من طرف سفـــ الاحزان ـــيره الأربعاء سبتمبر 30, 2009 6:23 pm[ندعوك للتسجيل في المنتدى أو التعريف بنفسك لمعاينة هذه الصورة]
اصدقاء الخير جمعيه خيريه فى بدايه الطريق
أهداف الجمعية :
زيارة مستشفي سرطان الأطفال يوم 14 فبراير وإختيارها هيكون ليه فوايد كتير جدا
أولا : زي ما قولت قبل كده إنها هتكون بدايتنا .
ثانيا : هتخلينا نقعد مع بعض بعد ما نخلص الجولة بتاعتنا ولو نص ساعه فى جنينة المستشفى ونفكر ونتفق مع بعض فى اللى جاي .
ثالثا : زيارة المستشفي التجهيز ليها سهل جدا لكن هتدينا دفعة معنوية كبيرة جدا جدا جدا في اللى جاي لإننا لغايه دلوقتي بنتمنى حاجه وعايزين نقرب منها لكن لما ده يحصل بجد هنشوف حقيقه تخلينا نفكر ألف مرة فى حياتنا كلها .
1- تحديد زيارة ( مرتين في السنه ) بشكل مبدئي للمستشفي .
2- محاولة مساعدة أكبر عدد نقدر عليه من الناس المحتاجه فى توفير إحتياجات رمضان .
3- محاولة مساعدة أكبر عدد نقدر عليه من الناس المحتاجه فى توفير إحتياجات عيد الفطر وعيد الأضحى والسنة الدراسية الجديدة وده هيكون بأشكال كتير منهم اننا نجمع الحاجات اللى احنا مش محتاجينها من هدوم وشنط قديمة وحاجات لو بصينالها كويس هنلاقي ان غيرنا مش لاقيها ومحتاجها .
4- دمج موضوع العضوة ( النور ) بخصوص أطفال الشوارع اللى عرضته عليكم من شهر تقريبا مع تغيير بسيط هي وافقت عليه لصعوبة اننا نوفرلهم مكان بسبب دواعي أمنية وبسبب ان متوسط أعمارنا مابين 18 و23 وده هيكون صعب علينا دلوقتي .
احنا هنعمل حاجه مختلفة
كلنا تقريبا كل يوم بنقابل منهم كتير ومنهم اللى بيعرض علينا ورد ومنهم اللى بيعرض علينا مناديل وردنا عليهم ( الله يسهلك ) ( شكرا يا حبيبي ) وأوقات بنزعقلهم
خلينا ننسى الموضوع ده
احنا نفتحلهم قلبنا ونتكلم معاهم ولو 5 دقايق وما تنسوش انهم أطفال يعني الهدوء والحنيه هتخليهم ينسوا حياتهم اللى عايشينها ويتجاوبوا معانا ، 5 دقايق نسألهم ( اسمك ايه عندك كام سنه ، أهلك فين ، عايز تتعلم وتبقى حد جميل زي الاطفال الحلوة اللى بتتعلم ولا عايز تفضل كده ، طب انا عندي ليك مكان يعلمك وياخد باله منك لو معندكش أهل ولو عندك أهل هناخد بالنا منك وانت عندهم )
أكيد من بين كل 10 إن شاء الله على الاقل ربنا هيهدي واحد منهم على ايد حد فينا .
في الوقت نفسه يا ريت يا ( ريم ) او أي حد يقدر يسأل في دار رسالة اذا كانوا بيقبلوا أطفال شوارع ولا لأ علشان نكون على تواصل معاهم ولو مش بيقبلوا ندور على مكان تاني وتالت ونبقى وسط بين الطفل وبين الدار
مع العلم لو ان شاء الله قدرنا وأقنعنا حد فيهم هنعين ناس مننا يزوره فى مكانه سواء فى بيته او فى الدار ولو مرة فى الاسبوع علشان نتابعه وعلشان كمان يحس بينا ويعرف اننا بجد عايزنه يبقى حاجه كبيرة .
5- التواصل مع اي دار أيتام والاهم طبعا هي أى دار ايتام مصادر دخلها ضعيفه ونحاول على قد ما نقدر إننا نقف معاهم ونساعدهم .
6- التواصل مع الأعضاء اللى فى محافظات خارج القاهرة عن طريق المعلومات اللى هيقدروا يجبوهالنا عن اى حد محتاج مساعدة ونوعها ايه ونتناقش مع بعض ازاى نقدر ننفذ ده .
المهام المكلف بها الأعضاء
وده هيكون على مرحلتين
المرحلة الأولى من وقتنا ده لغايه يوم 14 فبراير :
طبعا صعب ان اوزع مهمات على الناس من دلوقتي لإن انا لسه مش عارف بصورة أكيدة مين اللى معايا ، وإحنا ان شاء الله يوم 1 فبراير هنعمل موضوع إن اللى خلاص بإذن الله هييجي معانا أكيد يكتب إسمه وهنفتح الموضوع ده لمده 5 أيام لغايه ما نحصر كل الناس اللى هتكون معانا
ولما ال5 ايام يعدوا ( دعاء ) هتجمع كل الناس مع كتابه كل واحد ومحافظته ونبدأ نشوف الناس اللى هتيجي من اسكندرية مثلا مين هيقابلهم من القاهرة وهكذا .
وإن شاء الله مش هنسيب فرصة لأى غلطه انها هتحصل ما تقلقوش قبل اليوم ما ييجي بحوالى 10 ايام هتلاقوا جدول الجولة محطوط بالدقيقة .
( ريهام ) مسؤولة عن الترويج للجمعية في الفيس بوك
وكلنا مسؤولين عن الترويج في حياتنا بين اهلنا واصحابنا محدش يعتمد على ريهام لوحدها
في 4 مننا هنختارهم لتغطيه اللى حصل طول الجولة من اول دقيقة لأخر دقيقه في المستشفي و ممكن ( هبه هلال ) من دلوقتي تبدأ تجهز اسئلة علشان نطرحها ان شاء الله على الأطفال وعلى الدكاترة و حتى أفراد الأمن .
وفي مجموعة غيرهم لما نرجع ان شاء الله ونجمع كل تفاصيل الجولة هيعرضوها هنا بإسلوب كويس وهيروجوا ليها فى الفيس بوك وفى اى منتديات منتديات تانيه وعايزنها بشكل مختلف
إحنا مش عايزين من ورا ده عددنا يزيد قد ما عايزين اننا نخلي الناس تعمل زي ما احنا بنعمل ونبقى 1000 جمعية .
وأنا ان شاء الله كل إسبوع وبدأت من إمبارح هعمل موضوع أجمع فيه معلومات عن مين اللى احنا هنروحلهم ونكون معاهم ، في مثل بيقول إعرف عدوك ، فما بالك دول أحبابنا وأهلنا وإخواتها .
بدأت إمبارح بموضوع مستشفى سرطان الاطفالوالاسابيع الجايه ان شاء الله هتكون مواضيع عن دار الايتام في مصر وعن أطفال الشوارع وعن كل حاجه وكل حد هنحاول نساعده .
ملحوظة هـــــــــــــــــــامة جدا :
1- اللى عنده تعليق اللى عنده فكرة اللى عنده اقتراح يتكلم معايا يقولى ده ينفع ده ما ينفعش كذا كذا اتكلموا قولوا اللى جواكوا واللى عايز يستفسر عن اى حاجه انا تحت امره .
2 - المرحلة فيما بعد 14 فبراير دي هنبدأها وإحنا مع بعض يوم المستفش وهنتكلم مع بعض
وهنحدد مين هيقدر يكون معايا بشكل ثابت ولو مرة فى الاسبوع .
وهنحدد مين اللى هيكون معانا في المناسبات زي دخول رمضان والاعياد والسنه الدراسيه .
وهنحدد مين اللى مش هيكون معانا بتواجد مستمر بس هيكون على اتصال بينا من محافظته حتى لو من القاهرة .
كل ده واحنا مع بعض ان شاء الله .
نقلا عن الجروب الخاص بالجمعيه
[ندعوك للتسجيل في المنتدى أو التعريف بنفسك لمعاينة هذا الرابط]
كلمات كتابها صاحب فكره انشاء الجمعيه
وبتعبر عنا وبتغنى عن اى كلام ممكن نقوله
ـــــــــــــــــــــــــــــــــــــــــــــــــــــــــ
مين بيحب يساعد حد ماددله بجد ايديه
مين هيقول نتواعد نمحي الحزن ونقضى عليه
مين راح يرسم بسمه على اللى يأسه بيقضي عليه
مين بيقول يا رب قدرني علشان أرضيه
ايدنا في إيد إخواتنا نسعد طفل يتيم ووحيد
يلا بجد نزوره نبني أمل وعزيمة حديد
ونخليه ما يحسش انه شموعه مش هتقيد
والمستقبل يبقى مليان فرحه وحب جديد
لو يوم واحد طول الشهر مدينا إيدينا بالخير
لازم ييجي علينا اليوم مش هنلاقي ما بنا فقير
سبحانه الرحمن بعباده هيكون راضي علينا كتير
لما يلاقي ما بنا موده ومافيش فرق مابنا كبير
لسه مجرد حلم ما بنا واقف بس عليك
تنوي تحقق اللى وعدته وأنا هتمسك بيك
مش راح اسيبك لحظة ما دام شايف خير في عنيك
جاي ومعايا كل إخواتنا بنقولك مد إيديك
ـــــــــــــــــــــــــــــــــــــــــــــــــــــــــــــــــــــ
اللى عايز ينضم الينا ويكون عضو فعال ويشاركنا فعلا
احنا فى انتظاركم وفى انتظار ارائكم واقتراحاتكم على الجروب الخاص بينا
اصدقاء الخير جمعيه خيريه فى بدايه الطريق
أهداف الجمعية :
زيارة مستشفي سرطان الأطفال يوم 14 فبراير وإختيارها هيكون ليه فوايد كتير جدا
أولا : زي ما قولت قبل كده إنها هتكون بدايتنا .
ثانيا : هتخلينا نقعد مع بعض بعد ما نخلص الجولة بتاعتنا ولو نص ساعه فى جنينة المستشفى ونفكر ونتفق مع بعض فى اللى جاي .
ثالثا : زيارة المستشفي التجهيز ليها سهل جدا لكن هتدينا دفعة معنوية كبيرة جدا جدا جدا في اللى جاي لإننا لغايه دلوقتي بنتمنى حاجه وعايزين نقرب منها لكن لما ده يحصل بجد هنشوف حقيقه تخلينا نفكر ألف مرة فى حياتنا كلها .
1- تحديد زيارة ( مرتين في السنه ) بشكل مبدئي للمستشفي .
2- محاولة مساعدة أكبر عدد نقدر عليه من الناس المحتاجه فى توفير إحتياجات رمضان .
3- محاولة مساعدة أكبر عدد نقدر عليه من الناس المحتاجه فى توفير إحتياجات عيد الفطر وعيد الأضحى والسنة الدراسية الجديدة وده هيكون بأشكال كتير منهم اننا نجمع الحاجات اللى احنا مش محتاجينها من هدوم وشنط قديمة وحاجات لو بصينالها كويس هنلاقي ان غيرنا مش لاقيها ومحتاجها .
4- دمج موضوع العضوة ( النور ) بخصوص أطفال الشوارع اللى عرضته عليكم من شهر تقريبا مع تغيير بسيط هي وافقت عليه لصعوبة اننا نوفرلهم مكان بسبب دواعي أمنية وبسبب ان متوسط أعمارنا مابين 18 و23 وده هيكون صعب علينا دلوقتي .
احنا هنعمل حاجه مختلفة
كلنا تقريبا كل يوم بنقابل منهم كتير ومنهم اللى بيعرض علينا ورد ومنهم اللى بيعرض علينا مناديل وردنا عليهم ( الله يسهلك ) ( شكرا يا حبيبي ) وأوقات بنزعقلهم
خلينا ننسى الموضوع ده
احنا نفتحلهم قلبنا ونتكلم معاهم ولو 5 دقايق وما تنسوش انهم أطفال يعني الهدوء والحنيه هتخليهم ينسوا حياتهم اللى عايشينها ويتجاوبوا معانا ، 5 دقايق نسألهم ( اسمك ايه عندك كام سنه ، أهلك فين ، عايز تتعلم وتبقى حد جميل زي الاطفال الحلوة اللى بتتعلم ولا عايز تفضل كده ، طب انا عندي ليك مكان يعلمك وياخد باله منك لو معندكش أهل ولو عندك أهل هناخد بالنا منك وانت عندهم )
أكيد من بين كل 10 إن شاء الله على الاقل ربنا هيهدي واحد منهم على ايد حد فينا .
في الوقت نفسه يا ريت يا ( ريم ) او أي حد يقدر يسأل في دار رسالة اذا كانوا بيقبلوا أطفال شوارع ولا لأ علشان نكون على تواصل معاهم ولو مش بيقبلوا ندور على مكان تاني وتالت ونبقى وسط بين الطفل وبين الدار
مع العلم لو ان شاء الله قدرنا وأقنعنا حد فيهم هنعين ناس مننا يزوره فى مكانه سواء فى بيته او فى الدار ولو مرة فى الاسبوع علشان نتابعه وعلشان كمان يحس بينا ويعرف اننا بجد عايزنه يبقى حاجه كبيرة .
5- التواصل مع اي دار أيتام والاهم طبعا هي أى دار ايتام مصادر دخلها ضعيفه ونحاول على قد ما نقدر إننا نقف معاهم ونساعدهم .
6- التواصل مع الأعضاء اللى فى محافظات خارج القاهرة عن طريق المعلومات اللى هيقدروا يجبوهالنا عن اى حد محتاج مساعدة ونوعها ايه ونتناقش مع بعض ازاى نقدر ننفذ ده .
المهام المكلف بها الأعضاء
وده هيكون على مرحلتين
المرحلة الأولى من وقتنا ده لغايه يوم 14 فبراير :
طبعا صعب ان اوزع مهمات على الناس من دلوقتي لإن انا لسه مش عارف بصورة أكيدة مين اللى معايا ، وإحنا ان شاء الله يوم 1 فبراير هنعمل موضوع إن اللى خلاص بإذن الله هييجي معانا أكيد يكتب إسمه وهنفتح الموضوع ده لمده 5 أيام لغايه ما نحصر كل الناس اللى هتكون معانا
ولما ال5 ايام يعدوا ( دعاء ) هتجمع كل الناس مع كتابه كل واحد ومحافظته ونبدأ نشوف الناس اللى هتيجي من اسكندرية مثلا مين هيقابلهم من القاهرة وهكذا .
وإن شاء الله مش هنسيب فرصة لأى غلطه انها هتحصل ما تقلقوش قبل اليوم ما ييجي بحوالى 10 ايام هتلاقوا جدول الجولة محطوط بالدقيقة .
( ريهام ) مسؤولة عن الترويج للجمعية في الفيس بوك
وكلنا مسؤولين عن الترويج في حياتنا بين اهلنا واصحابنا محدش يعتمد على ريهام لوحدها
في 4 مننا هنختارهم لتغطيه اللى حصل طول الجولة من اول دقيقة لأخر دقيقه في المستشفي و ممكن ( هبه هلال ) من دلوقتي تبدأ تجهز اسئلة علشان نطرحها ان شاء الله على الأطفال وعلى الدكاترة و حتى أفراد الأمن .
وفي مجموعة غيرهم لما نرجع ان شاء الله ونجمع كل تفاصيل الجولة هيعرضوها هنا بإسلوب كويس وهيروجوا ليها فى الفيس بوك وفى اى منتديات منتديات تانيه وعايزنها بشكل مختلف
إحنا مش عايزين من ورا ده عددنا يزيد قد ما عايزين اننا نخلي الناس تعمل زي ما احنا بنعمل ونبقى 1000 جمعية .
وأنا ان شاء الله كل إسبوع وبدأت من إمبارح هعمل موضوع أجمع فيه معلومات عن مين اللى احنا هنروحلهم ونكون معاهم ، في مثل بيقول إعرف عدوك ، فما بالك دول أحبابنا وأهلنا وإخواتها .
بدأت إمبارح بموضوع مستشفى سرطان الاطفالوالاسابيع الجايه ان شاء الله هتكون مواضيع عن دار الايتام في مصر وعن أطفال الشوارع وعن كل حاجه وكل حد هنحاول نساعده .
ملحوظة هـــــــــــــــــــامة جدا :
1- اللى عنده تعليق اللى عنده فكرة اللى عنده اقتراح يتكلم معايا يقولى ده ينفع ده ما ينفعش كذا كذا اتكلموا قولوا اللى جواكوا واللى عايز يستفسر عن اى حاجه انا تحت امره .
2 - المرحلة فيما بعد 14 فبراير دي هنبدأها وإحنا مع بعض يوم المستفش وهنتكلم مع بعض
وهنحدد مين هيقدر يكون معايا بشكل ثابت ولو مرة فى الاسبوع .
وهنحدد مين اللى هيكون معانا في المناسبات زي دخول رمضان والاعياد والسنه الدراسيه .
وهنحدد مين اللى مش هيكون معانا بتواجد مستمر بس هيكون على اتصال بينا من محافظته حتى لو من القاهرة .
كل ده واحنا مع بعض ان شاء الله .
نقلا عن الجروب الخاص بالجمعيه
[ندعوك للتسجيل في المنتدى أو التعريف بنفسك لمعاينة هذا الرابط]
كلمات كتابها صاحب فكره انشاء الجمعيه
وبتعبر عنا وبتغنى عن اى كلام ممكن نقوله
ـــــــــــــــــــــــــــــــــــــــــــــــــــــــــ
مين بيحب يساعد حد ماددله بجد ايديه
مين هيقول نتواعد نمحي الحزن ونقضى عليه
مين راح يرسم بسمه على اللى يأسه بيقضي عليه
مين بيقول يا رب قدرني علشان أرضيه
ايدنا في إيد إخواتنا نسعد طفل يتيم ووحيد
يلا بجد نزوره نبني أمل وعزيمة حديد
ونخليه ما يحسش انه شموعه مش هتقيد
والمستقبل يبقى مليان فرحه وحب جديد
لو يوم واحد طول الشهر مدينا إيدينا بالخير
لازم ييجي علينا اليوم مش هنلاقي ما بنا فقير
سبحانه الرحمن بعباده هيكون راضي علينا كتير
لما يلاقي ما بنا موده ومافيش فرق مابنا كبير
لسه مجرد حلم ما بنا واقف بس عليك
تنوي تحقق اللى وعدته وأنا هتمسك بيك
مش راح اسيبك لحظة ما دام شايف خير في عنيك
جاي ومعايا كل إخواتنا بنقولك مد إيديك
ـــــــــــــــــــــــــــــــــــــــــــــــــــــــــــــــــــــ
اللى عايز ينضم الينا ويكون عضو فعال ويشاركنا فعلا
احنا فى انتظاركم وفى انتظار ارائكم واقتراحاتكم على الجروب الخاص بينا
