كنز الحب فى الله 22

حديث النهاردة ياجماعة..قال رسول الله صلى الله عليه وسلم :قال الله:اين المتحابون فى جلالى اليوم اظلهم فى ظلى يوم لاظل الا ظلى .....

ربنا بينده على المتحابين فيه عشان ايه ؟عشان يظلهم فى ظله ظل العرش ياااااااه احنا ياجماعة فى الدنيا مش متحملين حر الشمس وهى بعيد مئات الكيلوهات طب امال فى الاخرة وهى قريبة مننا على بعد شبر بس هنعمل ايه اكيد كلنا محتاجين لظل الرحمن يا جماعة ...ياجماعة عاوزين نعامل ربنا يعنى مثلا لايمكن ناخد موقف من حد عشان تصرف فى حقنا لكن ناخد موقف لما نحس انه هيبعد عن ربنا موقف حب ومساعدة عشان يقرب من ربنا ليه؟؟لاننا بنعامل ربنا ..ياجماعة الدنيا دى سيبكو منها بقه احنا محتاجين الحب فى الله عشان يكون نجاة لينا ..لو بتحب حد فى الله وقريب لله حتحشر معاه يوم القيامة..احنا كلنا بنحب النبى فى الله لانه طبعا بيفكرنا بربنا يبقى حنحشر معاه ان شاء الله..قال صلى الله عليه وسلم:لن تدخلوا الجنة حتى تؤمنوا ولن تؤمنوا حتى تحابوا اولا ادلكم على شىء اذا فعلتموه تحاببتم ؟افشوا السلام بينكم...المتحابون فى الله على منابر من نور يوم القيامة ودى اعلى درجة

يلا نحب بعض فى الله يا جماعة كلنا نعامل ربنا بغض النظر عن الشخصية ..ياجماعة ابو بكر دافع عن الرسول حتى تورم وجهه كله حتى ملامحة معدتش ظاهرة ياترى كل ده ليه ؟لا وبيقول لاعليك يا رسول الله انها عينى ياااااااااااااه ايه ده ياجماعة ايه اللى يخليه يتبهدل عشان النبى كده ولا ياكل حتى يطمان عليه ..طبعا لانه بيحب النبى فى الله حب جميل حب تضحية ....ها يا جماعة حبينا بعض فى الله ولا لسه عاوزين نشوف ربنا فى كل تصرفاتنا وتعاملنا مع الناس عشان نكون ممن يظلهم الله فى ظله ان شاء الله ......وصلى اللهم وسلم وبارك على امام المحبين وعلى اله وصحبه وسلم...