Yalla7



لم يتم تسجيل دخولك بعد . اذا لم تكن مشترك معنا فنتمنى تسجيلك والانضمام لنا


عمرو وياسمين2 ....الجزء الثانــــى 54828302


انضم إلى المنتدى ، فالأمر سريع وسهل

Yalla7



لم يتم تسجيل دخولك بعد . اذا لم تكن مشترك معنا فنتمنى تسجيلك والانضمام لنا


عمرو وياسمين2 ....الجزء الثانــــى 54828302

Yalla7

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

4 مشترك

    عمرو وياسمين2 ....الجزء الثانــــى

    BooSy CaT
    BooSy CaT
    -=| قــطــة الـمـنـتـدى |=-

    عمرو وياسمين2 ....الجزء الثانــــى MOD


    انثى
    عدد الرسائل : 15231
    العمر : 35
    محل الاقامة : قلـMـ حبيبى ـHـب
    تاريخ التسجيل : 27/08/2007

    عمرو وياسمين2 ....الجزء الثانــــى Empty عمرو وياسمين2 ....الجزء الثانــــى

    مُساهمة من طرف BooSy CaT الثلاثاء ديسمبر 28, 2010 10:46 pm


    النهاردة ومع الحلقة الاولى


    من يوميات
    عمرو وياسمين 2


    يلا بينا


    يقولووون
    ان لولا الحب ما كان الانسان تزوق طعم الحياه واحس بسعادة الدنيا ...
    ...
    الحب مش مجرد كلمة بنقولها للانسان اللى بنحبه ... والسلام
    دى مشاعر واحساس بكل دقة قلب جوانا فى اشد الحاجة انها تسمع كلمة بحبك
    من الانسان اللى اختاره قلبنا قبل عقلنا ..
    وعشان كدا المفروض اننا لما نقولها نبقى على اتم الاستعداد اننا نضحى باى حاجة فى سبيل الحفاظ على حبنا ..
    حتى لو كان فراقنا هو التمن ...
    من هنا ها نبتدى الجزء التانى من يوميات عمرو وياسمين
    وان شاء الله تعجبكم
    ...,,...
    بتبتدى حكايتنا بعد مرور 13 سنة
    من العمر بدون اى حب
    كل ما فيها عذاب لقلبين كان ذنبهم اخلاصهم لحبهم
    قلبين عاشو على ذكرى جميلة.. وايام مش ها ترجع
    قلبين اتحدوا النسيان رغم مرور الايام
    قلبين اتمنوا ان الايام ترجع لو دقيقة ووتنتهى حياتهم بعدها
    قلبين ذى ما عرفوا معنى الحب ... عرفوا طعم الفراق
    قلب عمرو وقلب ياسمين
    ....
    سامر :- يا عمرو اسمع كلامى والله يا جدع ها تندم لو ما جتش ديه بتبقى سهرة جميلة ...
    على الاقل ترحم نفسك شوية من جو الشغل اللى انت عايش فيه ده ليل مع نهار
    عمرو :- يا سامر انا مش ناقص وجع دماغ وعاوز ارتاح شوية
    سامر :- طب تعالى المرة ديه بس وصدقنى مش ها تندم ..... وبعدين ده فيه حتة دين مفاجاه هناك
    عمرو:- مفاجاه ايه ..!!
    سامر :- بيقولوا فيه شيخ عراف هناك بيقرى الطالع والكف وعنده خبرة فى النجوم والابراج
    عمرو :- ههههههههههههههه
    انت بتصدق فى الكلام ده يخربيت عقلك هههههههه
    سامر :- يا عم فاهم اللى انت عاوز تقوله بس تعالى وبعدين لو ما عجبكش الجو هناك ابقى امشى يا سيدى ماحدش ها يمسك فيك
    وعشان راحة البال وبدل وجع الدماغ قرر عمرو انه يروح مع سامر حفلة السمر
    ...
    وهناك كان الجو عادى جدااااااا ...
    موسيقى وغنا ورقص

    وكان الكل فى انتظار الشيخ العراف
    حتى عمرو اللى ما بيصدقش فى الكلام ده هو كمان كان مستنيه
    وفجاه دخل شيخ كبير فى السن
    واضح عليه الهيبة والاحترام والذكاء والعلم
    وكمان باين فى عنيه خبرة الايام والزمن
    وصل الشيخ العراف واول ما وصل شاورله سامر من بعيد
    وبدء سامر يوشوش الشيخ العراف ويشاورله على عمرو
    قرب الشيخ من عمرو وهو بيقوله
    الشيخ العراف:- تحب اجرالك (اقرألك) الكف والطالع واجولك ( اقول لك ) على المستخبى واللى شاغل بالك يا ولدى
    عمرو :- المستخبى .. وانت بقى ايه بتعرف الغيب
    الشيخ العراف :- يا ولدى ما يعرف الغيب الا الله اللى خلجنى (خلقنى ) وخلجك ( خلقك )
    عمر :- امال ايه بقى ..!!
    الشيخ العراف :- يا ولدى انا ها اجولك (اقولك ) على اللى شاغل بالك واللى يريح حالك
    واطمن جلبك ( قلبك ) اللى سار حزين من ها اليوم اللى
    فارجت ( فارقت ) فيه محبوبتك
    استغرب عمرو وبص لسامر وهو مستغرب
    سامر :- يا عم انت بتبصلى ليه ..!! ما انا جمبك اهو ما قولتش حاجة
    الشيخ العراف :- يا ولدى انت ما هتخسر شى وانا ما باخد منك شى وكلامى ها يفيدك ما ها يضرك فى شى
    عمرو :- طب اعمل ايه يعنى ...!!!
    الشيخ العراف:- اعطينى كفك يا ولدى
    مسك الشيخ العراف ايد عمرو وهو بيقول كلام مش واضح ..
    من صوت الموسيقى العالية
    وبيقلب ويعدل فيها وعمرو عين معاه وعين على صحبه
    اللى باين عليه انه ورطه
    وفجاه ساب الشيخ ايد عمرو طلع شوية حجر وصدف ورماهم على الرمل
    وبص لعمرو واداله 3 صدفات وقاله
    الشيخ العراف :- جول ( قول ) للصدف على اللى واجع جلبك ( قلبك ) و شاغل بالك واللى تتمناه يا ولدى
    مسك عمرو الصدف وهو كله فضول يعرف ايه نهاية ال هو فيه ده .. وشوش الصدف ورماهم على الرمل
    الشيخ العراف :- بوص يا ولدى .
    ...


    وهنا تنتهى الحلقة الاولى من الجزء التانى من
    يوميات عمرو وياسمين 2
    يا ريت اعرف رايكم ..
    فى الحلقة الاولى
    واستنووووووووووووووووونا
    فى الحلقة التانية
    romantic knight
    romantic knight
    عضو له شنه و رنه
    عضو له شنه و رنه


    ذكر
    عدد الرسائل : 289
    العمر : 30
    محل الاقامة : romantic road
    تاريخ التسجيل : 25/02/2010

    عمرو وياسمين2 ....الجزء الثانــــى Empty رد: عمرو وياسمين2 ....الجزء الثانــــى

    مُساهمة من طرف romantic knight الثلاثاء ديسمبر 28, 2010 10:56 pm

    القصة دي روعة والله يا بوسي
    وشكل الجزء التاني احلى من الأول
    متابع معاكي اما نشوف ايه الي هيحصل
    BooSy CaT
    BooSy CaT
    -=| قــطــة الـمـنـتـدى |=-

    عمرو وياسمين2 ....الجزء الثانــــى MOD


    انثى
    عدد الرسائل : 15231
    العمر : 35
    محل الاقامة : قلـMـ حبيبى ـHـب
    تاريخ التسجيل : 27/08/2007

    عمرو وياسمين2 ....الجزء الثانــــى Empty رد: عمرو وياسمين2 ....الجزء الثانــــى

    مُساهمة من طرف BooSy CaT الثلاثاء ديسمبر 28, 2010 11:14 pm

    القصه احلى ب مرورك ي قمر
    تسلم ي رب
    MidO AsHraF
    MidO AsHraF
    -=| عضو vip |=-
    -=| عضو vip |=-


    : : -=| ميدو مشاكل |=-
    ذكر
    عدد الرسائل : 5798
    العمر : 33
    محل الاقامة : El Mansoura El Dor El Ardy
    تاريخ التسجيل : 12/07/2008

    عمرو وياسمين2 ....الجزء الثانــــى Empty رد: عمرو وياسمين2 ....الجزء الثانــــى

    مُساهمة من طرف MidO AsHraF الأربعاء ديسمبر 29, 2010 2:02 am

    اكيد جاااااااااااااامد يا بوسى طبعا
    شغال يا معلم واحنا معاكى متابعين ان شاء الله
    Tigar544
    Tigar544
    عضو مولع الدنيا
    عضو مولع الدنيا


    ذكر
    عدد الرسائل : 705
    العمر : 47
    محل الاقامة : في اي مكان صحرا كان او بستان
    تاريخ التسجيل : 05/08/2008

    عمرو وياسمين2 ....الجزء الثانــــى Empty رد: عمرو وياسمين2 ....الجزء الثانــــى

    مُساهمة من طرف Tigar544 الأربعاء ديسمبر 29, 2010 10:34 am

    القصة شكلها شيق
    متابعين ان شاء الله
    BooSy CaT
    BooSy CaT
    -=| قــطــة الـمـنـتـدى |=-

    عمرو وياسمين2 ....الجزء الثانــــى MOD


    انثى
    عدد الرسائل : 15231
    العمر : 35
    محل الاقامة : قلـMـ حبيبى ـHـب
    تاريخ التسجيل : 27/08/2007

    عمرو وياسمين2 ....الجزء الثانــــى Empty رد: عمرو وياسمين2 ....الجزء الثانــــى

    مُساهمة من طرف BooSy CaT الأربعاء ديسمبر 29, 2010 5:07 pm

    تسلم ع مرورك ي ميدو

    مش معقول تايجر رجع تانى
    ي هلا ي هلا
    المنتدى نور ي قمر

    ايه الغيبه دى كلها

    ي ترى قرأت الجزء الاول م القصه
    ولا بدأت معانا ف التانى بس؟؟؟؟؟؟؟
    BooSy CaT
    BooSy CaT
    -=| قــطــة الـمـنـتـدى |=-

    عمرو وياسمين2 ....الجزء الثانــــى MOD


    انثى
    عدد الرسائل : 15231
    العمر : 35
    محل الاقامة : قلـMـ حبيبى ـHـب
    تاريخ التسجيل : 27/08/2007

    عمرو وياسمين2 ....الجزء الثانــــى Empty رد: عمرو وياسمين2 ....الجزء الثانــــى

    مُساهمة من طرف BooSy CaT الأحد يناير 02, 2011 11:53 am

    بعتزر ع التاخير

    يالا الحلقه رقم 2
    **********************

    كنا وصلنا للشيخ العراف وان اظاهر ان سامر ورط عمرو
    فى حاجة كبيرة اوى ها تكون بداية لحكاية اكبر....
    ونكمل مع بعض ...
    الشيخ العراف
    :- انت جلبك ماهو فيك
    وعجلك ( عقلك
    ) وبالك مشغولين باللى ليك
    هادى البنية اللى ساكنة روح فيك
    وانت ماهو معمولك عمل ذى ما صضيجك (
    صديقك ) بيجول ( بيقول
    )
    انت مافى شى فيك غير الهوى
    حبيبتك هى دواك
    ودواك تكونوا سوا
    ومافى واحدة تجدر(
    تقدر
    ) تملى جلبك غير هادى البنية
    اللى جلبها متعلج (
    متعلق
    ) بيك
    وعجلها (
    عقلها
    ) مشغول فيك
    بس ماهو بيدها ولا ذنبها
    هى كمان حكم عليها الهوى
    بالبعد عنيك (
    عنك
    )
    وتعيش مع واحد جلبها ماهو رايده
    وفرحك ادينى شايفه
    وال جال عليه كفك ..
    ان خط جلبك جرب (
    قرب
    ) من خط عمرك
    وف نجطة (
    نقطة) جريبة (قريب
    ) هيتلاجوا... و...
    واثناء ما الشيخ العراف بيقول الكلام ده لعمرو

    عمرو سرح ورجع بنفسه 13 سنة لورا

    .......

    13 سنة ما عرفش فيهم قلبه طعم الحب
    13سنة كتير حبوه
    .. بس قلبه ما حبش غير واحدة بس هى اللى قدرت تسكن قلبه طول المدة دى رغم انها بعيدة عنه
    13 سنة ما نساش حبيبته ياسمين واللى بتزوره كل يوم فى منامه

    بيكلمها وتكلمه ذى ما كان بيكلمها

    حتى بعد ما بقى مدير فندق كبير جدااا فى شرم الشيخ
    وديه كانت الوسيلة الوحيدة ال بيهرب بيها من تفكيره فى حبيبته اللى بقالها 13 سنة ما يعرفش عنها غير شوية اخبار كل فين وفين من صحابه اللى فى اسكندرية ....

    اسكندرية اللى ما بقاش ينزلها غير بطلوع الروح
    ومناهدة طويلة من مامته وباباه
    اللى بيتمنوا انهم يشوفوه اسعد واحد فى الدنيا
    ومتخيلين ان السعادة فى انه يكون اسرة .....
    وكتير دارت ما بينهم مشاكل كبيرة بخصوص الموضوع ده
    لانهم ما يعرفوش ان السعادة خلاص ما بقتش تعرف لقلبه طريق
    قلبه اللى ما بقاش ملكه
    وحكم عليه الزمن انه يعيش بقية عمره سجين الماضى والذكرى ....
    مش بيفوق من تفكيره غير على ايد صحبه سامر واللى كان شغال معاه فى شرم الشيخ
    سامر :- ايه يا ريس انت روحت فين
    الشيخ العراف:- ايش يا ولدى سرحت فى ماضيك
    فى حبيبة جلبك
    عمرو :- يا عم الشيخ قولى اعمل ايه وانا مش بايدى انساها ولا بايدى احب بعديها ...
    اعمل ايه ؟؟ّّ!!
    الشيخ العراف:- خلاص يا ولدى جلبك ها ترجلعه الفرحة من تانى
    جريب (قريب)
    وجريب ها ترجعلك فرحتك وها يرجعلك عمرك ال فات...

    ( ولسة ما كملش الشيخ العراف كلامه وبيقاطعه عمرو وهو كله لهفة وشوق )

    عمرو :- نعم انت بتقول ترجعلى الفرحة ..بس انا خلاص فرحتى وسعادتى ما بقتش ملكى يا عم الشيخ
    الشيخ العراف :- عارف يا ولدى ان جلبك مات ووردتك دبلت من زمن
    بس الطالع بيجول ان سعادتك جية جية ..
    حبيبة جلبك ها ترجعلك بس
    ما تفرح يا ولدى
    انت انكتب عليك الهوى طول العمر
    وهواك مكتوب عليه الحزن
    عمرو :- حزن ... انت مش بتقول ها ترجع
    الشيخ العراف :- ها تعرف فى وجتيها (وقتها) ان الحب مش اننا نبجى مع ال حبيناها
    وان عذاب الفراج( الفراق) اكبر بكتير من عذاب اللجى ( اللقى )
    عمرو :- مش قادر افهمك يا عم الشيخ
    الشيخ العراف :- ما تسبجش (تسبقش) الامور يا ولدى بس احب اجولك كلمة اخيرة
    ما تفرحش بالورد.. ده لكل وردة شوكها ذى ماليها ريحتها الطيبة.....
    وقام الشيخ العراف بعد ما ساب عمرو فى حيرة واستغراب من الكلام اللى لسة سامعه ...
    فضل عمرو قاعد مكانه ما اتحركش وهو بيفكر فى كل كلمة قالهاله الشيخ العراف...
    لحد ما فوقه سامر من اللى هو فيه وهو بيقوله
    سامر :- اوعك تفكر فى اى كلمة قالهالك الراجل ده
    عمرو :- ليه مش انت اللى جبتنى هنا وكنت عاوزنى اقابله .. وبعدين ايه موضوع العمل ده اللى الشيخ قال عليه انت قولتله ايه بالضبط
    سامر :- ما قولتش حاجة ده شكله بيخرف
    عمرو :- انا شايفك وانت بتوشوشه انت قولتله ايه ..!!؟؟
    سامر :- بوص انا كل اللى قولتهوله ان انا خايف يكون حد عملك عمل بخصوص الموضوع اللى انت بتفكر فيه ده
    مش عارف انا فكرت كدا ازاى بس انا قولت اهو كلام وانت برده اوعك تصدق اى كلمة قالها ...
    عمرو :- طب ايه اللى عرفه بالموضوع ده
    سامر :- ياعم اهو كلام بيقوله لاى حد هو الكلام بفلوس ما تركزش عشان ما تهيسش وبعدين يا جدع ده انا شايف الفرحة فى عنيك اهو من مجرد شوية كلام راجل كبر وخرف
    عمرو :- هههههههههه والله انت مجنون
    سامر :- والله انت اللى مجنون .. ومتعلق بحبال دابت وان شاء الله ها تقع على جدور رقبتك

    عمرو :- ههههههههههه .. وانت ايه اللى فهمك فى الحب يا بتاع الخواجات
    سامر :- يبنى الحب انتهى وخلص من زماااان اوى
    والعمر بيجرى وانت مش بتفكر فى موضوع الجواز ده خالص ممكن اعرف ها تفضل كدا لحد امتى ...
    هى وخلاص اتجوزت
    ....
    فوق بقى يا قيس
    عمرو :- افوووووق .... ده شكلى انا اللى ها فوقك
    واتحول الليل من سهرة مع شيخ كبر وخرف ذى ما سامر ما بيقول
    لهزار وضحك بين الاتنين ... ونسوا موضوعهم الاصلى ...
    وهرب عمرو من تفكيره فى كلام العراف لهزاره مع سامر

    اشوفكوا بكره بقى
    BooSy CaT
    BooSy CaT
    -=| قــطــة الـمـنـتـدى |=-

    عمرو وياسمين2 ....الجزء الثانــــى MOD


    انثى
    عدد الرسائل : 15231
    العمر : 35
    محل الاقامة : قلـMـ حبيبى ـHـب
    تاريخ التسجيل : 27/08/2007

    عمرو وياسمين2 ....الجزء الثانــــى Empty رد: عمرو وياسمين2 ....الجزء الثانــــى

    مُساهمة من طرف BooSy CaT السبت يناير 15, 2011 6:18 pm

    ايه ي شباب انتوا بطلتوا تقرأو القصه ليه بس

      الوقت/التاريخ الآن هو الإثنين مايو 20, 2024 8:08 am