عاوزه تكونى اجمل بنوته على وجه الارض لو عاوزه ادخلى؟

النهاردة الموضوع بناتي خااااااااااااااااالص[ندعوك للتسجيل في المنتدى أو التعريف بنفسك لمعاينة هذه الصورة]


لو اي بنت عايزة تبقى جميلة وحلوة وكل الاولاد يموتو عليها .... تتبع الاتي :
note: الكلام ده مجرب يعني مش هيأثر اي تأثيرات جانبية وبضمان مدى الحياة كمان ..يااااالاه خليها عليا

بصي يا بنوتة:
1- لازم تكوني دايما مبتسمة وقلبك مليان حب وعشق للحياة

2- اوعي تحقدي على زميلتك..علشان هي اجمل او شاطرة او اتخطبت قبليكي..عارفة ليه؟؟
عشان عمرك ما حتققكي اي حاجة بالحقد
غير انه هيسبب لك تجاعيد وبهتان في البشرة والقلب الاسود والرئة المدخنة
وقبل كل ده غضب ربنا سبحانه وتعالي

3- الثقة في النفس...الثقة في النفس....عارفة لو انتي واثقة في نفسك ثقة نابعة من اعماقك
اقسم بالله لتكون حياتك كلها سعادة بدون حبيب وبدون اصدقاء وحتى في وجود الغايرين عليكي (يعني اللي بيحقدوا عليكي)

4- لما واحدة صاحبتك كده على الماشي تقولك ايه الارف اللي بتعميليه ده..زوقك بيئة...انتي
ساكنة فين...انتي مش عارفة ان ده خلاص مبقاش موضة......... ردي عليها
بابتسامة جميلة تبين جمالك اكتر وقولي لها : والله؟؟ وهو المطلوب إثباته
في عيونك يا حبيبتي.... واضحكي وامشي وسيبيها...هههههههه

5- لما ولد بقى(وده طبعا الكلام المهم ليكو عارفة انتو بتقروا دلوقتي السطر ده بدقة) يا ستي بقى لما الولد يبص لك وعيونه عليكي هتطلع....اعملي انك مش واخدة بالك...والله يا اولاد مش تقل عارفة انكو هتقوا داء عندهم
بس انا يا بنات بقول لكم كده عشان لازم الولد يكون راجل يعني لما يعجب ببنت يروح ويقولها : انا عايز اقابل والدك

6- طبعا مش عاجبكم الكلام ده....بس
هو ده الصح وهو ده العقل وهو ده اللي ربنا بيقولنا عليه يا بنات ...احنا
لازم نصون كرامتنا يعني انهاردة هيمشي معاكي لو ما جاريتهوش هيشوف
غيرك...هو احنا يابنات جواري؟؟؟

7-لازم تكون نفسك عفيفة عن الرجالة ...يعني اوي في يوم تميلي ميل غلط ....يعني متصاحبيش اي واحد غير لما اهلك يكونوا عارفينه...صدقيني هتفرق معاكي اوي

8- اخيرا والاهم....انك يا اختي العزيزة تكوني ذكية ...الراجل بيحب المرأة الذكية...اخطفي الاضواء من حولك..فتحي عقلك ومتبقيش بروطة(هههه)...يعني اتكلمي وناقشي في المحاضرات وفي الكورس وفي الزيارات
اوعي تكون ساكتة كده زي البروطة....
بس للاسف الرجال الشرقيون بيحبوكي ذكية واجتماعية ومحاورة ومجادلة مع الناس بس لكن معاه..... هيقلب سي السيد...مش مشكلة اهو سي السيد برضوه كان راااااااااااااجل مش زي دلوقتي كلهم قلبو (لوسي اللي كان في اشاعة حب هههههههه)

ياااالاه مش هتقل عليكم يا حلوين بس اهم حاجة ي اخواتي العزيزات تكونن واثقات من انفسكن ثقة جااااااااااااااااامدة يعني ..ماشي.... باااااااااااااااااااااااااااااااااااي والى اللقاء في موضوع جديد وابقوا قولولي النتايج
سلااااااااااااااااااااااااااااااااااااااااااام

[ندعوك للتسجيل في المنتدى أو التعريف بنفسك لمعاينة هذه الصورة]