من طرف أثنين ستات اتقابلوا في الاخره
ألأولى : أنا أسمي سهام.
التانيه : و أنا أسمي سها.
سهام : أنت موتي أزاي؟
سها : أتجمدت لحد الموت
سهام : يا حرام لازم أتعذبتي كتير.
سها : لا أبدا هو في الاول كنت بردانه جدا و بعدين بدأت عيوني تتقل و
بعدين
كل حاجه خلصت , و انت ايه سبب موتك؟
سهام: سكته قلبيه.
سها : أيه حصل؟
سهام : كنت فاكره جوزي بيخوني , رجعت البيت يوم بدرى عشان أقفشه متلبس
فتحت
الباب لقيته قاعد لوحده قلت أكيد مخبيها في أي أوضه قعدت أدور و أدور و
أدور
ما لاقيتش حد ضميري أنبني جدا إن أنا شكيت فيه فماستحملتش فجاتلي سكته
قلبيه مت في الحال.
سها : يعني لو كنت لقيتي واحده كان زمانك عايشه؟
سهام : أيــــــــــوه.
سها (وهي بتعيــــــــــــــط) : يا ريتك دورتي في الديب فريزر كان
زمانا أنا و أنتى عايشين......
مرة واحد مسطول مروح البيت وبقالو ساعة مش عارف يفتح الباب مراتة من البلكونة بتقولو ارميلك المفتاح قالها لا المفتاح معاية ارميلى خرم الباب
ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه
اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.
مرة واحد بيروح بيتة كل يوم سكران قام من النوم الصبح وقال لمراتة انتى يا ولية كل يوم تسيبى نور الحمام منور، مراته ردت عليه اتنيل انت اللي كل يوم بتخش الثلاجة
عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!
مسطول قابل واحد صاحبه متغاظ من امريكا، المسطول حب يهدي صاحبه، قاله شوف امريكا من غضب ربنا عليها خلاها هناك فى آخر الدنيا لكن مصر يادوبك ساعتين بالبيجو
مرة اتنين مساطيل قعد ين بيحششو فا فى واحد منهم لقى جنازة فى الشارع فقال للتانى هو مين الى مات قاله عمك احمد قاله الله يرحمه، فى اليوم التانى الناس عملو سوان للناس علشان ييجو يعزو، قاله هو مين الى مات قاله يابنى انا قلت لك عمك احمد قاله الله يرحمه، فى اليوم التالت شاف نفس السوان قاله هو مين الى مات رد عليه التانى قاله انا كل يوم اقولك ده عمك احمد راح رد عليه قاله هو مال عمك احمد بقاله تلت ايام الدنيا مخبطة معاه كدة ليه
واحد غبي رجع من السفر لقى الشقة مليانه صراصير.. غير قفل الباب
مرة واحد محشش لقي كنز قال: كويس فاضل الخريطة!!
محشش قطع رأس أخوه وهو نايم...وقعد يضحك ويقول: هيتجنن لما يصحى الصبح وميلقهاش !!
واحد مسطول راح صيدلية يشترى جبنة حاول الصيدلى يفهمة ان مفيش جبنه بتتباع هنا وشويه و مسطول تاني جه، فالصيدلى قاله فهم صاحبك ان مفيش جبنه بتتباع هنا قال لة ياعم سيبك منة دا غبى ادينى بنص جنيه لانشون
واحد غبي كان بيدق مسمار في الحيطه فوقع فقاله تعالى ما جاش، تعالى ما جاش، قام جاب شويه مسامير ورماهم عليه وقالهم...هاتووووووه
سكران بيتمنى رمضان يبقى زى كاس العالم كل اربع سنين وكل مره فى بلد
اتنين سكرانين بيتفرجو علي نشرة الاخبار فالاول بيقول للتاني هيه النشره طولت اوي كده ليه، التاني قاللو اظاهر انها الحلقه الاخيره
[ندعوك للتسجيل في المنتدى أو التعريف بنفسك لمعاينة هذه الصورة]
