من طرف بدأت
نسايم الصيف تهل علينا.. واحنا في قمر 14 قررنا رفع درجة حرارة الجو..
وهنقدم لكم موضوعات تتناسب مع هذه الحرارة !! أزياء وإكسسوار وماكياج
وماسكات... بجد انتظروا مفاجآت على بص وطل لكل البنات..
ونبدأ معاكم بموضة أزياء صيف 2007 للمحجبات مع
مصممة بيت أزياء "رهف وكنزي"، "نعيمه كامل" لتكون ضيفة عزيزة على قمر 14
وتكلمنا عن أحدث خطوط الموضة الصيف ده للمحجبات، وهتكلمنا كمان عن
الإكسسوار وحاجات تانية مفيدة كتير...
ازاي دخلتِ عالم الأزياء؟
بصراحة مجال دراستي بعيد تماما عن تصميم الأزياء... أنا خريجة آداب
فرنساوي لكن كان عندي هواية تصميم الأزياء والإكسسوار.. بدأت أحترف عالم
الملابس بعد نجاح عرض خاص لتصميماتي.. من وقتها بدأت الناس تعرفني من خلال
أصحابي وزوجات معارف زوجي الموزع الموسيقي "أحمد عادل" الذي وقف بجانبي
وشجعني كثيرا.. صحيح واجهني كثير من المصاعب في البداية وعانيت من سرقة
أفكاري، لكن الحمد لله حققت نجاحا وأتمنى أن أقدم كل شيء جميل للمحجبات.
[ندعوك للتسجيل في المنتدى أو التعريف بنفسك لمعاينة هذه الصورة]
هل تخصصتِ في ملابس المحجبات بعد ارتدائك الحجاب؟
ده صحيح إلى حد كبير وخاصة إني كنت قبل الحجاب مهتمة بنفسي جدا.. فعلا كان
نفسي أعمل حاجة تساعد المحجبات على الظهور بمظهر يليق بالإسلام لأن
المحجبة المحتشمة الأنيقة هي سفيرة لكل المسلمات.. تستطيع أن تنقل وتصحح
صورة المرأة المسلمة في أي مكان تتواجد فيه.
كان زمان ملابس المحجبات مشكلة وأزمة حقيقية.. قليل جدا المتخصص في
ملابس المحجبات والمتاح ذوقه وحش جدا وده كان سبب في تأخر الكثيرات في لبس
الحجاب أو مبرر لخلعه، لكن النهارده الصورة اختلفت وأصبح هناك بيوت أزياء
راقية جدا متخصصة قفط في ملابس المحجبات والإيشاربات بأشكالها المختلفة.
[ندعوك للتسجيل في المنتدى أو التعريف بنفسك لمعاينة هذه الصورة]
النهارده المحجبات بيلبسوا كل حاجة.. رأيك إيه!!
في رأيي المحجبات تلات أنواع.. محجبة ملتزمة جدا جدا تلبس العباية
والإسدال، ومحجبة مجرد لابسة إيشارب على شعرها فقط، وبتلبس ضيق جدا
وباديهات بتفصل شكل جسمها.. ومحجبة في النص محتشمة بس على الموضة...
المحجبة دي هي محور اهتمامي في المقام الأول.. باحاول أخليها أنيقة جدا
وعلى قد ما أقدر تكون محتشمة وملتزمة.
[ندعوك للتسجيل في المنتدى أو التعريف بنفسك لمعاينة هذه الصورة]
إيه مصدرك في تتبع الموضة وأهم المصاعب التي تواجهك في تصميم ملابس المحجبات؟
أتابع الموضة في كل مكان على قدر ما أستطيع وأحاول الاطلاع على كل جديد في
عواصم الموضة والأزياء.. المشكلة الكبرى أمام مصمم الأزياء الجسم
الممتلئ... البنت المليانة واللي لازم تلبس على الموضة!! وهو التحدي
الأكبر أمام المصمم الناجح.. نقل الموضة وتطويعها لتناسب بيئته وجمهوره.
[ندعوك للتسجيل في المنتدى أو التعريف بنفسك لمعاينة هذه الصورة]
ما جديد "نعمية كامل" لصيف 2007؟
"البنشو" –بلوزة من الشيفون أو الحرير على شكل فراشة يلبس تحتها بادي– وهو
يجمع بين الأناقة والاحتشام وقريب من فكرة العباية بس على مودرن.... الصيف
ده صيف الألوان والإكسسوار والإيشاربات الجميلة.. أنا هدفي إرضاء البنت
المصرية العادية البسيطة اللي ميزانيتها محدودة.. أحاول مساعدتها في
اختيار ملابسها وإكسسوارها بما يتناسب مع إمكانياتها.. المهم تبقى بنت
محجبة أنيقة ومحتشمة.
[ندعوك للتسجيل في المنتدى أو التعريف بنفسك لمعاينة هذه الصورة]
إيه القصات والخامات المستخدمة في الصيف السنة دي؟
الشيفون موضة جدا وهو متصدر الأقمشة وخاصة المكرمش المشجر والمنقوش
بألوانه وكمان جلد النمر "التيجر" بألوانه البني والأزرق وطبعا الفواتح
قوي والأبيضات... "البلاك أند وايت" كان موضة بين الفصول لكنها استمرت
للصيف.. الذهبي والفضي موضة جدا وبيدخل على شكل خطوط في الشيفونات كمان من
الألوان الموضة الفوشيا مع درجات الأزرق...
[ندعوك للتسجيل في المنتدى أو التعريف بنفسك لمعاينة هذه الصورة]
مستمر طبعا الأقطان والكتان ولكن أقل من الصيف الماضي.. أما بالنسبة
للقصات "التايبس" –الوسط الساقط- وبتتنفذ في الفساتين.. والموديل ده
بيناسب البنات جدا وشكله حلو وممكن البنت تلبسه مع البنطلون الجينز أو
الجيب.. من الحاجات الموضة الكروشيه وشكله على فكرة يبقى حلو في اللبس.
ازاي البنت المحجبة تختار جينز مناسب ويكون في نفس الوقت حشمة؟
مهم يكون بنطلون البنت المحجبة واسع شوية.. طبعا البنت القصيرة النحيفة
صعب تلبس واسع قوي، ممكن تختار بنطلون ضيق من فوق ونازل على واسع بسيط لكن
المليانة فتختار بنطلون تكون رجليه واسعة شوية، يعني يبقى قريب من
"الشارلستون".. النهارده فيه جينز مخصوص للمحجبات وسهل الحصول عليه.
[ندعوك للتسجيل في المنتدى أو التعريف بنفسك لمعاينة هذه الصورة]
وإيه أنسب موديل للبنت الممتلئة؟
مناسب لها جدا الجيبات والابتعاد عن الفواتح وتهتم بالألوان الغامقة
والموضة في نفس الوقت، زي البني في الأزرق أو في الأورنج، ولو هتلبس
بنطلون تتجنب تلبس عليه حاجة تخلي شكلها تخين.. ممكن تلبس "البنشو" لكن
غامق وفيه وردة حمراء أو أورنج أو فوشيا..
[ندعوك للتسجيل في المنتدى أو التعريف بنفسك لمعاينة هذه الصورة]
هل التطريز موضة زي الصيف الماضي؟
لا.. الصيف ده القماش وطبيعته هي الأساس والتطريز بيكون جزء من القماش..
الفساتين الكتان معتمدة على القصة والزراير.. استخدام الستان في تصميم
الفساتين والبلوزات موضة قوي وبيدي شكل جديد ومميز بدل التطريز.
[ندعوك للتسجيل في المنتدى أو التعريف بنفسك لمعاينة هذه الصورة]
وإيه الموضة في الإيشاربات؟
الإيشارب الشيفون موضة جدا.. والشيفون المكرمش.. وكمان الحراير الهندي.. التطريز أقل في الإيشاربات والبديل الكورشيه..
على فكرة أنا بانفذ الإيشاربات بنفسي عشان تبقى جزء من التصميم الأساسي سواء فستان أو بنشو..
[ندعوك للتسجيل في المنتدى أو التعريف بنفسك لمعاينة هذه الصورة]
وإيه الجديد في الإكسسوارات وخاصة للمحجبات؟
الإكسسوار قطعة مهمة جدا وبتغير من شكل اللبس وحتى لو عندك لبس قديم شوية
ممكن تجدديه بالإكسسوار.. من حبي في الإكسسوار بانفذ إكسسورات خاصة مع
تصميماتي.
أما بالنسبة للإكسسوار الموضة فهو العقد الطويل جدا والبنت تلفه أدوار على رقبتها.. النهارده ممكن العقد يوصل للركبة وموضة جدا...
نصيحتي للبنت النحيفة تلبس عقد بسيط لكن المليانة شوية تكبر الإكسسوار لأنه بيشتت الانتباه بعيدا عن جسمها الممتلئ..
[ندعوك للتسجيل في المنتدى أو التعريف بنفسك لمعاينة هذه الصورة]
من الخامات المستخدمة في عقود الكريستال والأحجار الملونة والخرز..
الاحزمة كمان موضة.. الإكسسورات الموضة الذهبي والفضي منها وكل فساتين
الصيف ده فيها مكان لوضع الحزام.. لكن بالطبع البنت المليانة لا يفضل أن
تلبس حزام..
نصيحتك للبنت المحجبة؟
نفسي
البنت المحجبة تكون مقتنعة إن لبسها للحجاب عشان ربنا بمعنى إنها تخلص
النية في هذا العمل عشان جمالها الداخلي ينعكس على وجهها.
من الحاجات اللي بتزعلني إني أشوف محجبة لابسة وحش أو ألوان مش لايقة على بعض..
