:::: فريق يلا :::: يلا بينا ::::

السلام عليكم ورحمة الله وبركانه

ازيكم يااحلى اعضاء

معليش هتقل عليكم شوية بس انا عندى فكرة ونفسى بجد انفذها

نفسى اعمل فريق ويبقى اسمه فريق يلا

الفريق دا فريق خيرى طبعا

اغلبنا من المنصورة او ضواحيها

يعنى شغلنا على المنصورة

يعنى نفسى ارتب فريق هيبقى لية اهداف مستقبلية كتيرة

بس فى البداية هدفه هو زيارة الايتام

والله الموضوع مش مكلف يعنى لو كل واحد فينا هيوفر 10 جنية فى الشهر

اعتقد مبلغ لا يذكر شوف ممكن تسعد بيه اطفال اد اية

وكمان حتى من غير فلوس مجرد انك تسأل عليهم ويبقى ليك هناك طفل مفضل

يبقى زى ابنك والله احساس جميل

وكمان دا مجرد مسحه الايد على رأس اليتم بتأخد بيها حسنات

ولازم نفهم ونسأل نفسنا لية هما كدا وايحنا الحمد لله وبفضل الله عندنا بيوتنا واهلينا واخواتنا

دا فى البداية

الهدف زيارات مش ايتام بس هيكون مرضى كمان فى مستشفيات

وبعدين ممكن نطور من الفريق وهيبقى لية اهداف كبيرة وعندى مليون هدف فى دماغى

بس دا مبدئيا

وبجد الدنيا مش بس مصالح شخصية

ربنا هيسألنا عن الناس دى وعملنا ليهم اية ؟

ياجماعة عاوزة بجد تشجيع ومشاركات

ومش هنخسر حاجة بالعكس هنكسب رضا ربنا

وكمان عندنا اوقات كتيرة بتضيع فى الفاضى نستغل منها ولو جزء صغير نرضى بيه ربنا

ونسعد قلوب مش لاقيه حد بيسعدها

بس احصل على موافقة منكم بنات واولاد هنترتب كل حاجة مع بعض

ويبقى لينا جزء فى المنتدى نكتب فى الانجازات ان شاء الله

وكلمه اخيرة

ياجماعة لو ربنا مقدر ان فى خير يوصل للناس دى سواء مرضى او ايتام لية ما نسالش نفسنا

لية ما نبقاش ايحنا اللى ربنا يستخدمنا عشان نوصل الخير دا ليهم ونفوز برحمة وغفران من ربنا ومرافقة الرسول صلى

الله عليه وسلم فى الجنة

(انا وكافل اليتم كهاتين فى الجنة واشار باصبعيه السبابة والوسطى )

ارجو الاهتمام وهنبقى فريق يلا

وكمان كل ما نعمل انجاز هنيجى هنا على المنتدى ونسجله

عشان ننشر الخير

ويبقى المنتدى مش ملتقى عقول وقراية وكلام وبس

هيبقى ايحنا اول منتدى نحول افكارنا وكلمنا الى فعل مادى ومعنوى

ارجو الاهتمام من كل الاعضاء

وشكـــــــــــــــــــــــــــــــــــــــــــــــــرا

دا انت حتى حاطط داعاء

اللهم لا تكلنى الى نفسى طرفه عين

لعل الله استجاب منك

ان شاء الله الكل يسمع

وينفذ

انا موافقه بجد فكره روعه ومعاكى فيها

وربنا يجازيكى كل خير يارب

وياريت تفاعل من كل الاعضاء وكلنا نشارك فيه

مش هنخسر حاجه لو عملنا كده ياريت بس نشوف بنضيع وقت أد ايه على النت والتليفزيون والنوم

انا معاكى يا قمر وربنا يقدرنا اننا نعمل ليهم حاجه

الأول أهلا بيكي بعد غياب يا نهى
كنا مفتقدينك جامد والله

وبالنسبه للفكره

فجامده جدا وجميله جدااااااااااااااااااااااااااااااااااا
وانا موافق ومعاكم ان شاء الله

وانا هعمل لتوصيل الفكره لكل أعضاء المنتدى

انا موافق واول واحد مستعد


حددو معاد فى اى مكان وانا مستعد ومعاكوا للنهايه

اولا ميرسى على التثبيت

وكمان تغير العنوان فريق يلا يلا بينا

العنوان كدا احلى ميرسى يامازوكا

وكمان ميرسى لبحلم بعنيك لان كمان لقتها كاتبة فى الشريط

عن التوبيك بتاعى

وميرسى للنجمة وكمان عمر

وهستنى شوية لما نجمع شوية كمان كل الترتيبات عليا

وهقولكم امتى وازاى واية البرنامج اللى هنعمله

ان شاء الله

بس طلب صغير عاوزة بجد نخلص العمل دا لربنا

وانا متاكدة ان ربنا هيبارك لينا فيه

وكمان هيرزقنا الخير فى حياتنا بشكل عام

يارب وشكرا ليكى يانهى لانك انسانه مخلصه ومجتهده


بجد بارك الله فيكى


وحلوه اوى روح الجماعه دى

شكررررررررررررررررررررررررررررررررررررررررررا ليكى كتير

ميرسى ياميدو

وربنا يقدرنا على فعل الخير

ميرسى ياعمر ليك وخلاص ان هنزل المنصورة


وهرتب الموضوع كله وهقولكم ايحنا هنعمل


اية

ميرسى ياميدو على الدعوه الحلوة دى

وربنا يقدرك

وميرسى يافارفورة

وان شاء الله انت اول المشاتركين اجبارى مش اختيارى

انا بس لغاية ما نترتب كل حاجة هنزل بعض الاحاديث عن الرسول صلى الله عليه وسلم

وهو اليتيم


1- وقد جاء في الخبر عن النبي (ص) قوله «خير بيت من المسلمين بيت فيه يتيم يحسن إليه ، وشر بيت من المسلمين بيت فيه يتيم يساء إليه » (1).

(1) ـ أخرجه ابن ماجة تحت رقم (3679).


2- فعن رسول الله (ص) أن عيسى بن مريم (عليه السلام) مر بقبر يعذب صاحبه ، ثم مر به من قابل ، فإذا هو ليس يعذب فقال : يا رب مررت بهذا القبر عام أول فكان صاحبه يعذب ، ثم مررت به العام ، فاذا هو ليس يعذب فأوحى الله عز وجل إليه : يا روح الله . . . أنه أدرك له ولد صالح ، فأصلح طريقاً ، وأوى يتيماً ، فغفرت له بما عمل إبنه(2).



3- وقد جاء عن سيدنا (على) قوله :
« إن أكل مال اليتيم يخلفه وبال ذلك في الدنيا ، والآخرة . أما في الدنيا : فان الله تعالى يقول : فليخش الذين لو تركوا من خلفهم ذرية ضعافاً خافوا عليهم فليتقوا الله . وأما في الآخرة فان الله عز وجل يقول : « إن الذين يأكلون أموال اليتامى ظلما إنما يأكلون في بطونهم ناراً وسيصلون سعيراً » (3).

وقال سيدنا على رضى الله عنه

الله الله في الأيتام فلا تغبوا أفواههم ولا يضيعوا بحضرتكم

ودى احاديث عيادة المريض

يقول عليه الصلاة والسلام: "حق المسلم على المسلم ست" قيل: وما هن يا رسول اللّه ؟ قال: " إذا لقيته فسلم عليه، وإذا دعاك فأجبه، وإذا استنصحك فانصح له، وإذا عطس فشمته، وإذا مرض فعده، وإذا مات فاتبعه". (رواه مسلم والترمذي والنسائي وابن ماجة عن أبي هريرة(

وقوله صلى الله عليه وسلم:ـ " فكوا العاني أي الأسير وأجيبوا الداعي، وأطعموا الجائع، وعودوا المريض ". (رواه أحمد والبخاري عن أبي موسى، كما في صحيح الجامع الصغير(

وقوله صلى الله عليه وسلم:ـ " من عـاد مريضًا ناداه منادٍ مـن السـماء: طبت وطاب ممشاك، وتبوأت من الجنة مـنزلاً " (رواه الترمذي وحسنه

وقوله صلى الله عليه وسلم:ـ " إن المسلم إذا عاد أخاه المسلم لم يزل في خرفة الجنة حتى يرجع". قيل: يا رسول اللّه، وما خرفة الجنة ؟ قال: " جناها " (رواه أحمد ومسلم واللفظ له). أي ما يخترف ويجتني من ثمرها.
وقوله صلى الله عليه وسلم:ـ
" إن الله عز وجل يقول يوم القيامة: يا بن آدم مرضتُ فلم تعدني ! قال: يا رب كيف أعودك وأنت رب العالمين ؟! قال: أما علمت أن عبدي فلانًا مرض فلم تعده، أما علمت أنك لو عدته لوجدتني عنده ". (رواه مسلم).

بجد اكتر حديث بيأثر فيا

ان ربنا عند المريض يابختة

بجد ربنا يشفينا ويعفينا من الامراض

اهداف الفريق المبدئية

1- ارضاء الله عز وجل كما جاء فى الاحاديث النبوية الشريفة المتقدمة

2- زيارة دور الايتام والمستشفيات بصفة منتظمة ومستمرة فى يوم محدد

3- المساعدة المادية والمعنوية على قدر المستطاع لهؤلاء الاطفال

4- تشجيع روح الجماعة والتعاون داخل المنتدى

5- التواصل الفكرى والعقلى بين الاعضاء وطرح كل ما هو جديد

6- كتابة تقارير دورية من قبل الاعضاء الذين سوف يزرون الدور والمستشفيات

عن حاله الاطفال والمشاكل والعوائق وكيفية حالها ومواجهتها وطرح المشاكل للمناقشة

7-محاوله تقديم حلول لهذه المشاكل

8- كتابة تقارير طبية عن حاله المرضى ونوعيه المرض واعراضة وكيفية الوقاية منه بشكل عام

هذه اهداف مبدئية

وياريت اللى عنده افكار تانية يضفها فى التوبيك وكمان ان شاء الله تنضاف للاهداف

واللهم ارزقنا الاخلاص فى الاقوال والاعمال

أمممممممممممممممممم






اهداف واضحه وصريحه ومهمه فى نفس ذات الوقت











وكمان فرصه نتعرف اكتر واكتر

بجد شكرا يابرنسية ليكى ودعواتك الحلوة وانتى فى العمرة

وشكرا كمان لعمر

وكمان لمروان وكفاية التشجيع علينا

وميدو كمان

وشكرا على تشجيك لينا ياعصفورة

وان شاء الله يبقى فى انجازان وتبعيها كلها

وبالنسبة للترتبيات والله ياجماهة

هنزل المنصورة مخصوص ارتب كل حاجة ان شاء الله قبل ما الاسبوع دا يخلص

وطبعا هقولكم على كل حاجة

وربنا يوفق