من طرف [ندعوك للتسجيل في المنتدى أو التعريف بنفسك لمعاينة هذه الصورة]
حكايه البنت المسكينه مع العجوز الشرير اللئيمه
حكايه البنت المسكينه مع العجوز الشرير اللئيمه
بصوا يا بناتنا وانتو كمان يا شبابنا حكايتنا حكايه بتتكرر فحياتنا يمكن محدش قبل كده كتبها بس اهى دلوقتى قدامنا
حكايتنا لبنت عاديه عندت اهلها ومشت ورا كلام قلبها وحطت عقلها على اول رف جنبها
وازاى هى اتعلمت درسها بعد ما ضيعت عمرها ب
س بينى وبينكم من غير ما حد يقولها
هى رغم كل شىء كانت بتحبه من كل قلبها
نقول بقى الحكايه بس قبل ما نقول البدايه كل واحد فينا يمر عليها ويقراها يقولى رايه فيها بكل صراحه
نبتدى بقى الحكايه والعبره فى النهايه
كان ياما كان فى سالف العصر والاوان والزمان طبعا غير الزمان
كان فى بنت جميله عايشه فى بيتها وسط اخواتها وافراد اسرتها
كانت اختنا مبسوطه وسعيدة بعيشتها وبتحلم بس بمستقبلها وانها تكون حاجه كبيره وتحقق احلامها
كان كل اللى حوليها يحبها
واول ما يبصوا فعنيها يشهدوا بجمال سحرها
كانت بتحلم بكتير وكتير وكانت الاحلام بتتحقق بس بعد وقت كبيييييييييير
كانت الفرحه متغبش عن عنيها والدنيا الواسعه حضناها بايديها
واخيرا اتحقق حلمها ودخلت الكليه اللى ياما اتمنتها
بس يا ريتها ما كانت دخلتها ولا حتى عتبت بابها
راحت المسكينه كليتها وانتظمت فدرستها وكانت اشطر طالبتها
وهناك قابلت حب حياتها او اللى كانت فاكره انه حبيبها
انبهرت بيه صحبتنا ومن اول نظره حست انه فارس احلامها
وانه الامير اللى هيخدها ويلف بيها بلاد الدنيا ويجبها
حبته المسكينه ياعينى عليها من قبل حتى ما يسلم عليها
ومكنتش تعرف ايه اللى هيجرلها من حب اخينا ومن قدرها
المهم سبنا من المسكينه وخلينا فاخينا
اللى مصدق انه يلفت نظرها وبدء بلف شباكه ونصبها
قال ايه بيحبها وهو ولا عمره عرف الحب ولا حتى مال لها
وفضلت المسكينه فوهمها
لحد ما خلصت دراستها واستلمت شهادتها واتفقت مع اخينا انه يروح لبيتها ويتقدم لأهلها
وراح اخينا لحد بابها وطلب من ابوها ايدها
ورسمله حياه جميله هتعيشها بنته بعد جوازها
لكن ابوها كان حكيم وشاف الكدب فعنيه ورفض طلبه وطلبها
بس وافق رغم عنه بعد ما عرف ان بنته
مصممه عليه وانها ممكن تنهى بايديها حياتها لو رفض العريس اللى جلها
خاف عليها وقال يمكن اكون غلطان فحكمى
ويارب تكون حياتهم سعيده زى ما قال اخينا الغدار
وفضلت المسكينه صابره سنين وسنين على تحقيق حلم عمرها
وعلى ما حبيبها يجهز نفسه ويجيلها وهى ولا حاسه بعمرها اللى بيتسرق منها
واخيرا جه اخينا بعد ما جهز بيته وشقته وحددوا ميعاد فرحه ودخلته
واتجوزت المسكينه من اخينا ودى كانت بدايه النهايه لحلم عمرها
عاشت المسكينه فبيت اخينا طايره فسما حبها
وفرحانه بالبيت اللى بنته بصبرها
والكل كان بيشهد بزوقها ورقتها وكرمها الزايد بين اهله واهلها
الا العجوز اللئيمه كانت بتغيير منها وبتحقد على جمالها وحسنها
وعلى شهادتها اللى اعلى من شهادة بنتها
عاشت المسكينه مع اخينا ايام وشهور قليله وهى كانت كل عمرها
وجه وقت العجوز اللئيمه انها تتدخل فحياه المسكينه وتفرض عليها سيطرتها
وتتدخل فكل تفاصيل حياتها وتعكنن عليها بشرورها وخبثها
وكانت المسكينه بتحاول تحافظ على بيتها من نفوذ العجوز اللئيمه
لكن اخينا كان مسلم كل حاجه للئيمه وشال ايده من ايد المسكينه الحزينه
ويا عينى على البنت المسكينه اللى وقعت وسط شباك اخينا وامه العجوز اللئيمه
وهى مش قادرة حتى تقولها كفايه كده ارحمينا
وقررت المسكينه انها تاخد موقف ضد اخينا والعجوز اللئيمه
بعد ما حاولت معاهم كتير وكتير انها تنقذ بيتها من انيابها وغطرستها
ولما اخدت المسكينه موقف ورفضت اللى بيجرالها
نطق اخينا اخيرا ووقف لكنه قالها خلاص مش عوزينك فرقينا
ونسى كل تضحيات المسكينه وقتها وكل اللى عملته عشان حبها وتحقيق حلمها
وطلع اخينا خاين وغدار ابن لئيمه
لا يستحق فيوم حبها ولا مشاعرها وعمرها ولا كمان رقه قلبها ونبلها
ويا عينى على المسكينه اللى عاشت بعد تجربه اخينا دموعها بتكوى خدها
وآآآه بتقطع قلبها وعمر جرى مش محسوب منها
لكن المسكينة قررت انها تكمل لوحدها وتشوف كاتب ايه الزمان تانى لقلبها
واشوفكم على خير
مع الجزء التانى للقصة ان شاء الله
[ندعوك للتسجيل في المنتدى أو التعريف بنفسك لمعاينة هذه الصورة]
عدل سابقا من قبل Emy_H في الخميس أبريل 29, 2010 6:44 am عدل 2 مرات
