من طرف احنا مش بنحب ربنا
[ندعوك للتسجيل في المنتدى أو التعريف بنفسك لمعاينة هذه الصورة]
هتقولولى ازاى تقولى كده؟؟؟ [ندعوك للتسجيل في المنتدى أو التعريف بنفسك لمعاينة هذه الصورة]دى طبيعه فينا من
صغرنا وهى حب ربنا ( بابا وماما علمونا كده)كلمة
اتعلمناها
للاسف كتير قالوها بلسانهم بس القلب منطقهاش
اللى بيحب حد بجد بيحب يجيب سيرته دايما
امتى اخر مره اتكلمت مع صحابك عن ربنا؟؟
ياترا كلامك عن ربنا بياخد نفس وقت كلامك
عن احدث موضة وعن علاقتك بالجنس الاخر
ليه لما بتعمل معصية بتحاول تختفى عن عيون كل البشر
بالرغم من ان الرحمن يراك هو الذى لا ينام
ازاى بتحبه وانت مش بتستحى منه وبتعصيه
اللى بيحب حد بيسمع كلامه
بيطيعه .... مش بيزعله منه ..... بيعمله كل حاجه بيحبها
بيسيب الحاجات اللى مش بيحبها حبيبه عشان بتزعله منه
امتى اخر مره سبت حاجه بتحبها عشان خاطر ربنا نهى عنها
عايزين نحب ربنا بجد
بقلوبنا
ممكن نكون مش شايفنوه بعيونا
بس عايزين نخلى قلوبنا شايفه
الحب شىء جميل
والاحساس به ممكن يغيرلك حياتك
وخاصة حب الله
الحب ممكن يخليك تعمل المستحيل
ويغيرلك حياتك
لو حبيت ربنا بجد هتعمل كل حاجه هو بيحبها
هتحس بجمال ولذة العبادة ....
وعلى فكرة
انت اللى هتستنى الصلاة عشان تقابله
انت اللى هتتمنى تسمع قراءن عشان تسمع كلامه
هتذكره عشان يذكرك
هتكون عبادتك عبادة حب .......... ومش مجرد عبادة خوف من نار او عذاب
العبادة بالحب هتتمنى انها تستمر وعمرك ما هتزهق منها ....
عبادة الخوف لما تخلص
هتحمد ربنا انك خلصتها لمجرد انه واجب وحمل عليك وخلصته
حب الله
هيخليك تحب كل شىء يجى من عند الرحمن
عايزين نقول بقلب صادق
اللهم انى اسالك حبك وحب من يحبك وحب كل عمل يقربنى الى حبك
فهذا دعااااااء محمد صلى الله عليه وسلم
ودى قصة عن حب الله
كان هناك رجل يذكر الله كتيرا وكان فى انتظاره رجل اخر لطلب السؤال
فراه يذكر الله حتى صلاة الضحى ثم استمر حتى صلاة الظهر حتى العصر والمغرب
والعشاء
ثم حكى الرجل انه لما اقتربت صلاة الفجر فى اليوم الذى يليه غلبه النعاس
فنام لمدة دقائق
فاستيقظ الرجل وقال ( اعوذ بالله من عين نومه )
فهذه عباده انس بالله
تقدر تحب ربنا كده
تقدر تحب ذكر ربنا كده
ودلوقتى هنقول قصة تانيه
بس البطل هو انا وانت وانتى
عايزه تحب ربنا ؟؟
بص لنفسك وشوف قصة حياتك والنعم اللى ربنا وهبها ليك
واول نعمة هيا انه فضلك على ناس كتير
اختارك من بين ملايين الناس عشان تبقى مسلم
نقذك من عذاب النار
نقذك من الكفر
ربنا فعلا يستحق الحب
كل ما تشوف حد محتاج شىء وانت تملكه اعرف انه فضلك على ناس كتير
ولو جالك ابتلاء اعرف انه بيحبك وهبلك الابتلاء عشان بيحبك وعايز يخففلك
ذنوبك
وتذكر دائما عسى ان تكرهوا شيئا وهو خير لكم
فهو الرحيم الرحمن العفو الغفار البر التواب
اسماء الرحمن كلها حب وعطف
فان الله يعلم ما فى نفسنا ولا نعلم ما نفسه
قلوبنا هتتكشف قدام الرحمن ياترا هيكون جواها ايه
عايزين نحب ربنا بجد
لازم نحس هو عظيم قد ايه وعمل عشانا ايه
هنلاقى انه يستحق المحبة
فهو الهى و خالقى
يستحق حبى
واتمنى ان يحبنى مثلما احبه
فهذا شعارنا
حب الرحمن
ولا أنتوا ايه رايكوا ........؟؟؟؟
