من طرف ازيكم يا اعسل اعضاء ف الدنيا
مرشوش عليهم شوية سكر
منقوعين ف العسل
متهيقلي جوعتكو مش كدة؟؟؟
انا النهار دة عايزة اتكلم في موضوع بقى منتشر اوي اليومين دول وهوا الحجاب الحديث!!!
انا لاحظت ظاهرة غريبة اوى.....ان البنات المحجبات يلبسوا من فوق طرحة و بتاع....و فى نفس الوقت يلبسوا بنطلون(سكني)و بدى (كارينا) واحيانا بيلبسوا برمودا ضيق وميكب كامل.........طيب الي انا اعرفه ان الحجاب سترة للبنت بحيس انها تحافظ على نفسها طيب ليه بيلبسوا كدة؟؟!!!!!!!!!!!
وحاجة تانية:
ان هما يكونوا مش محجبين اصلا و يتحجبوا فى رمضان و لما يخلص يخلعوا........(و فى ناس اصلا بيلبسوه اول 10 ايام من رمضان )
الموضوع ده بقى بيغيظني و يحرق دمي بشكل
تبقى البنت فعلا لافه طرحه على راسها و مكلفتاها و زي الفل و من تحت لابسه بادي و يمكن بطنها باينه كمان و لابسه بنطلون جينز ضيق ولا برمودا و حاطه 15 كيلو بودره و احمر و اخضر و متبرفنه بارفان يتشم من على بعد مييل و حاجه آخر مزاج زي صاحبتنا اللي في الصوره دي
[ندعوك للتسجيل في المنتدى أو التعريف بنفسك لمعاينة هذه الصورة]
طيب فين الحجاب بأه انا عايز افهم ؟!!!!!!!!!!!!!!!
ده اللي بيقولوا عليه حجاب عايز حجاب
و الله دلوقت افتكرت فيلم مرجان احمد مرجان لما شاف واحده محجبه بالشكل ده و قال:
دي من فوق مأنتمه مع محمود رئيس أسرة نور الحق الاسلاميه ... و من تحت مأنتمه مع عمرو دياب
و الله عنده حق فعلا , هي دي بتتحجب علشان تستر نفسها و لا بتتحجب علشان موضه لذيذه و تساير الجو و خلاص و لو زهقت منه ممكت تقلعه زي صاحبتنا دي
[ندعوك للتسجيل في المنتدى أو التعريف بنفسك لمعاينة هذه الصورة]
و لو هي مقتنعه فعلا بالحجاب شرعيته و فرضيته ليه بتقلعه في اي مناسبه عمال على بطال زي الافراح و الاعياد و مثلا لو رايحه تتصور !!!!!!!!
الغريب ان المناسبات دي بتبقى اكتر وقت هي بتتشاف فيه يعني اكتر وقت المفروض تحافظ على حجابها فيه مش تتخلى عنه أو ماتحافظش عليه !!!!!!!!!!!!!!!!!!!!!
[ندعوك للتسجيل في المنتدى أو التعريف بنفسك لمعاينة هذه الصورة]
و الأدهى و الأمرر بقى لما تلاقي واحده محجبه خدها الحماس و هاتك يا رقص في فرح واحده عزيزه عليها ولا حاجه ... يا سيدي بقى على منظرها كده و هي بتسئ لكل المحجبات و هي لابسه تحجيبه و بترقص !!!!! بالذمه مش منظر يجيب شلل رباعي ؟
[ندعوك للتسجيل في المنتدى أو التعريف بنفسك لمعاينة هذه الصورة]
ممكن تكون في بنت بتعمل كده و هي مش واخده بالها ان ده حرام او متساهله شويه مع نفسها و بتقول ماهو كله بيعمل كده .... بس ده غلط و لازم البنت دي تغير من نفسها و مش عيب ان الانسان يغلط عن جهل لكن العيب انه يفضل مستمر في الغلط ده بسبب عناد او تساهل
انا عايزة اقول للبنت اللي حجابها محتاج حجاب او اللي فاكره نفسها محجبه تتقي الله في نفسها و في كل عين شاب أو رجل نظرت لها برغبه هي اللي اوجدتها و اشعلتها و تتقي الله في ابوها اللي اذا كان مش عارف قدر مسئوليته تجاهها هي المفروض تعرف قدر مسئوليتها تجاه نفسها و انها لما بتحافظ على نفسها كويس يبقى بتحافظ عليه هو كمان و هتحافظ على زوجها في المستقبل
صدقيني يا اختي المحجبه بهذه الصوره ممكن تكون دي غفله منك او مسايره للتيار و انتي جواكي انسانه نقيه و نضيفه ... ياريت تراجعي نفسك و تخلي نقائك و طهرك دول داخلي و خارجي و تخلي مظهرك بنت مسلمه محجبه حجاب حقيقي تنال احترام اي عين تقع عليها
و صدقيني و الله لو انتي اتقيتي ربنا في حجابك و في نفسك ربنا هيرزقك بزوج محترم يحافظ عليكي و يعاملك بكل تقدير و احترام
لكن الزوج اللي يعجب بيكي علشان شافك بترقصي في فرح او عجبتيه و انتي ماشيه قدامه في الشارع لابسه بنطلون ضيق فطلعت في دماغه و جه خطبك و اتجوزك يبقى تأكدي انه عمره ما هيحافظ عليكي لأنه ببساطه زي ما انتي عجبتيه هتعجبه مليون واحده تانيه و هيبص لمليون واحده تانيه و الجمال مش بيدوم فلما تتقدمي في السن شويه و جمالك يقل ممكن يتغير من ناحيتك لأنه اصلا متجوزك علشان عجبتيه خارجيا بس و ممكن لو كانت جاتله فرصه يمشي معاكي و خلاص و ياخد اللي عايزه منك كان عمل كده
[ندعوك للتسجيل في المنتدى أو التعريف بنفسك لمعاينة هذه الصورة]
لكن لما يكون اللي جذبه ليكي احترامك و التزامك بدينك و حجابك و اخلاقك العاليه يبقى اكيد ده انسان بيفكر كويس و هيصونك
و ربنا يهدينا كلنا شباب و بنات
وفي النهاية :
احب اننا كلنا نتناقش في اللموضوع دة لانة فعلا بقى موضوع منتشر جدا
بعض الصور الكاريكاتير عن موضة الحجاب الجديدة:-
[ندعوك للتسجيل في المنتدى أو التعريف بنفسك لمعاينة هذه الصورة]
دول اكييييييييد معندهمش مرايا ف البيت
[ندعوك للتسجيل في المنتدى أو التعريف بنفسك لمعاينة هذه الصورة]
لا تعليق
[ندعوك للتسجيل في المنتدى أو التعريف بنفسك لمعاينة هذه الصورة]
ماهو خلااااص مبقاش في فرق بين دية وبين المحجبين دلوقتي(الا من رحم ربي)
[ندعوك للتسجيل في المنتدى أو التعريف بنفسك لمعاينة هذه الصورة]
ودة عن الموضوع اللي اتكلمت عليه (بس كويس والله انها كملت رمضان كلو مش العشرة الاولى بس)
ههههههههههههههه
بس صعب عليا الغلبان اللي قاعد ورا دة
[ندعوك للتسجيل في المنتدى أو التعريف بنفسك لمعاينة هذه الصورة]
ودول اللي الرسول قال عليهم (كاسمنة البخت المائلة)
ودول يوم القيامة هيتعلقو من شعرهم ان شاء الله
[ندعوك للتسجيل في المنتدى أو التعريف بنفسك لمعاينة هذه الصورة]
و معنى ان الصورة دي اجنبية يعني واحد غربي هوا اللي عملها قد يكون مسلم يعني يا ريت اللي بيعملو كدة يتعلمو بقى
[ندعوك للتسجيل في المنتدى أو التعريف بنفسك لمعاينة هذه الصورة]
اتفرجو ع االامهات الحديثة
[ندعوك للتسجيل في المنتدى أو التعريف بنفسك لمعاينة هذه الصورة]
ههههههههههههههههههههه
واتمنى ان الموضوع دة يعجبكم
مزي ما قلت من شوية ارجو انكم تتفاعلو معاه كلكم
طيب كدة هنروح الديسكو بكرة ع الساعة كام؟!) و طبعا بعيدا عن الموضوع دة كلو المهم لبيها و هيا محجبة او المفروض محجبة ،كانت لابسة لبس المش محجبة تلبس حاجة احسن من كدة ميت مرة و دول اللي الرسول صلى الله عله وسلم قال عليهم 
