من طرف السلام عليكم ورحمه الله وبركاته
اخوتى واخواتى
انا هبدأ معاكوا من البدايه من بدايه حلم صغنن حلمناه
بمكان يجمعنا كلنا
كنا زمايل كلنا ف مجال وكل واحد بيحب حاجه ونفسه ف حاجه
فجات الفكره من مازوكا اننا نعمل منتدى يجمعنا كلنا ونتلم فيه ونعبر فيه عن كل حاجه
كانت فكره بسيطه وزى اى منتدى من المنتديات المجانيه
اهو اى منتدى وخلاص يلمنا ونعيش فيه
بس بجد الحكايه لما بدأناها مبقتش مجرد منتدى مجانى يلمنا
لقينا ف المنتدى ناس اغراب عن بعض مش يعرفوا عن بعض حاجه بس اتولد بينهم حب واحترام وموده جميله اوى
بقى منتدى يلا لناس كتير وانا اولهم بيت بنعبر فيه عن كل حاجه
المنتدى دا بالنسبه ليا شفت فيه احسن ايام حياتى
واكتر مكان عبرت فيه عن مشاعرى وكتبت فيه اللى انا حاسه ونشرت بيه حبر قلمى
لدرجه كنا اوقات بنسيب دروسنا ومحاضراتنا علشان نتلم ونتابع موضوع معين
او لعبه معينه او حدث معين
فالحكايه بقت اكبر بكتير من بدايه صغيره لمنتدى مجانى
فكرنا وقلنا مش معقول الحب دا كله ممكن يجى عليه وقت ويتشال بكبسه زر او بتكه من ماوس
فكان لازم اننا نشترى لينا دومين ومساحه على النت
وفعلا لمينا من بعض فلوس واشترينا مساحه لينا على النت
وكمان مازوكا دخل ف مسابقات كتير على شركه احلى منتدى الشركه المضيفه
وقدرنا نلم ونكسب نقط اعتمادات كتيره قوى
قدرنا بيها نثبت نفسها على النت ونكبر من مجرد منتدى مجانى الى اننا بقى لينا وضعنا على ساحه المنتديات
وكمان قدرنا نشيل اعلانات الشركه المضيفه
ونوصل مع بعض للشكل المتميز اللى ظاهر بيه منتدى يلا دلوقتى
بس فيه مشكله كبيره اوى
ان نقاط اعتماداتنا دلوقت قليله اوى علشان نقدر نجدد الدومين دا
وف فتره اسبوعين من دلوقت الدومين دا هيتلغى وهنرجع لنقطه الصفر تانى
والمشكله كمان
ان انا ومازوكا وايمو وكل الادراه بتسافر ف كليات بره بلدها دلوقت
والحاله الماديه يدوب ماشيه
فمش هنقدر نلم المبلغ المطلوب كله ف الوقت القصير دا
هو الدومين هيحتاج اكتر من 150 جنيه هنشيل احنا منهم النسبه الاكبر على قد م نقدر
بس هنحتاج مساعده ولو بسيطه منكم
انا صعب عليا بجد انى اكتب التوبيك دا او انى اطلب من اى شخص كدا
بس بجد المنتدى دا بيمثل ليا حاجات كبيره اوى حلوه
وحلم جميل كبر بينا وكبر على ايدينا
وفعلا بيت رائع اتملينا فيه كلنا اسره واحده
فرجاء صغير منى اللى يقدر يساهم باى حاجه معانا ولو قليله اكيد هتفيدنا كتير اوى
كل اللى محتاجه منكم
هيبقى تحويل رصيد لرقم معين الرقم دا معايا و مع مازوكا
اللى يقدر ياريت يبعت ليا او لمازوكا ف رساله خاصه واحنا نعطيله الرقم دا
اى حاجه اكيد هتفرق كتير اوى معانا
علشان بجد مش نبدأ من الاول وجديد ويضيع كل تعبنا دا على الفاضى
" ولا يكلف الله نفسا الا وسعها "
انا اسف بجد احنا طول عمرنا شغالين ف صمت وبنعمل كدا وبندفع من جيبنا
علشان بنحب المنتدى دا بجد
بس بجد دلوقت الظروف خارجه عن كل واحد فينا
والله المستعان
