قلقان ومترقب مستنى يشوف هيدخل والا مش هيدخل ومستقبله هيحصل فيه ايه ولو دخل يا ترى هيروح فين وهيحصل معاه ايه.

يعدى الوقت والكل لسه واقف مستنى وفجاة يسمع صوت فى الميكرفون وكل اللى بيتكلم اتخرص وبقى فى صمت رهيب اوى فى المكان...دلوقتى اللى هيسمع التواريخ دى هو اللى هيدخل الجيش واللى مش هيكون فى التواريخ دى يجى على جنب ويجى يستلم شهادة التاجيل بعد 3 اسابيع(اليوم ده شوفته وكان صعب عليا جدا )


ويترقب حازم وينسى الدنيا كلها فى اللحظة دى وكل واحد ينسى احبائه ومستنى يشوف يا ترى ايه اللى هيحصل داخل ولا مش داخل...ويبتدى الندا ويوصل لحد شهر 4 وحازم هيموت يا رب استر...شهر 4 كله داخل...ويتصدم حازم كان امله كبير ياخد تاجيل لكن خلاص دخل وفى ثوانى المنظر بقى غريب اللى وقع فى الارض زعلان واللى بيفرح ويحضن صاحبه واللى واقف مش مصدق انه دخل وحازم مش بينطق وفضل شوية مذهول ويا ترى هيحصل معاه ايه ويفوق على صوت موبيل بيرن ...الو...ايوة يا حازم طمنى عملت ايه...دخلت يا نيرمين الجيش...يا لهوى يا حازم ليه كدة...ليه كدة ايه بس هو انا مذاكرتش وسقطت دة جيش يا نيرمين وانا مش ناقص بقى سلام دلوقتى عشان لازم نجمع فى مكان معين...طيب ولا يهمك ان شاء الله كل دة هيعدى...ان شاء الله يا نيرمين...سلام.


يفضل حازم مصدوم ومش مصدق انه خلاص داخل الجيش ويتجمع كل اللى دخل فى طابور عشان يسمعو التعليمات ويلمح حازم صحابه اللى كانو معاه ماشيين وفرحانيين انهم خدوا تاجيل ونسيوه...وبعد ما سمعو التعليمات وقالولهم انهم هيجو بعد يومين عشان يترحلو على مراكز التدريب قام حازم وركب ورجع اسماعيلية.

وقالهم فى البيت على اللى حصل وباباه قالو ولا يهمك ايه يعنى انا ان شاء الله هشوفلك حد معرفة ويوديك مكان كويس ما تشلش هم ...يا بابا انا هتعطل سنة بحالها وانا كان نفسى اسافر واشتغل واكون نفسى ...كل تاخيرة وفيها خيرة يمكن هتدخل عشان تتعلم حاجات تفيدك لما تسافر ان شاء الله كله خير.


خلاص رضى حازم بالوضع اللى هو فيه وخرج بالليل مع صحابه وطبعا قعدو يشتغلوه ايه يا دفعة وهتحارب امتى وهتعبر امتى والكلام دة كله هو معاهم جاتله مكالمة من نيرمين...ايوة يا حازم عامل ايه دلوقتى...تمام الحمد لله...ايه حلقت شعرك ولا لسه زيرو...انتى كمان هتشتغلينى ماشى...ههههههه لا والله بس عايزة اخرجك من اللى انت فيه انت مسمعتش صوتك الصبح كان ازاى...هى كانت صدمة فى اولها وخلاص ادينى بقى استوعبت اللى حصل...متقلقش كله هيعدى بسرعة ان شاء الله...ان شاء الله...حازم كان فى حاجة عايزة اقولك عليها...قولى...بس خايفة انك تسيبنى ومتكلمنيش تانى...مش هكلمك تانى...ايوة وتعيط نيرمين...ايه يا نيرمين فى ايه...اوعدنى حتى لو سبتنى هنفضل صحاب انا بحبك اوى يا حازم...خير يا نيرمين فى ايه بقى انا مش ناقص...مش هينفع دلوقتى لما تروح هقولك...طيب ماشى انا نص ساعة وهكلمك بس اهدى وما تقلقيش انا مهما حصل مش هسيبك يعنى.


قفل حازم وكان فاكر ان موضوع ان نيرمين هيعزلو من مصر الجديدة ل 6 اكتوبر وانها هتبعد هو دة السبب اللى مخليها تعيط وما كانش يعرف ان نيرمين مخبياله مفاجاة كبيرة جدا انا عن نفسى لما اتحكتلى كانت اخر حاجة تيجى فى بالى ياترى ايه هى المفاجأة ديه وكيف سيستقبلها حازم وهو فى الظروف ديه ده اللى هنعرفه انشاء الله فى الفصل القادم .

الحلقة الحادية عشر

دلوقتى احنا قبل ميعاد تسليم حازم لنفسه فى مركز التدريب بتاع الجيش بيوم وبعد ما سلم حازم على صحابه والاهل وكدة وجهز نفسه وحاجته قرر يقعد شوية على النت ويودع الناس صحابه واللى على ايميله دخل حازم ولقى نها قاعدة ...هاى ابيه حازم ايه اخبارك ايه...تمام يا نها انتى عاملة ايه...كويسة الحمد لله...كويس انى قابلتك النهاردة عشان اسلم عليكى عشان انا هقعد فترة مش هدخل على النت...ليه كدة؟؟؟ يعنى مسافر شرم الشيخ هشتغل هناك(حازم ميعرفش ليه خبى حكاية انه داخل الجيش عن نها يمكن مكسوف) هتوحشنى اوى يا ابيه حازم...وانتى كمان خلى بالك من نفسك...انا بعيط والله دلوقتى طيب انت مش هينفع تدخل على النت من شرم...مش عارف يا نها اصل المكان اللى هشتغل فيه هيكون فى حتة مقطوعة اوى وهى استايلها كدة انها تبقى بعيدة عن المدنية والناس تعيش على طبيعتها.
الله دى جميلة اوى دى سفارى صح...ايوة سفارى اوى...خلاص هببقى اجيلك مرة وتفسحنى...لا ممينفعش يا نها تيجى خالص...ليه بقى...يعنى انتى بنت ودى صحرا وكلها تعالب وذئاب وانتى صغيرة...هههههههه انت عشان عارفنى وانا عندى 14 سنة انا دلوقتى 15 ونص...ياه دة الوقت جرى بسرعة دة انتى بقيتى عروسة...شفت بقى اخويا ومش عارف انا كام سنة ماشى ماشى ...معلش والله يا نها انا فى شوية مشاكل كدة ادعيلى اخلص منها...ان شاء الله كله يتحل متقلقش...بقولك ايه يا نها...نعم...لا خلاص بلاش...لا والله لو مقلتش هزعل منك...ما تجيبى نمرتك عشان ابقى اطمن عليكى(ليه طلب حازم الطلب دة لغاية دلوقتى ولا يعرف يمكن اتعود اى بنت يكلمها يطلب منها كدة)...معلش يا حازم مينفعش انا اسفة انا مش بقدر ادى نمرتى لولاد لو سمحت اوعى تزعل منى...اتفاجا حازم بالرد...لا عادى انتى اللى متزعليش انا قولت بس يمكن تنسينى عشان هقعد فترة مجيش وانا اتعودت عليكى...والله اوعدك عمرى ما هنساك وهستناك حتى لو غبت اد ايه...هى دى اختى حبيبتى(فى اللحظة دى بعتت نيرمين رسالة لحازم وقالتله كلمنى ضرورى)...طيب يا نها انا لازم اقوم بقى عشان هسافر بدرى اوكى خدى بالك من نفسك وما تنسنيش...عمرى ما هنساك لا اله الا الله... محمد رسول الله.


ويقفل حازم مع نها وقبل ما يقفل الجهاز يمسح ايميل نها ويشيله لانه خلاص معدش ليه لازمة ومش هيعرف يكلمها تانى وكمان يمكن عشان رفضت تديله نمرتها.

(نيجى للمهم واللى انتوا طبعا مسنينها وهى ايه المفاجأة ديه) قام حازم واتصل بنيرمين الو...ازيك....ازيك انتى اخبارك ايه...زفت يا حازم...يا مالك...حازم انت بتحبنى...اكيد يا نيرمين...طيب انا فى حاجة لازم اعترفلك بيها بس اوعدنى انك مش هتسبنى...خير يا نيرمين قلقتينى قولى بقى.....حازم وحياة اغلى حاجة عندك تسامحنى....نيرمين اتكلمى على طول فى ايه...مش قادرة وتعيط نيرمين عياط جامد اوى...انا مش ناااااااااااااقص حرام عليكى انا بكرة مش عارف انا رايح فين ممكن ترحمينى وتقولى فى ايه ولا اقفل وخلاص...لا هقولك مش قادرة اخبى......اوكى اهدى كدة وقولى...حازم انا.....انا....ايه يا نيرمين انتى ايه...حازم انا مرة وانا فى 3 اعدادى كنا بنتكلم عن الولاد وحكايات كدة بعد الدرس مع صحابى وبعدين دخلنا على مواقع مش حلوة يعنى....وبعدين....وتنهار نيرمين وتكمل بصعوبة....وبعدين لما روحت حاولت اقلد اللى شفته لوحدى وانا دلوقتى.....................متكمليييييييييييش(طبعا اللى عايز يفهم يفهم بقى عشان مش هقدر اوضح اكتر من كدة ولكن ده مش من تأليفى ولكن كما قلت قبل كدة انها قصة حقيقيه وهى لما تحكتلى اتصدمت زى ما انتوا اكيد اتصدمتوا دلوقتى على العموم نكمل.....) انا مش مصدق نفسسسسسسسسى حرام عليكى انتى بتقتلينى بكلامك...........حازم سامحنى انا بحببببببك اوى وهى فى قمة الانهيار.......حرااااااااااااااام عليكى دة انا حبيتك بجد من قلبى ليه كدة يا بنتى دة انتى شكلك بريئة وامورة ليه تعملى كدة ..............حازم انا كنت عيلة.........عيلة وسنة ونص مخبية عليا طبعا مانا اهبل بحبك ومش دريان وعايزانى اثق فيكى بعد اللى سمعته ومش بس كدة عايزانى كماااااااااااان اسامححححححححك حازم فى قمة عصبيته وقلبه هيخرج من صدره من الصدمة الكبرى......

حراااااااااااااام عليكى ليه مقولتليش من اول ما عرفتك.........مقدرتش وكنت عايزة اقولك بس خفت اخسرك انا مش عايزة منك حاجة انا عارفة انك هتسبنى بس متنسانيش ابقى اسال عليا يا حااااازم انا بحبك اوى والله.........حرام عليكى حرااااااااام عليكى انا ما استهلش كل دة لييييييه كدة اشمعنى اننننننننا انا بكرهك سامعة انا بكرهك وبكره نفسى وبكره انى كنت عبيط معاكى انا بكرهك من قلبى ......حازم انا عارفة انك كرهتنى ولو ادامك هتموتنى انا طالبة بس لو لسه عايشة تبقى تسال عليا مش اكتر اسمع صوتك واقفل تانى وهى فى قمة (البكاء والانهيار).....حاضر يا نيرمين لو لسه انا عايش هسال عليكى كدة وانا رايح الجيش بكرة الجيش عليا هيبقى سجن يا نيرمين حرااام عليكى خدى بالك من نفسك.

وقفل حازم مع نيرمين وهو بيموت ومذهول وجواه مليون الف احساس فى وقت واحد مش ممكن مش مصدق والحب والفترة دى كلها كدب وخداع وليه ما صارحتنيش ليه دلوقتى هل كانت عايزانى لغرض معين وخلاص بقى نيرمين تعمل كدة واشمعنى انا اللى يحصل معايا كدة مليون سوال فى باله وقلبه بيدق بطريقة غير عادية وجسمه كله بيترعش من الصدمة من المصيبة.

ويفضل حازم صاحى للصبح منامش لحظة ويجهز شنطته ويودع اهله ومامته تعيط وباباه بيودعه وبيسلم عليه واخوه كمان بيسلم عليه وبيوصيه على البيت وخرج حازم عشان يروح الجيش وهو فى عالم تانى فى صدمة وغيبوبة مش عارف يفوق منها وللاسف جاتله كمان فى ظروف صعبة وهو هيبعد عن بيته واهله وصحابه وهو رايح للمجهول ياترى حياة حازم فى الجيش ايه وهيعيش بعد الصدمة التانية خاصة انه لوحده وبعيد عن صحابه اللى كان بيخرج معاهم وبيفك عن نفسه معاهم (موقف صعب جدا هيتصرف معاه ازاى)تابعونى فى الفصل القادم.

الحلقة الثانية عشر

يروح حازم ويترحل على مركز التدريب ويدخل الحياة العسكرية بشدتها وانضباطها وكل حاجة بمعاد وطابور والصحيان الفجر والجرى والتدريبات والالتزام وبدأ يتعرف على صحاب جدعة وناس جديدة من كل مكان دة اللى كان بيهون على حازم الايام الصعية دى وحاجة كمان بالليل قبل ما ينام.

لسه بيطلع صورة نيرمين لازم يبص فيها كتير اوى ويسرح فى كل كلمة كانت بتوقلهاله وكل مرة اتقابلو فيها والايام الجميلة اللى شافوها مع بعض لحد ما يفوق على يوم مكالمتها معاه وصدمة العمر اللى اخدها وكان دايما يسال نفسه يا ترى هى حبتنى بجد؟؟؟ يا ترى مكنتش بتحبنى وكانت مخططة ان اى حد تقابله على النت هتعمل معاه كدة عشان المصيبة اللى عملاها ويا سلام لو يكون طيب وبيحب بجد زى حازم؟؟؟ طب لو حبتنى بجد كان المفروض اسامحها؟؟؟ولا الصح اللى انا عملته؟؟؟يا ترى هى فعلا صادقة فى كلامها وحكايتها صح وانها كانت عيلة وملهاش ذنب ولا جراتها الزيادة عن اللزوم كانت بتقول غير كدة...طب لو حتى كلامها صح يا ترى هتعمل ايه فى حياتها هتعيش ازاى واهلها لو عرفو هيعملو ايه؟؟؟

قضى حازم معظم ايام مركز التدريب بالشكل دة صحيان بدرى طوابير اكل بميعاد ونوم بميعاد تدريبات ولما يجى عليه الليل يفتكر نيرمين وكمان بدا يفتكر مروة وازاى ان هى كمان سابته بعد ما حبها حب بجد ويمكن يكون التفكير فى الكلام دة كان بيهون عليه الجيش ولا بيزودو عليه صعوبة هو نفسه مبقاش عارف ولا فاهم اى حاجة حواليه وبقى حاسس انه وحيد فى الدنيا وتايه ومحدش حاسس بيه ومهونش عليه غير انه اتعرف على شلة اسمعلاوية كونو مجموعة حوالى 14 واحد وفى عنبر واحد وتخيلو انتو بقى عملو ايه فى مركو التدريب كله وقلبوها اكنها رحلة او معسكر فى رحلة تبع الكشافة ودة اللى كان بيخرج حازم شوية من اللى هو فيه(على فكرة احسن صحابى صحابى اللى من اسماعلاية عيال جدعة بجد وروحها حلو مش موضوعنا نكمل!!!!....)


عدى اسبوعين على حازم بالشكل دة لحد ما جه يوم الخميس بالليل وقالولهم ان بكرة المركز فيه زيارات بكرة لاهالى المجندين اللى عايزين يزورو ولادهم واللى هيسمع اسمه هيروح على منطقة الزيارات.

وجه يوم الجمعة والندا على اسامى اللى عندهم زيارات شغال من الصبح وحازم قاعد مع صحابه وبيفكو شوية عن نفسهم وفجاة يسمع اسمه ويجرى على مكان الزيارات ويلاقى اهله جايين يزوروه ويجرى حازم ويترمى فى حضنهم ومامته تعيط حتى باباه عيط لانهم مش متعودين غيابه كل الفترة دى وهو كان محتاج للزيارة دى اوى خصوصا ان نفسيته تعبانة جدا وتحت الصفر ولقى حازم بقى اشكال والوان من التظبيط بيتزا وفطير وشاورمة وسندوتشات وفاكهة...ايه يا ماما دة كله انتى عازمة المركز ههههه...مركز مين يا حبيبى دة ليك انت عشان تاكل وتتغذى حد عارف هتقعد هنا اد ايه وانت خسيت النص وبقيت عصايا...عصايا ماشى يا ماما هاكل بس بطلى عياط ماشى...اصلك وحشتنا اوى يا حازم...ايه يا بابا قلها انا راجل ومتخافش عليا...عارف يا حازم وبقولها كدة دايما...وانت ايه اخبارك عامل ايه فى البيت لوحدك يا عم مرتاح طبعا...اه مرتاح اوى وبقيت بقعد على الكمبيوتر ليل نهار لوحدى...بيهزر يا حازم اخوك كل يوم يقعد يقلى حازم وحشنى حازم وحشنى ويعيط...يادى الفضايح....هههههههههههه مانا زى الفل ادامكو اهو بقى جايين نعيط ولا تقعدوا معايا شوية وتخرجونى من جو المركز....صح معاك حق...حازم انا جبتلك الموبيل عشان لو عايز تكلم اى حد...

اخد حازم الموبيل وفتحه ولقى رسالة من نيرمين بتقوله فيها ما تنسانيش...كلم حازم حسام(حسام ده صاحبه الانتيم) وصحابه وادى الموبيل تانى لاخوه وقاله خليه مقفول ما تفتحهوش...كان نفسه يكلم نيرمين لكن مقدرش.

قعد حازم وكمل بقية وقت الزيارة وجه صحابه وقعدوا مع اهله وهزرو واتعرفو وقضو وقت جميل شحنو بيه نفسيتهم وفكو عن نفسهم شوية وجت لحظة الوداع.


خد بالك من نفسك يا حبيبى ...ادعيلى يا ماما ...دعيالك والله على طول...ربنا يخليكى ليا ما تتعبوش نفسكو تانى احنا خلاص 20 يوم كمان وهننزل اجازة ان شاء الله ونترحل تانى...متقلقش يا حازم انا بكلملك ناس معرفة عشان تتوزع فى مكان فى اسماعيلية ان شاء الله...ان شاء الله يابابا خد بالك من ماما...متقلقش وشد انت حيلك يا بطل...حاضر...مازن(اخوه) خد بالك من بابا وماما وخف على الكمبيوتر هاااا.....ههههه ماشى خف انت بس على ضرب النار يا دفعة ههههه .......ماشى يا خفيف ...يلا لا اله الا الله......محمد رسول الله

ويقف حازم وهو بيراقب اهله بيمشو ويبعدو واحدة واحدة لحد ما يختفوا خالص عن عنيه ويرجع للمركز تانى ويقعد الايام والليالى عشان يجى اليوم وينزل اجازة ويرجع شوية لحياته اللى وحشته كل حاجة فيها وصحابه بدل ما هو عايش لوحده بكل اللى جواه ومش قادر يصارح حد بيه وزى كل يوم قبل ما ينام يطلع صورة نيرمين ويعدى على باله شريط كل يوم
هل سيظل حازم على كدة وياترى هيترحل فين تابعونى فى اليوميات القادمة انشاء الله.

الحقة الثالثة عشر

يعدى على حازم 42 يوم فى مركز التدريب وخلاص بقو على وشك الاستعداد للتوزيع على اماكن خدمتهم وحازم مبقاش بيفكر كتير فى اللى جراله من تعب التدريب والطوابير وحياة الجيش طبعا والنوم والصحيان بدرى لكن كان تقريبا فى شبه راحة قبل التوزيع بيومين وفى لحظة قعد حازم فيها مع نفسه بيفكر فى كل اللى جراله براحة وبيشوف هيعمل ايه فى حياته اللى جاية ...

سال حازم نفسه هو دة اللى انا كنت بحلم بيه طول عمرى وهقابل ملاك ومش هعيش الا قصة حب جامدة وهما دول البنات اللى الواحد كان موهوم بيهم انا تقريبا مقبلتش ملايكة خالص انا كل اللى قابلتهم لحد دلوقتى عفاريت...

لا انا مشيت فى طريق مش انا حازم وبعدت عن نفسى وعن احلامى كتير اوى انا تقريبا مشيت فى عكس اتجاهها دة اذا كنت اصلا ماشى.انا لازم بجد انسى الموضوع دة واعيش حياتى وادعى ربنا يعدينى من الجيش على خير واخلص المدة وبعدها اسافر على اى مكان برة واكون نفسى واشتغل وانسى الكلام دة خالص وكويس ان كل اللى حصل جه على اد كدة
انا الحمد لله مخسرتش نفسى صحيح اتصدمت واتجرحت بس انا اتعلمت وبقيت اقوى وفهمت كويس حاجات كتيرة اوى كانت نقصانى انا هبعد عن موضوع الحب دة ومش هفكر فيه دلوقتى خالص دلوقتى اركز انى اخلص جيشى وبعدها اشوف مستقبلى وارجع زى ما كنت حازم اللى مش مشغول باى حاجة ولا اى حد احسن حاجة ابقى دماغ كدة مع نفسى...

انا اول ما اخد اجازة هنزل اسلم على اهلى واترمى فى حضنهم واروح لصحابى ونلعب كورة ونخرج اسماعيلية بنت الايه وحشتنى اوى وشوارعها وناسها كنا بنقعد نقول بلد تخنق ونخرج نروح فيها فين...اللى هيقول كدة تانى عليها هقوم اضربه على طول انا وحشتنى كل حاجة فيها والله نفسى اروح ادام البحر واقعد ما اعملش حاجة غير انى اكون ادامه...ونفسى اسمع عمرو دياب نفسى ارجع زى ما كنت مش شايل اى هموم او جراح او مشاكل فى فلبى ونفسى وبالى...ويروح حازم فى النوم...

دة كان تفكير حازم فى الليلة دى كان نفسه يرجع زى الاول قبل ما يعرف يعنى ايه حب ويحب ويتصدم ويتجرح ويغلط فى اختياراته وطريقة اللى حب بيها كان نفسه يرجع زى ما كان من غير جراح...لكن تفتكرو هيقدر؟؟؟ ولا هيفضل بردو ورا حلمه انه يقابل ملاكه ويعيش معاها قصة ولا فى الاحلام زى ما بيقول ويتمنى دايما؟؟؟


ويصحى حازم الصبح على صوت الظابط ويستعد للتوزيع وكان خايف عايز يعرف هيروح فين ووسط الالاف المتوزعين يجى ضابط وينده على اسم حازم ويترعب حازم ويروح للظابط ويقوله ايوة يا فندم انا حازم ويقوله يا حازم انت قريبك فلان وفلان ...ايوة دة يبقى ابن عم والدى(طبعا ابوه جاب له الوسطة)...طيب اجهز وجهز مخلتك انت هتتوزع فى اسماعيلية يعنى جيشك هيبقى جنب بيتك ابسط يا عم...ويفرح حازم ونفسيته ترتاح شوية ويطمن قلبه لانه بقاله كتير اوى عايش فى تعب وصدامات وكمان كان شايل هم كبير انه يتوزع فى مكان بعيد وكدة...ويجهز حازم مخلته ويسلم على صحابه ويودعهم وكلهم بيعيطو كلهم بيودعو بعض قعدوا مع بعض 45 يوم بياكلو ويضحكو وينامو ويصحو فى وقت واحد تعب واحد وراحة واحدة ...وخلاص بعد ما كانو كلهم صحاب محدش عارف التانى هيروحوا اى مكان ومش وهيشوفو بعض تانى ...لحظة كانت مؤثرة اوى خصوصا فى نفسية حازم لانه عرف اد ايه الدنيا مليانة حاجات تانى اهم واعلى بكتير اوى من اللى الحاجات اللى تعب وشغل نفسه بيها وعرف اد ايه كان تفكيره صغير اوى...


ويركب حازم مع الظابط وسواق العربية العسكرية ويطلعو على اسماعيلية على مكان توزيع حازم ويدخلو اسماعيلية ويتنفس حازم هوا بلده من تانى وياخد نفس عميييق ويخرجه براااحة ويبتسم ابتسامة ابتسامة انه رجع تانى لمكانه واهله قريبين منه وصحابه اللى وحشوه اوى...

ويدخل حازم على كتيبته اللى اتوزع فيها ويقدمه الضابط اللى معاه لقائد المعسكر ...الامانة اهى يا فندم الجندى حازم...خليه يدخل يا ابنى...ويدخل حازم...اهلا اهلا حازم انت بقى حازم...ايوة يا فندم انا ...مالك مشدود كدة ليه ريح اعصابك كدة ومتقلقش انت علاء باشا قريب والدك مش كدة...ايوة يا فندم ابن عمه...علاء باشا دة اخويا ودايما مع بعض ومتتصورش بقى موصينى عليك توصية متتخبلهاش...ربنا يخليك يا فندم...طب بص بقى بقى يا حازومة انت هنا طبعا فى بيتك وانا فى اى وقت تعوزنى لازم تجيلى اتفقنا...اكيد يا فندم اتفقنا...طيب انت نظامك هنا هيبقى 20 يوم معانا و10 ايام اجازة وهنزلك فى ال 20 يوم اللى هنا معانا فيهم الخميس والجمعة اجازة وترجع السبت الصبح مرضى كدة يا عم ؟؟؟ يا فندم انا مش عارف اقول لحضرتك ايه والله انا متشكر جدا يا فندم...يلا يا عم اجازة انا اصلا مش باخدها اهو عشان علاء باشا بس ...(حازم فى سره انا عمرى ما شفت علاء باشا دة غير مرتين اساسا يلا الحمد لله)

يلا جهز نفسك انت عندك تبدا من بكرة 15 يوم ترجع كدة تسترد صحتك وتنضف معدنك من اكل مركز التدريب تمام...تمام يا فندم انا متشكر جدا يا فندم والله ...يلا اجازة سعيدة يا ابنى وانا هكلم علاء باشا انت هتركب عربيتى السواق هيوصلك ويرجعلى تانى...متشكر جدا يا فندم

يفرح حازم فرحة الدنيا اللى مفرحهاش بقاله كتير اوى ويركب العربية اللى كمان هتوصله لحد باب بيته دة باين مامته ربنا استجاب لدعاها فعلا واهو هم الجيش اتزاح عن صدره وقلبه شوية وهتبقى مسالة وقت بس انه يعدى مدته على خير...

يا ترى الاجازة هيحل فيها ايه دة اللى هنعرفه فى اليوميات الجاية ان شاء الله .

الحلقة الرابعة عشر
يوصل حازم تحت بيته وصحابه فى الشارع يجرو عليه حازم جه ايه يا دفعة نورت ويسلمو عليه ويضحكو معاه شوية واللى يقوله اسمريت ورفعت وطولت وحازم وسط دة كله فرحان جدا وحاسس انه بطل وبيستقبلوه بعد انتصاركان تقريبا اول واحد من الشارع يدخل الجيش بالنسبة لهم فا كله بيطمن ايه اللى بيحصل فى الجيش...يشكر حازم السواق ويطلع جرى على البيت ويخبط...ويفتح مازن اخوه الباب زوووووووووووومة حازم جه يا ماما...وتيجى مامته جرى ملهوفة لما سمعت اسمه ويجرى حازم ويترمى فى حضنها وينسى الدنيا باللى فيها...ازيك يا ماما ايه بقى بتعيطى ليه هو انا فى جيش عياط اجازة عياط امال هنضحك امتى...وحشتنى اوى يا حازم...وانتو كمان اكيد امال بابا فين...لسه مجاش من الشغل يلا غير هدومك وتعالى اعملك لقمة تسند بيها قلبك...

لا لقمة ايه انا هاخد دش واغير هدومى وانزل اعدى على العيال صحابى عشان وحشونى واتفق معاهم نخرج النهاردة لان الشوارع وحشتنى اساسا...يا ابنى اقعد استريح وكل الاول...معلش يا ماما هى نص ساعة ولما اجى نقعد ونريح وناكل كل حاجة...ماشى يا حازم براحتك .


ينزل حازم ويعدى على صحابه وهو سايق يفتح موبيله ويتصل بحسام ...ايوة يا ابنى انت فين...انا فى النادى...انت اللى فين...انا نزلت اجازة وكنت هروحلك البيت انا هجيلك بقى على النادى انت معاك حد...ايوة احنا هنلعب كورة والعيال كلها هنا اهم بيسلمو علييييييييك......يا دفعةةةةةةةةةة ويسمع حازم صحابه بيغنوله خلى السلاح صاحى صاحى صاحى....هههههههههههه ماشى يا جبان انت وهو لما اجى والله لكدركو واحد واحد يلا يا حسام انا فى الطريق اهو سلام.


حازم وهو ماشى مركز اوى فى شوارع اسماعيلية وشجرها والبحر زى ما يكون اول مرة يشوف الكلام دة فى حياته ويوصل حازم النادى ويجرى على صحابه واول ما يشوفوه يسيبو اللعب ويجرو عليه حاااااااااااازم...وحشتونى يا جبنة..........ولا صحتك جت على الجيش ياض...بس بقيت شوكولاتة يا حازم...اه مانا كنت فى الجيش باخد لون...ههههههههههه بس لايق اوى عليك البرونز دة...عقبالكو كلكو ان شاء الله........بعد الشر علينا احنا بعتناك بالنيابة عننا...كدة بتلعبو من غير صانع العاب الفريق ماشى...يا عم ما انت مضيت مع حرس الحدود بقى خلاص......هههههههههه...يلا تعالى العب معانا...لا انا هسيبكو تكملو انا تعبان من كتر الجرى يا عم انت وهو فى مركز التدريب انا كنت بدخل الحمام وانا بجرى وبخرج منه بالخطوة السريعة......هههههههههههه...طيب انت شكلك رجعت جرى يا حازم...لا كدة اوفر اوى بقى كفاية خفة ونبطل نرمى افيهات بقى شوية ماشى ولا استعد ياض منك له.......لا يا باشا خلاص كفاية خفة هنبطل...ماشى انا هرتاح النهاردة وهلعب معاكو بكرة بقى...ماشى يا باشا...انا هاخد حسام واروح انا وهو ادام المية شوية كملو انتو ولما تخلصو تعالو...اه خد حسام هو كدة كدة ملوش فى اللعب...شفت محدش طايقك بتلعب معاهم ليه...قولتلهم مليش فى الكورة وقفونى جون...لا تعالى سيبك منهم انت هتتعب من غيرى فى الجيش...يلا بينا.


يقعد حازم وحسام ادام البحر وفضلو يتكلمو وساله حسام عامل ايه وفضل حازم يحكيله على ذكرياته ومغامراته فى الجيش وايه اللى حصله من يوم ما راح لحد ما رجع. وحكاله كمان على كل اللى حصله من يوم ما قرر يحب ويعمل بنصيحته ودخل الشات لحد ما سابته نيرمين...

يااااه يا حازم انت مريت بكل دة؟؟؟ اه شفت بقى...انا مش مصدق والله دى قصص تنفع تعمل فيلم والله...للدرجادى...طبعا يا ابنى انت حصلك حاجات جامدة اوى بس هيبقى فيلم كله دراما بس انا زعلان منك يا حازم...ليه بقى ...بقى تعرف كل البنات دى وتروح تقابل من ورايا والقاهرة وبتاع ومتخدنيش معاك ايه مفيش واحدة ليها صاحبة امورة اختها امورة بردو...يا عم ما انت اللى دلتنى على الشات دة يعنى الكنوز كلها عندك انت...وماله يا حازم البحر يحب الزيادة...يعنى انا كنت شفت منك انت حاجة...يا عم ما انت اللى كنت قافل من نحية البنات وعامل فيها راهب الفكر...هههههههههههه انت عرفت راهب الفكر دى منين ياض...معرفش سمعتها على روتانا مرة ههههههههههه.

بس خد بالك يا حازم من حاجة...خير...انا لما قولتلك الشات والنت وكدة مكنش قصدى انك تدخل عشان تحب والكلام دة وتعيش قصص بالشكل دة...امال ايه يا حازم النت دة دنيا غريبة اوى وفيها كل الاصناف بس معظمهم بيبقوا ناس فاضية وتافهة ووقتهم فاضى وبيدخلو يشتغلوا بعض واللى عايز يقابل واللى عايزة تتعرف وعالم تانى غريب اوى وكله بيضحك على كله وفين وفين لما تلاقى حد محترم وابن ناس فاهم ازاى...صح فاهمك اوى بس انا كان فهمى متاخر شوية.

بص يا حازم النت دة اخرك تتسلى فيه يعنى زهقان خش ضيع وقت مش اكتر اضحك العب هزر اتعرف حتى بس لمجرد التعرف وقابل عادى اوكى وعيش انما اوعى تحب منه اوعى انت فاهم لان اساسا انا ابتديت اشك ان فى حب حقيقى ما بالك بقى حب على النت وناس مش شايفة بعض ويقولو لبعض بحبك اصل شخصيتك عجبتنى اصل مش عارف ايه اذا كان الناس بتعيش مع بعض سنين وبيفضلوا مش فاهمين بعض...معاك حق يا حسام والله

زى ما بقولك هو الولد بيبقى داخل الشات حابب على نفسه والبنت بتدخل حابة على نفسها مليون مرة يدخلو يقولو لبعض اى كلام اهبل تلاقيهم وقعوا فى بعض لان هما كدة كدة بيحبو من قبل ما يتقابلو فاهمنى...فاهمك كمل...بس فانا بقولك انت تاخده تسلية وتضيع وقت لما تزهق مش اكتر انما تاخده دنيتك وهو العالم بتاعك هتعيش فى وهم كبير اوى ولما تفوق منه هتلاقى نفسك ضايع...

معاك حق يا حسام ولا انت طلعت بتفهم و ليك نظرية وبتاع امال ليه مش بيبان عليك...يا عم نظرية ايه عيش وكبر دماغك دى حاجات الواحد اتعلمها وهو ماشى عادى يعنى...ماشى يا جامد انا متشكر جدا كلامك فعلا ريحنى كتير اوى وانا كنت فاكر بعد كل قصة ان دى نهاية الدنيا ومش هعرف اعيش تانى...ههههههه وصحيت لقيت نفسك فى الجيش......ههههههه اه يا رخم لازم تفكرنى يعنى...خلاص بقى انا هعمل بكلامك اقتنعت بيه جدا والنت هيكون فعلا تسلية مش اكتر...اه وخد النصيحة دى كمان لو عايز تتعرف سيبك من اى حد برة اسماعيلية...اشمعنى...سفر وقرف وبهدلة ركز على اسمعلاوية هتلاقى فى فرق بتتقابلوا هنا بتبقو صحاب تخرجو اى وقت فى الكلية فى النادى هنا...يا ابن الايه يا جامد تصدق معاك حق...عيب عليك يا صاحبى عيش وقضيها وادعيلى بس بردو خليك فاكر ان احلى حاجة انك ترتبط ببنت من الحياة عادى كدة تشوفها وتعجبك وجرى وراها وتحاول تكلمها وتقلبك مرة وتحاول تانى لحد ما تحبك هى كمان صدقنى هى دى العلاقة الصح مش شات وموبيلات والكلام الفاضى دة بتاع الشباب المريض نفسيا واللى مش بيقدر يعمل علاقات سوية طبيعية فاهم...فاهمك اوى يا حسام والله.

خلاص اتفقنا...اتفقنا يا مان...تعالى بقى نشوف العيال خلصو كورة ولا لأ ونتفق نشوف هنخرج فين بالليل...يلا بينا

سوري بجد بجد بجد
على التأخير بس عشان
المذاكرة والحوارات دي
متزعلوش مني
وهحط حلقات كتيرة النهاردة

الحلقة الخامسة عشر
يقوم حازم مع حسام وهو من جواه بقى مرتاح اوى لاسباب كتيرة اوى منها انه اطمن على جيشه ازاى هيقضيه لانه كان مقلق جدا من الموضوع دة وانه بقى وسط اهله وصحابه واهم حاجة انه ابتدى فعلا ينسى اللى حصله وفاق وبالذات كمان بعد كلام حسام اللى خلاه مرتاح اكتر.

ويتفق حازم ويخرج مع صحابه بالليل ويقضى يوم جامد جدا معاهم وكلهم احتفلوا بيه بمناسبة دخوله الجيش وانه خد اول اجازة منه وابتدت نظرتهم لحازم تعلى لانهم شايفين ان اللى يدخل الجيش دة اكيد مر بتجارب رهيبة ولازم يكون واد جامد انه استحمل دة غير طبعا انه كان محبوب من الاول بس التغير فى شخصيته هو شخصيا اداله مكانة اكبر وسط صحابه وبقى اهم واحد فيهم بالنسبة لهم يعنى بقى هو محور الشلة.

يروح حازم البيت ويدخل اوضته ويفتح الكمبيوتر ويفتح ايميله ويلاقيه مليان ايميلات كتيرة لانه بقاله فترة طويلة طبعا مدخلش وكان اخوه مازن بيفتح الايميل مرة كل فترة كدة عشان ميتلغيش...
وقعد حازم يشوف الايميلات اللى ملهاش لازمة عشان يشيلها ويقضل حازم يشيل فى ايميلات ملهاش لازمة لحد ما لاحظ ايميل اتكرر كتييييييييير فوق ال30 ايميل الايميلات كان بتوقيع نها ...مين نها دى مين نها...

قرر حازم يفتح اخر ايميل اللى باسم نها عشان يعرف مين دى ولقاه فيه: هاى ابيه احمد اخبارك ايه انا مش عارفة انت فى الشغل والا رجعت البيت بس انا كل ما بدخل على النت اول حاجة بعملها ببعتلك ايميل عشان اطمن عليك بس لحد دلوقتى مش بترد عليا بش انا مش هياس وهفضل اطمن عليك لحد ما ترد عليا لما ترجع بالسلامة ان شاء الله عشان فى حاجات كتيرة حصلتلى وعايزة احكيلك عليها زى ما احنا متعودين وانت كمان تحكيلى كل حاجة...اختك نها


يااااااااااااااااه نها اختى معقول لسه فاكرانى رغم انى داخل على شهرين واساسا اخر مرة قبل ما امشى مسحت ايميلها وهى بنت جدعة للدرجادى مانا ساعتها كنت معمى بقى موهوم بناس تانية ومش شايف من بيحبنى ومين بيمثل يلا مش مشكلة ادينى بتعلم.ويبعت حازم ايميل لنها ويقولها انه رجع ومستنيها عشان يطمن عليها فى اقرب وقت ويضيف حازم ايميلها من تانى...

ومفيش خمس دقايق ولقى نها دخلت فعلا اون لاين وبعتتله...اخوييييييييييييييييييا حبيبى ازيك يا حازم والله العظيم وحشتنى اوى اوى اوى ووحشنا كلامنا ولما كنا بنحكى كل حاجة حصلتلنا...وانتى كمان يا نها وحشتينى...انتى عارفة انك اجدع اخت عرفتها فى حياتى...يعنى عندك اخوات كتير وانا اجدعهم...لا والله انتى اختى الوحيدة...بس انت اخ مش جدع فى اخ يسيب اخته كل دة من غير ما يطمن عليها شرم اخدتك منى ...والله يا نها شرم اخدتنى منى انا شخصيا ومن ناس كتيرة اوى بس اكيد ما نستكيش يعنى...

انا كان نفسى اطمن عليك اشوفك اشتغلت ومرتاح هناك ولا لا وقلقت عليك جدا والله...انتى بجد اخت جدعة اوى اوى يا نها اجدع بنت شفتها فى حياتى كمان...ماشى وانا عشان بس الجملة دى هسامحك...كويس اوى يعنى صافى يا لبن...حليب يا اشطة...بس عايز اقولك حاجة...قول...الصراحة انا قبل ما امشى بيوم مسحت ايميلك من عندى بس والله ما دخلت على النت من يوميها غير النهاردة ولقيت رسايلك وقريتها كلها...بجد يا حازم انا متشكرة اوى...استنى بس والله انا زعلت من نفسى اوى وبجد كان نفسى اكلمك باى طريقة ممكن تسامحينى وتكملى جميلك بقى انا مسحت الايميل لانى افتركت مش هعرف اكلمك تانى والله مش اكتر بس الحمد لله لما استقريت وعرفت ايه نظامى رجعت اهو واكلمنا من تانى...

انا زعلانة منك اوى يعنى كنت هفضل كل دة وانا موهومة وانت اصلا ولا هنا ولا تعرف حاجة مش كدة...خلاص بقى سامحينى انا قولتلك على اللى فيها اهو...انت هتسافر امتى وتيجى امتى تانى...انا 20 يوم هناك و10 ايام فى اسماعيلية ويوم الخميس والجمعة ممكن ادخل على النت من هناك...

وطلاما بتسالى هاجى امتى يبقى هتسامحينى ومش هتبقى زعلانة صح؟؟؟ ايوة طبعا مسمحاك هعمل ايه يعنى مش اخويا بقى الكبير بس اوعدنى مش هتتكرر...اوعدك يا كميلة خلاص مش هتتكرر...انت بقى ضيعت كام يوم من الاجازة دى...هو اول يوم بس والتانى بيبدا اهو وانا معاكى... يعنى فاضلك 8 ايام ...لا المرة دى 15 يوم عشان اول اجازة بعد كدة زى ما قولتلك...طيب كويس اوى...

قولى انت مرتاح هناك فى شغلك...والله الاول كان بهدلة بعدين الصحاب والتعود خلونى اتعود على الوضع هناك وادعيلى لما ارجع بقى اكون مرتاح بردو...ان شاء الله كله يبقى تمام متقلقش...طيب انت تدخل كل يوم عشان نتكلم مفيش يوم يضيع ومتقوليش مدخلتش ماشى...خلاص ماشى اتفقنا طبعا...ايوة كدة...


محكتليش بقى واخبار المدام ايه...لا خلاص الحمد لله لا بقى فى مدام ولا فى انسه خلاص انا فضيتلك بقى...هههههههه بس ليه كدة ايه اللى حصل دة انت اخر مرة سيبتك عشان ترد عليها على الموبيل وكانت وحشاك اوى...الكلام دة من امتى...من اكتر من 40 يوم مثلا...طيب وهما 40 يوم شوية دول ممكن يحصل فيهم مليون حاجة وحاجة...يعنى فركشتو...ايوة بالظبك فركشنا خلاص بقى معدش فى الكلام دة...يلا مش مشكلة المهم انك كويس...طبعا كدة احسن بكتير...

وانتى بقى اخبارك ايه...مفيش والله اخبار انا من المدرسة للبيت ومن البيت للدروس ويوم الخميس بخرج مع صحابى وبس على كدة هى اسماعيلية فيها مكان يتراح...حتى انتى بتقولى الجملة دى اسماعيلية احلى مكان فى الدنيا بكرة تعرفى قيمتها لما تروحى شرم...يا سلام مانا رحت شرم قبل كدة ومحستش حاجة...لا هى اى شرم يا نها(هو فى دماغه الجيش طبعا) بردو تروحيها تحسى بفرق مسيرى ابقى اوريهالك...ماشى هستناك توريهانى...

يعنى انتى مدرسة وبيت ودروس مفيش حاجة كدة ولا كدة ولا مدام وكدة...لا والله انا مليش فى الكلام دة خالص واساسا حتى لو فيه كنت انت اول واحد هتعرف اكيد احنا مش متفقين اننا نحكى كل حاجة لبعض...صح معاكى حق تمام اوى كدة...

طيب يا نها انا بجد مبسوط اوى اننا اتكلمنا تانى وانك مسمحانى ومش زعلانة منى... وانا كمان بجد مبسوطة اوى يا حازم والله مش عارف اد ايه انت هتقوم...اه هصلى الفجر وانام بقى شوية بعدها عشان تعبت النهاردة و وما نمتش من ساعة ما جيت...طيب هشوفك بكرة ان شاء الله اوكى...ان شاء الله يلا سلام دلوقتى...سلام.....

الحلقة السادسة عشر

تستمر اجازة حازم ويفضل الوضع زى ماهو فى الايام اللى بعد كدة منها لعب كورة وخروج مع صحابه وبالليل نت وبيكلم نها ويكلم صحابه على الايميل وهكذا لحد ما خلاص فاضل يوم وهيرجع حازم الصبح على المعسكر بتاعه عشان يبدا اول يوم جيش ليه هناك.

يسلم حازم على صحابه ويروح بالليل ويقعد مع اهله شوية وقبل ما ينام يقعد شوية على النت...ويلاقى نها كالعادة...ازيك ...ازيك...ايه خلاص هتسافر الصبح...اه راجع شرم تانى الصبح...خد بالك من نفسك عشان خاطرى انت بقيت حد مهم اوى بالنسبة لى...وانتى كمان يا نها والله وخدى بالك من نفسك وذاكرى كويس ونسمع كلام ماما وبابا مفهوم...مفهوم طبعا يا ابيه حاضر انا هفضل اعد بقى 20 يوم لحد ما ترجع ان شاء الله...لا و ما تنسيش كمان معادنا يوم الخميس والجمعة على النت ...لا مش ناسية منا كنت هقولك...


ويكلم حازم مع نها شوية وبعضين يودعو بعض وينام حازم عشان يستقبل يومه وهو فايق ومركز عشان يشوف ايه الوضع هيكون ازاى فى المعسكر...ويصحى حازم الصبح على صوت مامته بتناديه يلا يا حازم العربية تحت بتاعة الجيش مستنيناك انا عملت للسواق شاى وكام سندوتش عقبال ما تجهز...يا سلام عليكى يا ماما صح كدة حلوة التثبيتة دى...تثبيتة ايه يا حازم مش يعتبر ضيف عندنا...تمام صح كدة بردو...ويجهز حازم ويسلم على كله ويركب العربية مع السواق اللى فهمه وهما فى طريقهم للمعسكر الوضع هناك ازاى وان اصعب حاجة هناك بس هى الخدمات لان فى 3 انواع من الخدمات ومدة الخدمة 4 او 6 ساعات حسب مكان الخدمة...


ينزل حازم ويروح لمكتب القائد ويشكره تانى على كل اللى عمله معاه ويسلم عليه ويقوله لو احتاج اى حاجة هو موجود فى اى وقت...

ويقف حازم مع وحدته كانت بتتكون من 14 واحد زيه وظابطين والسواق والقائد يعنى المكان صغير وهما كلهم مريحين بعض فيه ويقف حازم وبتعرف على الناس وكل واحد لما يعرف انه اسمعلاوى يسالوه سوال واحد انت بتحب الاسماعيلى طبعا...اه طبعا بحبه اوى...طيب ليه بتكرهو الاهلى...مش بكرهه ومش بحبه انا بحب فريقى وبس مليش دعوة بغيرى...تمام معاك حق ويا ريت كل الجمهور بتاعكو زيك...كلهم زى واحسن كمان بس انا مش متعصب اوى يعنى...

وتتوزع الخدمات ويكون نصيب حازم خدمة من 3 الفجر لحد 9 الصبح على مكان فيه لوحده...وراح ينام عشان يصحى جاهز للخدمة ويعدى الوقت ويستلم حازم الخدمة الساعة 3 ويخرج لمكانه لوحده...ويبص فى ساعته ويكلم نفسه...

يا نهار ملهوش الوان الساعة 3 يا ناس وانا هفضل كدة مع نفسى لحد 9 الصبح اهبل كدة مع نفسى واقف كدة...وايه الضلمة دى...وايه السكوت الرهيب دة...ايه الرعب دة...لا انا افضل اتمشى فى المكان على اساس انى يعنى قايم باحراسة تمام واهو الوقت يضيع...وقت ايه اللى هيضيع 6 ساعات هفضل اتمشاهم...لا انا احسن حاجة اقعد هنا فى مكانى ومتحركش للصبح حاجة تطلعلى فى الضلمة دى ولا حاجة ...كل دى ضلمة يا ناس طب وهو اصلا لو حد جه عليا هشوفه اساسا دة انا حتى مش شايف ايدى...


اه يا ولاد المحظوظين زمانك يا حسام دلوقتى لسه خارج انت والعيال مقضينها وانا هنا بخبط فى الحيطان...ولما تروح هتقعد على النت وتقضيها وانا هنا بعمل شات مع نفسى فى الضلمة...وياخد حازم ويدى مع نفسه وقت طويل اوى...ويبص فى ساعته...يا لهوى كل دة وفات نص ساعة بس دة انا كدة هتجنن دة فعلا يوم الجيش بسنة...اعمل ايه ايوة انا احسن حاجة بتعدى الوقت انام واصحى على بكرة انا مالى انا بحرس ايه ما احنا فى جيش مين يعنى اساسا هينزل من بيتهم يسرق جيش دة الكل بيقول يا رب ما ادخل مين الحرامى الغبى اللى هيجى يسرق الجيش يعنى...هى نوم لحد 9 الصبح وزى ما تيجى...


ويروح حازم فى نووووم عميق فعلا وبعد شوية يلاقى اللى بيصحيه...اصحى يا ابنى انت ...بس يا ماما بقى انا تعبان خدى بالك من الخدمة عقبال ما اصحى هههههه...ماما مين قوم يا ابنى انت...بس يا حسام وبطل تصحينة بالطريقة دى بقى...يا ابنى اصحى حسام مين...بس يا ابن المحظوظة هههههه....اصحى ياااااااااااا دفعة...ويتفزع حازم ميييييييين....تمام يا فندم....ايه اللى انت عمله دة يا ابنى انت نايم فين وايه الناس كلها اللى بتصحيك دى...انا اسف يا فندم انا افتكرت حد تانى...سايب خدمتك ونايم يا دفعة انا اسف يا حضرة الظابط...انت عارف ان فيها محاكمة ولو سلاحك ضاع هتتحاكم مرتين...انا اسف يا فندم غصب عنى نمت...انا هعديهالك عشان بس دى اول مرة تمسك فيها خدمة وعلى فكرة حضرة القائد بيزعل اوى من اللى بيتهاون فى الخدمة زى ما انت شايف احنا هنا مش بنعمل حاجة ولا ورانا حاجة فا اهم حاجة الخدمة وبس...

اخر مرة تحصل منك مفهوم يا اما بعد كدة اللى بينام او يسيب مكانه بيتحرم من اجازته شهر...لا يا فندم دة انا حضرتك هتلاقينى دينامو صاحى طول الليل مفيش نملة تعدى يا فندم طول ما انا فى الخدمة...ماشى يا اسمعلاوى ما بناخدش منكو غير اللسان...لا يا فندم اسمعلاوية جدعان والله...ماشى لما نشوف يلا انا هروح بقى انام...حازم فى سره(اه يا ابن المحظوظة انت كمان)...على فكرة يا حازم انت مش معاك موبيل ...معايا يا فندم بس مجيبتوش عشان ممنوع...لا هاته معاك يسليك المرة الجاية هنا مش ممنوع وكمان عشان ما تنامش هات راديو وهتلاقى الوقت بيعدى...فرح حازم اوى بموضوع الموبيل دة لانه كدة هيكلم اللى هو عايزه والوقت هيعدى عليه ...شكرا يا فندم المرة الجاية ان شاء الله هجيبه معايا...



ويفضل حازم صاحى ويغنى شوية لعمرو دياب لحد ما يزهق وشوية يفتكر حاجات من اللى حصلتله زمان اهو عشان الوقت يعدى لحد ما جاتله فكرة...ايوة بما انى هجيب الموبيل المرة الجاية انا هستفيد بقى من الشات لمصلحتى انا من اول اجازة هتعرف على اكبر كمية بنات بتسهر على الشات فى الوقت دة واخد نمرهم واقعد اكلمهم ويكلمونى طول الليل والخدمة هتعدى هوا مع راديو واجيب الاف ام يبقى كدة انا قضيت الجيش تمام وممكن اقفه كله خدمات كمان ايوة كدة يا حازم يا جامد...بس تعدى الليلة دى والاجازة تيجى...

ويبص حازم فى ساعت يلاقيها داخلة على 9 ويروح عشان يرجع مكانه ويسلم للخدمة اللى بعده ويعدى على حازم اول يوم جيش واول خدمة ليه فيه وهو على قراره وفكرته اللى عرف ازاى هيهون عليه الوقت هناك بعد كدة ياترى هتنفع ولا لأ ..........

الحلقة السابعة عشر

يعدى على حازم 5 ايام بنفس الشكل ويجى يوم الخميس الصبح وينزل مع العربية لحد بيته ويدخل حازم وياخد دش ويغير هدومه وينام على سريره اللى افتقده بقاله 5 ايام بحالهم...ويصحى على صوت مامته...حازم انت جيت صباح الخير...اه يا ماما مانا بنزل خميس وجمعة اجازة...ايوة صح ربنا يوقفلك ولاد الحلال دايما كدة...يا رب ادعيلى يا ماما ودعيلى ربنا يهون عليا الوقت هناك هى الساعة كام دلوقتى...الساعة 3 العصر...بابا فين...لسه فى الشغل واخوك فى الجامعة يلا اصحى عشان هعملك غدوة بتحبها اوى...ايه؟؟؟ هعملك رقاق...اه يا ماما فعلا مكلتوش من فترة وكمان فول الجيش نسانى طعم الاكل...


يصحى حازم ويقعد على النت ويدخل الشات ويبدا خطته فى انه يتعرف على اكبر قدر من البنات وبعدين يفتكر انه عايز بنات تسهر عشان خدمات بالليل بس ميضرش بردو يتعرف دلوقتى ماهو ساعات فى خدمات الصبح بردو ويقعد حازم يتعرف واللى ينفع تديله نمرتها يكمل معاها والله مترداش يقلبها وهكذا...


تدخل نها وهو قاعد وتفرح اوووووى وتسلم عليه...انت هنا من بدرى ...لا لسه من شوية...اخبار شرم ايه...جميلة اوى وبتسلم عليكى...الله يسلمها و فضلوا يحكو مع بعض شوية عن اللى حصل فى الكام يوم اللى فاتو لحد ما نها قالتله...اخ حازم فى واحدة صاحبتى يعنى احنا مش صحاب اوى بس هى اكبر من بسنة فى المدرسة ومعرفة وكدة وبنتكلم احيانا على النت...اه مالها...دخلت دلوقتى وكانت بتقولى عايزة حد لذيذ من عندى تتعرف عليه عشان هى زهقانة من كل اللى عارفاهم فحكيتلها عليك وعايزة تاخد ايميلك ممكن اديهولها....حازم من جواه فرح(يا بركة دعاكى يا ماما) اه اديهولها طبعا بس هى زيك كدة لذيذة ولو ان مفيش حد زيك...ايوة كدة اتعدل اه هى دمها خفيف وبنت ناس اوى ومحترمة...طيب ماشى اديها ايميلى...


وتدى نها صاحبتها الايميل وتضيف حازم عندها ...حازم انا بقى اسيبكو مع بعض شوية بقى قضيها ها...ماشى يا نها اتكلى انتى على الله شاكرين مجهودك....هههههههه ايوة مليش لازمة دلوقتى......لا والله عيب عليكى بهزر معاكى...ماشى انا بس هساعد ماما فى حاجة وجايلكو على قلبكو تانى...ماشى خدى وقتك يعنى...


هاى...هاى...انت حازم مش كدة...ايوة وانتى...انا مريم 17 سنة...اهلا وسهلا يا مريم اسمك حلو اوى...يا راجل...اه بحب انا اسم مريم دة...طيب كويس نها مش بتبطل كلام عنك دايما حازم اخويا حازم اخويا وانا افتكرت ان ليها اخ فعلا وهى اخواتها بنات...اه يعنى هى اصلى بحبها اوى وهى جدعة جدا من البنات القليلة فى الدنيا اللى جدعة يعنى...اه بس احنا مش صحاب اوى احنا مجرد معرفة يعنى مدرسة وكدة وصحاب فى النادى وكدة...تمام ان شاء الله تبقو صحاب اكتر...انت ساكن فين بقى وبتشتغل ومخلص ايه...مخلص كلية تجارة وبشتغل فى شرم الشيخ....ويفضل التعارف شغال بينهم وياخدهم الكلام لحد ما يتفقوا على انهم يتكلموا وقت تانى بالليل...


تدخل نها وتسال حازم...ايه عملت ايه مع مريم...عادى كويس يعنى...ايه رايك فيها...مغرورة اوى وتنكة جدا...ايوة صح على فكرة فى حاجة مقولتهلاكش انا وهى مش بنحب بعض خالص بس احنا كدة صحاب من تحت لتحت بنتخنق من بعض يعنى...وايه قولتى تنتقمى منها تعرفينى عليها...لا والله هى لما طلبت ولد لذيذ ما جاش فى بالى غيرك...

ماشى فيكى الخير مش عارفين نودى جمايلك فين...ايه انت زعلان والا ايه انى عرفتك عليها...لا والله خالص هى مغرورة بس دمها خفيف يعنى نبطلها غرور ان شاء الله...ايوة شاطر يا ريت عشان انا ارتاح كمان من غرورها دة انتوا اتفقتو هتكلمو تانى وكدة...اه بالليل بقى ان شاء الله زى ما احنا فى ميعادنا...وانا طبعا خلاص هتقلب...لو قولتى كدة تانى هزعل منك انتى مش عارفة انتى اهم حاجة بالنسبة لى دلوقتى...ايوة كدة شاطر انا احبك...ماشى يا كميلة طيب يلا انا هشوفك بالليل بقى عشان هعمل شوية حاجات كدة ورايا...طيب ماشى يلا سلام...

الحلقة الثامنة عشر

وقبل الاجازة ما تخلص بيوم يعنى يوم الجمعة بالليل يقعد حازم على النت ويودع نها وبيكلم فى نفس الوقت مريم...انتى بتردى ببطء ليه يا مريم...معلش اصل انا بكلم ناس كتير اوى مش ملاحقة ارد على مين ولا مين...اه طبعا ماهم الولاد اى بنت على النت بيسلمو عليها على طول...انا مش بكلم ولاد ولا اى ولاد اكيد يعنى انا بكلم صحابى وفيهم بنات وكدة...وانا بتردى عليا لما يجى عليا الدور...طب اعمل ايه يعنى مش برد على صحابى...طيب انا هسيبك مع صحابك واستعد انا عشان عندى شغل بكرة بدرى...اوك مع السلامة...


ايه يا حازم انت فين...سورى يا نها كنت برد على صحبتك مريم دى مغرورة اوى يا نها فعلا ليكى حق تتخنقى منها...هى فعلا مغرورة بس هى طيبة ودمها خفيف والله ...بس شكلها موهومة اوى بنفسها يعنى...اه هى حاسة انهم عشان اغنيا اوى انها حاجة تانية مختلفة عن الناس ودة الوحش فيها بس لما بتتعود على حد بتبقى حد تانى جميل اوى...يلا مش مشكلة بقى انا مش ناقصها بقى...لما انزل اجازة ابقى افوقلها...


هتوحشنى يا حازم لحد الاجازة الجاية بس هستناك الخميس الجاى تدخل على النت ماشى...ان شاء الله اوكى اتفقنا ويسلم حازم على نها ويكمل شوية على الشات عشان يكمل خطته بانه يتعرف على اكبر عدد ممكن من البنات وياخد نمرهم عشان دول اللى هيعدو عليه الوقت فى الجيش وخصوصا لما يكون فى خدمة وخصوصا اكتر باللليل...

ويستعد حازم للنزول الصبح مع عربية الجيش والمرة دى بقى رايح وهو مستعد بجد فعلا معاه نمر بنات وهيكلم ناس فيهم وناس هتكلمو ولما يزهق معاه الراديو وكمان معاه ووكمان ومعاه شرايط حبيب قلبه عمرو دياب يعنى هيقضى جيش فل ان شاء الله هههههههه...

ويدخل حازم المعسكر ويسلم عليه الناس اللى هناك واللى اتعرف عليهم ويدى كل واحد طلباته اللى كان طلبوها منه يجيبهالهم معاه وهو راجع من اليومين الاجازة ويستعد عشان يشوف خدماته توزيعها ايه ويفرح اوى لما يلاقى انه عنده خدمة تانى بالليل من 3 ل 9 الصبح لانه مستعد كويس اوى وهى هتكون سهرة اكتر منها خدمة يعنى...


ويصحى حازم على ميعاد الخدمة ويروح مكانه عشان يستلم من زميله اللى قبله المكان والسلاح وتبدا الخدمة ولسه حازم ما رنش رنه يجيله اول اتصال ويبتدى بقى يتكلم وهو مشغل الراديو على الاف ام وعايش قصة وفى انسجام تام...وفى وسط المكالمة ...طب ثوانى معايا ويتينج اقفلى وهبقى اكلمك تانى...ويتكلم لحد ما يزهق يقفل ويتصل هو بمكالمة تالتة وهو بيكلم تجيله مكالمة ...الو انتى مين....اه اه معلش ما احنا لسه معلش عشان اول مرة...لا والله انا بردو بعد صوتك الجميل دة اقدر اكلم حد تانى...ايوة مين معايا اه طبعا فاكرك...صوتك جميل اوى...لا مش بكلم حد تانى...انا بعد صوتك الجميل دة بردو اكلم حد تانى....


ويفضل حازم مقضيها على الوضع دة لحد الصبح حتى ان الخدمة اللى بعده جات تستلم وكان هو لسه مش عارف ان الساعة جات 9 وخد حازم خبرة جامدة فى ازاى يكلم البنات ويتعامل معاهم واكتر من كدة لقى ان فى مواقف تكرر نفس الكلام لكل واحدة كلهم يطيرو بيه مع انهم عارفين انه بيقول اى كلام وحفظ رد فعل كل بنت هيكون ايه لو قال ايه وهتتصرف ازاى يعنى بقى واد خبرة من كتر اللى بيكلمهم...


ويجى الخميس والجمعة اللى بعد كدة وينزل حازم ويقضيهم زى اللى قبلهم مع نها وبيكلم فى مريم ويتعرف اكتر ويرجع تانى جبشه وهكذا فضل على نفس الوضع دة حوالى 4 شهور لحد ما فى مرة فى اجازته ال 10 ايام حصل فيها تطور فى الاوضاع

الحلقة التاسعة عشر

يرجع حازم البيت وهو قاعد على النت تدخل نها ويسلمو على بعض كالعادة وتتمنى نها انه يرجع اسماعيلية تانى زى ما كان ويشتغل اى حاجة فيها بدل شرم الشيخ لانه بيوحشها اوى وكدة وهما بيتكلمو تقوله على مفاجاة...على فكرة يا حازم...مريم سالتنى عليك على حكايتك ايه مع البنات والارتباط وكدة يعنى شكلها كدة عايزة ترتبط بيك ...والله يا نها انا بطلت ارتبط بحد يعنى...يعنى اقولها تكبر دماغها من الموضوع دة...لا سيبى انتى انا اكلمها منى ليها اشوفها عايزة ايه بالظبط...ايوة اخلع منها انا يعنى مش كدة...لا والله مش قصدى بس انا لما اكلمها هفهمها كويس يعنى وافهمهما الوضع بالظبط...طيب بس عايزة اقولك خد بالك من مريم يا حازم...يعنى ايه قصدك مش فاهم اخد بالى منها ازاى...انت هتتعامل معاها وتشوف بس انا حبيت اقولك خد بالك منها وخلاص...

يعنى ايه لو عارفة حاجة هتخبيها عنى لو عارفاها قولى مش انا اهمك بردو...اكيد انت تهمنى اوى يا حازم...طب قولى فى ايه...مفيش انت شفت انها مغرورة ومتكبرة كدة خد بالك وخلاص انا خايفة عليك...خايفة عليا؟؟؟ايه يا بنتى فى ايه هى تبع دراكولا ولا ايه...مش قصدى والله انت لما تتعامل هتفهم قصدى كان ايه...طب انتى شوقتينى انى فعلا اكلم معاها واشوف اخاف منها فى ايه وايه اللى انتى خايفة عليا منه...


تدخل مريم على النت و نها تقول لحازم طيب انا هسيبكو بقى تعيشو وما تنساش كلامى...اوكى يا نها اشوفك بالليل اوكى...
هاى ازيك رجعت من شرم امتى...النهاردة الصبح...كويس وايه الاخبار ...الحمد لله تمام وانتى اخبارك ايه...تغيب مريم حوالى ربع ساعة وترد فى الاخر...الحمد لله كويسة...عاملة ايه فى الدنيا تمام؟؟؟ بردو تغيب مريم كتير وترد ببرود...كويسة كله تمام...حازم وهو منفعل فى ايه يا بنتى انتى بتردى عليا بعد سنتين ليه ايه الرخامة اللى انتى فيها دى بقولك ايه لو مش عايزة تتكلمى قولى وانا اريحك منى واوفرلك...مريم ترد بسرعة لا مش قصدى اتاخر بس بكلم ناس كتيرة اوى والله اعمل ايه وبقلب ناس كتيرة كمان مش بكلمها...انتى على فكرة عايشة فى الدور اوى وانا هريحك من واحد من الناس الكتيرة اللى عندك سلام...ويعملها حازم بلوك وهو شايف انها اون لاين ويدخل يشوف اخر اخبار الاسماعيلى والكورة وينسى الموضوع...


وفجاة وهو قاعد يلاقى ايميل وصله من مريم ويدخل عليه ويفتحه...انا متشكرة اوى على ذوقك وانك تسيبنى وتمشى كدة فجاة من غير ما تقول حتى انك ماشى عموما انا زى ما قولتلك بتاخر عشان بكلم صحابى مش اكتر انا هديك نمرتى وياريت تكلمنى لما تقرأ الايميل وتصالحنى كمان

يضحك حازم طبعا لان كل الافلام دى حفظها اوى وعديت عليه كتير اوى دلوقتى ويقرر حازم انه ميكلمهاش على طول ويبقى يكلمها بالليل ويسيبها تستناه شوية وطبعا خد الموضوع على انه تسلية مش اكتر وحاجة تضيعله وقت فى الجيش وخلاص وطبعا موضوع انه يحب حد ويرتبط زى زمان دة انتهى من جواه خلاص...


يخرج حازم بالليل مع صحابه وهو راجع البيت يكلم مريم وترد عليه ويبتدى اللوم والعتاب والكلام دة كله لحد ما يجى الموضوع عن الارتباط والحب ...وانتى بقى ارتبطتى قبل كدة...انا لا مفيش لحد دلوقتى اللى فى بالى واللى يملا عينى يعنى لسه مستنياه بس انا فى ولاد كتيرة اوى عايزين يرتبطو بيا وانا مش بحب الكلام دة خالص...يعنى انتى مش ناوية انك تمشى فى موضوع زى دة...لا انا فى واحد اسمه احمد يعنى مرتحاله شوية وكدة بس لا مليش فى الكلام دة وكتير غيره بس انا بعاملهم زى اصدقاء...انا مش فاهملك حاجة شوية ملكيش فى الكلام دة ومش بتحبيه وشوية مرتاحة لاحمد وشوية فى ناس كتير وانتى مستنية...مش عارفة بقى انا نفسى مش عارفة انا عايزة ايه بالظبط...اه طيب ربنا يوفقك ويهديكى للخير ان شاء الله...


ويستمر الوضع كدة فترة طويلة مكالمات بين مريم وحازم وشد وجذب وشوية غرور وشوية تبقى كويسة جدا لحد ما جه عيد ميلادها فى يوم وكان حازم فى اجازته وكان قايلها انه عايز يقابلها ويسلم عليها لحد ما قبل عيد ميلادها فى يوم عزمته على عيد ميلادها...ايوة بكرة عيد ميلادى وعملاه فى الجندول(ده مكان فى الاسماعيلاية اللى راح هناك يعرفه كويس) وعازمة صحابى...طيب تمام كل سنة وانتى طيبة...وانت طيب هتجبلى ايه بقى...مش عارف احتمال ما اجيبش كفاية ان انا بس هاجى يعنى...لا خلاص خليك احسن متجيش...خلاص بلاش...اه صح مش هينفع يعنى تحضر عيد ميلادى وكدة...يعنى ايه امال انا معزوم على ايه...لا يعنى تيجى اقابلك بعيد عن عيد ميلادى تسلم عليا وتمشى على طول ومش هسلم عليك بايدى كمان...ليه عندك مرض جلدى ولا حاجة...لا انا مش بسلم على ولاد...اه ماشى بس اجى وامشى فى ثوانى كدة ليه حد هيطاردنى ولا حاجة...لا بس محدش يعرفك وهيقولو مين دة...طب متقوليلهوم انا مين...مينفعش هقول ايه...

طب انتى عزمانى على اساس ايه يعنى...يعنى صديق...صديق بس يعنى...يعنى صديق مقرب...طب خلاص قوليلهم كدة على فكرة انا مش عايز احضر اساسا بس بحاول افهم ايه الكلام الغريب دة يا ستى انا لبسى شيك وستايل مش هكسفك يعنى...يا ابنى مش قصدى بس اول مرة اشوفك يعنى خليها واحدة واحدة...يعنى كل مرة اشوفك توعدينى الوقت هيطول شوية...اه اوعدك...طب دة يبقى كرم من حضرتك يعنى والله مش عارف اشكرك ازاى...بطل تريقة بقى انا هستناك بكرة وتتصل بيا قبل ما تيجى عشان اقولك هستناك فين...ماشى يا مريم هى نها معزومة...لا طبعا...وليه طبعا مش صحاب...لا نها مجرد معرفة يعنى بعدين دى اصغر منى...ماشى مع انى كان نفسى اشوفها جدا اعرفها من زمان اوى ومشوفتهاش...لا كفاية عليك تشوفنى انا بس...


ويجى عيد الميلاد وحازم قبل ما يروح يتصل بمريم ويقولها انه داخل من البوابة....ايوة يا بنتى انا دخلت خلاص اجيلك فين...تعلالى عند اللسان اللى على البحر ...طيب اوكى...ويروح حازم وهو داخل على تجربة جديدة لانه اول مرة يعرف بنت من اسماعيلية ويقابلها كل اللى عرفهم كانو برة اسماعيلية فى دى للتاريخ ان مريم كانت اول بنت من اسماعيلية حازم يقابلها...


وتيجى ومعاها واحدة صاحبتها طولها متوسط ملامحها عادية مش حلوة ولا وحشة بس باين فى عنيها وكلامها الغرور والتكبر فعلا...هاى ازيك ...ازيك...دى بوسى صاحبتى...ازيك يا بوسى ...تمام...صاحبتها كمان ارخم واغلس منها...حازم يدى مريم الهدية بتاعتها ويوقلها كل سنة وانتى طيبة...وتقوله بسرعة كل سنة وانت طيب ويلا بقى انا لازم امشى...ملحقش حازم حتى يقولها سلام كانت سابته ومشيت واتخنق طبعا جدا ومرضاش يكلمها عشان عيد ميلادها ولف واتجه للبوابة وهو مستغرب من اللقاء اللى ملوش ملامح دة...

وقرر ان هيكون ليه رد جامد معاها لما يكلمها بكرة فى التليفون على المعاملة والمقابلة دى...

الحلقة العشرون

يتصل حازم تانى يوم وهو فى الجيش بمريم عشان ياخد منها موقف...ايوة ...ازيك...كويس ...مالك...مفيش بس اصل يعنى انتى امبارح عاملتينى بطريقة وحشة اوى لسه بقولك كل سنة وانتى طيبة تدينى ضهرك وتوقليلى سلام فى ايه يا بنتى هو انا شغال عندك ولا ايه...احنا متفقين على كدة وقايلالك كدة قبلها بيوم...ايوة بس مما توقعتش يعنى يكون الذوق بالمنظر دة...بص يا حازم انا مش متعودة انى اقف مع ولاد ومقدرتش اقف معاك امبارح الا بالصورة دى لان الموضوع دة انا بتضايق منه...


ماشى يا مريم اذا كان كدة اوكى خلاص حصل خير...انا مضايقة اوى...من ايه...احمد من امبارح ما كلمنيش وانا قلقانة...انتى بتحبيه للدرجادى...مش عارفة...الله ما كان اول امبارح ملكيش فى الكلام دة واستغرب حازم لما هى ملهاش فى الكلام دة امال بتحب احمد دة ازاى وحتى لو ليها وبتحب احمد امال قالت لنها انها عايزة ترتبط بحازم ازاى...


انا مش فاهمك بجد انا عايز اسالك حاجة...نعم...هو انا بالنسبة لك ايه...انتى صديق...بس؟؟؟يعنى...يعنى ايه...يعنى صديق قريب يعنى...قريب ازاى دة انا لو عدوك كنتى هتتعاملى معايا احسن من كدة شوية...لا والله عادى يعنى...طب انتى عايزة منى ايه...مش عايزة حاجة...حتى لو بحبك؟؟؟لا لو بتحبنى يبقى فى كلام تانى...اللى هو ايه...مش عارفة بس كلام تانى وخلاص...طب ازاى يبقى فى كلام تانى وانتى بتحبى احمد...مش عارفة يا حازم بعدين انا مقولتش انى بحبك ولا بحب احمد ...طيب امال انتى ايه بالظبط؟؟؟ مش عارفة والله بعدين هو انت عايزنى اول ما تقولى بحبك ارد عليك...انا مقولتش بحبك انا قولت لو بحبك...يعنى ما هى معناها كدة مش هتفرق...طيب امال تردى عليا امتى...يعنى انت عشان جيبتلى هدية فى عيد ميلادى امبارح يبقى لازم اقولك انا بحبك ادفعلك التمن يعنى...على فكرة انا نسيت اساسا ان كان عيد ميلادك امبارح وانى جيبتلك هدية اصلا يعنى مش فى دماغى خالص الكلام دة...


هى معناها كدة يا حازم...خلاص يا مريم انسى انى قولت اى حاجة وخلينا زى ما احنا اصدقاء مقربين...لا طبعا هى دى حاجة تتنسى...الله يا بنتى انتى مش عاجبك حاجة وانا مش فاهملك حاجة خالص بقولك انا ليا بقى معاكى كلام تانى لما انزل اجازة اشوفك ونتكلم...لا انسى يعنى اننا هنتقابل وكدة دى كانت مرة عشان مناسبة يعنى مش اكتر...بقولك ايه انا مشقادر افهمك وانا كمان اساسا خلاص مش عايز اشوفك بجد انسى الموضوع دة كله ويلا انا لازم امشى دلوقتى...انت زعلت ولا ايه...لا خالص بس ورايا شغل ولازم استعد له(اللى هو الخدمة طبعا)
ويعدى على حازم الاسبوع التانى وينزل اجازته ويروح على البيت كاالمعتاد ويدخل على النت ويشغل عمرو دياب ويكلم صحابه اللى اتعرف عليهم وتدخل نها وتسلم عليه ويحكيلها على كل اللى حصل مع مريم وتقوله سيبك منها يا حازم احسن...يا بنتى انا مش فى بالى والله اساسا بس انا عايز اشوف اخرها ايه هى عايزة ايه بالظبط...اوكى براحتك...خارج النهاردة بالليل...اه وانتى...ايوة فى حفلة فى النادى وانا رايحة...اه مانا عارف انا كمان رايح ...تمام اشوفك هناك بقى...وانا هعرفك ازاى ...اكيد هتعرفنى سيبها للصدفة بقى...ماشى يا نها هسيبها للصدفة...


يخرج حازم بالليل مع صحابه ويروح النادى معاهم على الحفلة وعلى اول المدخل بتاع النادى يلاقى مريم واقفة وبتسلم على ولد وهى قاعدة فوق عربيته ويستغرب جدا لان دة مش منظر واحدة زى ما قالت بتخاف من الوقوف مع الولاد وان الموضوع دة بيضايقها ويضحك حازم اوى من المنظر...ايه يا ابنى انت اتجننت ولا ايه...لا مفيش حاجة...امال بتضحك لوحدك كدة مع نفسك ايه اشتغلت ولا ايه...مخلاص بقى انت وهو افتكرت حاجة ضحكتنى خلصنا بقى...

ويدخل حازم ويندمج فى الحفلة مع صحابه ويضحكو ويهزرو ويشوف مريم مع واحد تانى ويضحك اكتر ويشوفها بعد شوية مع واحد تالت ويضحك ويرقص اكتر واكتر لانها قلبت عليه المواجع برغم انه فعلا الموضوع مش فى باله اساسا ولا عمره حس ناحية مريم دى باى احساس حقيقى...

كل الحكاية انه مستغرب وكدة بس بردو كان بسبب اللى شافه منهم من اول واحدة عرفها لاخر واحدة مرورا باللى عرفهم فى النص

عدت مريم من جنب حازم وعملت ولا اكنها تعرفه وهو كمان ما اهتمش اساسا انه يسلم عليها خالص بس كان مضايق شوية من جواه وخلصت الحفلة ويرجع حازم بيته ويدخل على النت ويقابل نها ويكلم معاها...ايه رايك الحفلة كانت حلوة...اه يعنى بس كانت قالبة معايا بكوميدى شوية...ليه يعنى لا عادى بس انا كان نفسى اشوفك جدا ودورت عليكى...انا كنت لابسة بودى احمر وبنطلون بيج...مخدتش بالى مع ان كان فى بنت لابسة احمر امورة اوى اوعى تكونى انتى...مش عارفة بقى يمكن بس على فكرة انا شوفتك...لا بجد...اه مش انت كنت لابس بودى ازرق وبنطلون باجى كدة بيج...ايوة...شفت بقى انا عرفتك ازاى وانت لا...اكيد مريم قالتلك عليا...لا والله انا شفتك قبل ما اسلم عليها انا وقفت معاها دقيقة بس...بقى كدة ومتخلنيش اشوفك...معلش بقى اكيد هنتقابل كتير يعنى...ماشى يا نها براحتك نها ثوانى ارد على الموبيل...


الو ...ايوة ازيك...تمام...مين...نسيت صوتى ولا ايه...مريم ازيك...الحمد لله...ايه رحت الحفلة النهاردة...اه مش شفتينى وعملتى نفسك مش عارفانى...لا والله بس انت عارف مش بعرف اقف واسلم...لا معلش بقى انتى يا اما كدابة يا اما بتعاملينى انى عبيط...ازاى يعنى...انا شفتك واقفة مع واحد وقاعدة على العربية وبعدها مع واحد تانى وشوية مع واحد تالت وزهقت من العدفكبرت دماغى ونسيتك اساسا...ايه يا حازم ما دول صحابى ونعرف بعض من زمان...الله طب ما انا صديقك وصديق مقرب كمان مش دة كلامك ولا ايه...

ايوة بس انا معرفكش كويس يا حازم...والله بقى لو متعرفنيش كويس متدنيش نمرتك ولا تعزمينى على عيد ميلادك وكمان متقبليش منى هديتى دة اللى اعرفه...بس يا حازم بقى مش عارفة انا كدة وكمان سيبنى لانى مضايقة عشان احمد قفشنا على بعض فى الحفلة...لا هسيبك فعلا ترتاحى انتى بجد قليلة الذوق وكنت فاكرك حاجة وانتى حاجات تانية سلام...


ويقفل حازم ويرجع لنها ويحكيلها على كل اللى حصل مع مريم وتقوله نها...حازم اهدى انا كنت عارفة ان كل دة هيحصل من الاول وحذرتك...انتى اكيد كنتى عارفة حاجات وخبيتى وقولتلك قولى مرضتيش...بص يا حازم بصراحة مريم من النوع اللى بيحب يكون حواليها اكبر قدر من الولاد اللى بيقولولها بحبك وبتفرح بكدة اوى وبلمتهم حواليها وبتحسس الكل ان كلهم بيجرو وراها وهى مش عارفة تعمل فى كدة ايه وبتعاملهم بتناكة اوى يعنى يوم حلوة مع دة ويوم مع غيره ويوم تقلب وكدة...اه بقى هى الحكاية كدة بس انا زعلان منك عشان مقولتليش من الاول...يا حازم ما انت قولت انا هتعامل وهكلم معاها وانا اخرج...يا نها بردو كان لازم تقوليلى عشان اعمل حسابى بس مش اكتر...لا احسن انا كنت عايزياك تتصدم فيها وتاخد درس...بقى كدة فرحانة فيا يعنى عموما هى ولا تفرق معايا اساسا ...ازاى بقى مش قولتلها بحبك...مين اللى قالك كدة...هى قالتلى وقالت انك بتجرى وراها وانك عايز ترتبط بيها...لا البنت دى مريضة والله محصل كدة خالص انتى اكتر واحدة عارفة عنى كل حاجة وكل اللى جرالى انا فعلا كانت تسلية مش اكتر...عارفة يا حازم ما استغربت عشان كدة يعنى انت مش بتحبها...والله العظيم لا عمرى...وتضحك نها...بتضحكى ليه... لامفيش اصلى فرحانة بس انك يعنى طلعت مش بتحيها اصلها ما تستهلاكش يعنى...ماشى يا نها بس بردو انا زعلان منك اوى...خلاص بقى ما تزعلش مش انا اختك حبيبتك...ماشى يا نها حصل خير...طب هتعمل مع مريم ايه دلوقتى...


مفيش عادى انا مش هكلمها تانى بس هى لو كلمتنى هرد عليها عادى انا بس زعلان على الهدية اللى جبتهالها كنت فاكرها الاول ملاك وتستاهل كل خير هو كلكو بقيتو كدة...كلكلو اللى هما البنات يعنى...ايوة...لا انت اللى بتروح فى طرق غلط اكيد كلنا مش كدة...يمكن بردو يلا مش مشكلة بقى ...المهم انك تتعلم...لا انا اصلا مش فى دماغى وقولتلك انها تسلية مش اكتر...


ويقفل حازم مع نها ويتفقو انهم يكملوا كلامهم بكرة عشان الوقت اتاخر وهيدخلو ينامو...

الحلقة الحادي والعشرون

يصحى حازم تانى يوم ويلاقى مكالمات كتيرة من مريم ويتصل بيها و بعد كلام كتير وانها مش مغرورة ولا زى ما هو قال عنها وانه شافها مع ولاد كتير وعكس الكلام اللى بتقوله على نفسها سالها حازم....اوكى يا مريم انا هسالك سوال واحد...ايه هو...انتى عايزة تبقى علاقتنا ايه بالظبط مع بعض...والله مش عارفة انا مقولتش اه ومقولتش لا...اه ولا فى ايه بقى بالظبط...انت عارف...لا انا معرفش حاجة يا مريم وهتفضلى كدة عايزة تلمى اكبر قدر من اللى دايبين فيكى جانبك كدة بترتاحى نفسيا...


يعنى انا مريضة ....ممكن اللى شوفته منك بيقول انك فعلا ممكن تكونى مريضة وعلاجك ان ولاد كتير تقولك بحبك ويفضلو حواليكى زى ما قولتلك كدة بيريح نفسيتك واحب اقولك انى مش واحد منهم انا اساسا نسيت موضوعك دة خلاص وانا مش ناقصه بعدين بصراحة...هو لسه فى صراحة...اه لسه مش شايف فيكى حاجة مختلفة تستاهل غرورك او انى حد يجرى وراكى او انك تلمى ناس حواليكى مش عارف على ايه يمكن عشان انتى عارفة انك مفكيش حاجة تشد اى حد فا دة سبب اللى بتعمليه...ممكن تحترم نفسك...انا محترم غصب عنك انتى فاهمة...انت بتزعق كدة ليه...بقولك ايه خلاص كدة كفاية اوى بقى ماشى استحملتك كتير وعشان نرتاح انا وانتى انا ننسى اننا عرفنا بعض سلام...



وكمل حازم اللى فاضل فى اجازته وطبعا حكى لنها على كل اللى حصل مع مريم وكان بيشهدها هى عملت ايه وانه مقدرش يستحمل غرورها وكدبها اكتر من كدة والموضوع بالنسبه له اساسا كان وقت ولا فى باله....
ايدا يا حازم انت عملت فيها ايه وقولتلها ايه...اللى حكيتهولك يا نها ما انتى عارفه مبحبش حد يعيش عليا ويحور كمان وفكرانى انى اهبل بقى وبتاع...حازم انت كسرتها من جوة بجد وهديت غرورها بكلامك دة انا اكتر واحدة فاهمة مريم والله زمانها متبهدلة من جواها...تتبهدل بقى عشان تتعلم ما تعيش على حد تانى ولو انى اشك انها تتعلم...حازم انت عارف اساسا اللى كان يبصلها بصة وحشة بتبهدله وتقول بابى وهجيبلك مش عارفة مين عشان كدة محدش بيحبها واللى بيكلمها بينافقها(بابا مريم كان حتة تقيلة فى اسماعيلية مفيش داعى طبعا نعرف مين)...كويس عرفت انا عقدة النقص دى منين يلا سيبك المهم انتى خدى بالك بقى من نفسك.....الاجازة خلصت بسرعة يا حازم...اه اصل كانت كلها احداث مثيرة...لا مليش دعوة بقى سيبك من شرم دى...مقدرش اصل انا نفسى اسيبنى منها فعلا بس هى مش هتسيبنى دة ممكن تيجى بنفسها ليا لحد سريرى...يا سلام بتحبها اوى كدة...


مش حب دة قدر بعيد عنك يعنى وعن السامعين...ماشى يا حازم وانت كمان خد بالك من نفسك اوكى...ماشى ان شاء الله يلا سلام عشان همشى الصبح بدرى بقى....سلام



يرجع حازم جيشه وفى خدمة من الخدمات بتاعت بالليل تجيله مكالمة زى ما هو متعود ....يا ترى مين المرة دى...الو...ايوة مين معايا...انا مريم...اه ازيك يا مريم اخبارك ايه...كويسة...ينفع تدخل على النت...لا والله ما ينفعش يا مريم انا فى شرم دلوقتى ومش هقدر ادخل...هو انت سافرت...اه سافرت امبارح الصبح...طيب ماشى خلاص...خير كان فى ايه...مفيش كنت عايزة اقولك انى بردو مش زى ما افتكرت عنى...بعد اذنك يا مريم الموضوع دة بلاش منه تانى ونسيته خلاص و ما تزعليش منى لو قولتلك حاجة زعلتك...لا مش زعلانة خلاص...بصى لو تحبى احنا ممكن نفضل اصدقاء واصدقاء كويسين اوى كمان...اه اوكى خلاص انا موافقة ...بس بقولك لا فى غرور ولا تكبر ولا كلام باسلوب وحش وكدة عايزة تفضلى كدة يبقى مع كله الا انا...ماشى اوكى انا موافقة ...خلاص ماشى اتفقنا...اتفقنا...


وتخلص المكالمة وتيجى بعدها لحازم مكالمات كتيرة زى ما هو متعود طبعا لحد ما يتصل بيه رقم غريب تانى وافتكرها مريم تانى...ايوة يا مريم...مريم مين انت عرفت مريم؟؟؟ مين معايا...اكيد نسيت صوتى احنا من اكتر من سنة ونص خلاص ما اتكلمناش...معلش مش واخد بالى مين...فكر...لا معلش مش بقدر افكر دلوقتى بتعب ممكن الصبح بقى سلام...استنى انت بقيت قاسى اوى مش فاكر صوتى يا حازم...يعنى حاسس انى سمعته قبل كدة...انا نيرمين يا حازم فاكرنى...نيرمين يااااه اه فاكرك طبعا...اخبارك ايه...


يعنى كويسة الحمد لله...عاملة ايه وعملتى ايه طمنينى...تمام ومعملتش حاجة سيبت الموضوع كدة وفى مرة صاحبتى خدتنى لدكتورة وقالتلى انى الحمد لله مفيش اى حاجة ونسيت الموضوع دة بقى خلاص...طيب كويس اوى الحمد لله انا دى كانت الحاجة الوحيدة اللى قلقانى عليكى...كنت قلقان عليا كويس والله دة انت مفكرتش حتى تسال عليا زى ما وعدتنى اخر مرة كلمتك فيها...نيرمين انتى كنتى متوقعة ايه يعنى لما تفاجينى بمفاجاة زى اللى قولتهالى دى ساعتها...ماشى انا مش عايزة افتكر الكلام دة خلاص...ولا انا بس انتى ايه فكرك بيا...وحشتنى وحبيت اسمع صوتك...واشمعنى دلوقتى...والله انت واحشنى من زمان بس كنت خايفة اكلمك عشان ممكن ما تردش او تحرجنى...وادينى رديت عليكى اهو وبنتكلم...


وحشتنى اوى يا حازم بجد انا طول الفترة اللى فاتت وانا اقول اكلم لا بلاش لحد النهاردة بقى مقدرتش اصلى افتكرت ايام اول مرة اتقابلنا واتعرفنا ازاى والكلام دة كله...اه كانت ايام جميلة والله الايام دى...اوى يا حازم وانت اخبارك ايه فينك دلوقتى...والله يا نيرمين انا فى الجيش ...اه صح سورى نسيت انت دخلت صح يا حرام وبتنزل اجازات...اه الحمد لله بنزل كل 20 يوم 10 ايام وخميس وجمعة...طب الحمد لله كويس اوى وفاضلك فيه اد ايه يعنى قربت اخلص فاضلى حوالى 3 شهور كدة ان شاء الله...كويس اوى يعدوا على خير ان شاء الله...وانتى فينك...مفيش انا بقى دخلت كلية حقوق وطبعا مش فاهمة فيها اى حاجة فى اى حاجة...ايدا يا نيرمين انتى لسه بردو مبتفهميش انا قولت اتعالجتى...


هههههههه لا دة ملوش علاج وبعدين انت لسه خفيف...اهو بحاول احاحفظ على نفسى...انا مبسوطة اوى انى كلمتك تانى يا حازم...وانا كمان والله يا نيرمين...طيب ايه...ايه ايه.....ممكن نرجع اصدقاء بس اكيد احلى اصدقاء...اكيد يا نيرمين ممكن طبعا...ميرسى اوى يا حازم انا هكلمك بقى على طول اوكى...اوكى يا نيرمين يلا سلام...سلام...


طبعا حازم مكنش متوقع المكالمة دى خالص وادى حكاية من الماضى رجعتله تانى ولكن حازم من جواه كان فعلا خلاص مبقاش بيحس ناحية اى بنت باى احساس ولا حب ولا غيره مجرد وقت وبيضيع معاهم حتى نيرمين اللى حبها اوى من قلبه الا انه فعلا بردو مفرقتش معاه اى حاجة المكالمة غير انها زيها دلوقتى زى اى بنت بيكلمها بيضيع وقت مش اكتر...


وتفضل المكالمات مع نيرمين طول فترة الجيش وعلى فترات كدة مكالمة من مريم والحياة ماشية تمام كدة مع حازم وخلاص فاضل ايام ويخلص جيشه ويرجع لحياة الحرية من تانى ويكون خلص من اغرب سنة واجرب تجربة فى حياته عدت عليه وهى الجيش طبعا لانه مهما حد حكى عن اللى كان بيحصله ايه فى الجيش محدش هيقدر يفهمه الا اللى دخله زيه..


وينزل حازم اجازة كبيرة وخلاص هيرجع على اخر يوم لتسليم المخلة وياخد شهادة الجيش وينطلق بقى من تانى ونشوف ان شاء الله المرة الجاية هيحصل ايه مع حازم بعد الاجازة وبعد ما يخلص جيشه