عيشوا يا ناس

عيشوا يا ناس

اصحي الصبح روح علي شغلك وضميرك مرتاح
تتسرق في رغيف عيشك وفاكرلي نفسك سفـــاح
ماشي غريب في بلدك وان سألك حد تقول سواح

غني وارقص وصقف بايديك علي خيبتك
اتنطط وعيش واعمل راجل علي بنتـــــك
في البيت طخن صوتك عاللي رجـــــولتك

وفي الشارع امشي ذليل
كلب بديل

خاف من الظابط
ماهي بلد مالهاش رابط
ماتت رجالتها والباقي ألايط

روح علي الغلبان وقوله انت عارف انا مين
ولما تدور وشك تجري خايف من البلوكامين

اعمل راجل علي كنيسه ولا جامع وقول احنا الصادقين
بس خلي بالك حيجيلك ظابط حتقوله انا ماليش ولا دين

كلب جبان عامل انســان
لسان مقطوع مع الافيان
ما تشوفش نفسك اسد الا علي الغلبان

نسيتم ربنا
رب التوراه والانجيل والقران

ربنا في السما
مش في نجمه علي كتف
ولا رصاصه في طبنجه خايفه من نفسها

حتموت
ما تموت مش احسن ما تعيش هلفوت
اصحي يا نايم
اصحي ياللي في البطيخ عايم

ولا مستني لما يجــــــــــــــــولك
عصايا في شرفك يحطـــــــولك
ولا كلمه في عرضك يوصفولك

ولا تموت من الخوف
تموت بعارك ملفوف

ما انت اللي رضيت بالهم
وافقت تعيش معزه يا عم

وتعمل راجل في البيت
تجعر انا هنا انا جيت
كل دماغك فياجرا و...... وبكده تبقي اتهنيت

يا عم روح اتلــــــــم
دي العصيان بتتسن

ربك خسف الارض بلوط
كانوا رجاله جلد في جلد النهارده بقي خشب ايه رايك مبسوط

اجري روح ع البيت وجعر يمكن تحس بانك راجل

شوفلك واحد غلبــــــان
بشرط يكون عيــــــــان
يكون ميت لو بالامكان

ماهو ده مقامك
علشان تعرف تعيش ايامك

وتحس بجد بانك راجل
الله يلعنا ويلعن خوفنا اكتر من كده مش قايل

ايمو باشا ميغسى كتير لمرورك ي جميل

[ندعوك للتسجيل في المنتدى أو التعريف بنفسك لمعاينة هذا الرابط] احلى مرور من احلى ناس كانت غايبه عننا

المنتدى زاد نور برجوعك تانى