بتعيط ليه يابني ؟؟؟ ..معلش يا عمو اصل انا في ثانوي

بسم الله الرحمن الرحيم

ملحوظه : حاول متاخدش النوت بالشكل ويتبين لك انك عارف ايه الي مكتوب...وتعلق علي هذا الاساس....يا ريت تقراها الاول


انا كنت في ثانوي علي فكره.....وشهدت مساوء وحاجات منيله بنيله.....وعياط ..وتفاضل بردو ....وحاجات كتير كده

وناس تعيط...وكانت اكتر نسبه انتحار لطلبه..عشان امتحانات كزا كزا كزا


ولو سالت وقولت ليه يا جماعه بتعملوا في نفسكوا كده ......هيطلعلي واحد كده ..شعره اكرت ورافع حاجبه اليمين

ويقولي : الاخ جايب كام في ثانوي ؟؟؟

اقوله انا : كذا ...ليه

يقولي : لما تبقي تزاكر يا حبيبي وتعرف معني الشقي..ابقي تعالي اتكلم يا بابا

ويطبطب علي كتفي ويمشي

بعيدا عن ردة فعلي الي هعمله فيه...عشان بس منخرجش عن نطاق المقاله والاداب العامه


------------------------------

انا عارف وحاسس بالاهالي الي عندها ثانويه وبلاوي زرقه ..والناس الي
بتزاكر سته وعشرين ساعه في اليوم - متسألنيش ازاي - بس عايز اتنين تلاته
كده من الناس دي ......تفكر

او يحلل منطقيا الي هو بيعمله .......

1 - دراسه شتي انواع المناهج الغير متعلقه ببعضها

توضيح اكتر : انا بقعد احفظ في قوانين فيزيا ...وفي نفس الوقت ...بحفظ ابيات للمتنبي...والاتنين اجباريا

وفي نفس الوقت لازم متنساش حرف من الاتنين ...

2 - اعاني سنتين متواصلين من الكئابه العامه والنفخ الازدواجي ..عشان اعرف احفظ المناهج ...وشد خطين

او تلاته ..واربعين خط تحت " احفظ " المناهج

3 - تمويل اقتصادي ...يسد ديون مصر كلها ..ويغطي تكلفه البترول الخليجي ..فيما يدفع تحت مسمي " الدروس الخصوصيه "

4 - معاناه وكئابه اهليه ...عشان مستقبلك ....................

.............

...........

.......

اهو انا عايز اوصل ل " مستقبلك " دي ...

مستقبل ايه

طبعا ناس متوقعاني اقول : لااااااااا ومفيش شغلللللل والنااااااااس الي معاها شهااااااااااده ...والاناااااابيييييييب

وسواقين التكااااااااسي...وكنا عملنااااا اييييييه ...اتنيليييييييي ...لا يا حبيبتي احنا بنغسل باييييريااااال

لا خالص علي فكره

صحيح هو يتضمن بعض الشيء من هذا ..بس بعيدا عن الاريال عشان مش بيزيل البقع

بس هقولك حاجه

لما بشوف الاهالي ...والامهات الي بتبيع دهبها ...والاب الي بيشتغل شغلانتين

الي هوا بيبقي في هيئه موظف معاه بطيخه وجرنال......مبقاش حتي يجيب البطيخه والجرنال بيوفر تمنهم عشان الدروس

فكروا كده ....بعد ما يخلص ثانوي...ويخش جامعه.....و و و.....لو اشتغل مش هيجيب نفس الفلوس الي انتوا صرفتوها عليه


بلاش دي ......عشان كلام قديم ......خلينا في الجديد

ليه محسسني انها نهايه العالم ......ليه الناس بيجلها احباط وليه الطلبه بتنتحر عشان الثانويه

...........اقولك انا ليه

لإننا مش مدركين....ان الاحنا بنعملوا ده ممنوش فايده

واحد يقولي : ازاااااااااااااي والناااااااااس والكلييييييه ويبقي مهندس قد الدنيا

طب واحد عايز يبقي مهندس قد الدنيا.....ليه يحفظ ابيات المتنبي ؟؟

واحد تاني يقولي : متقوليش انا بقي كده قول للمنهج المصري

احرجني الصراحه معرفش ارد عليه

بس هقولك حاجه بسيطه خالص


في الصين او في اليابان او في امريكا ...مش فاكر الحقيقه بالتحديد بس واحده منهم

بيجبولهم العيل الصغير....بيقلوله....يابني نفسك تطلع ايه .....يقولهم " مهندس كمبيوتر "

يخلوه من وهو صغره .......يطلع اجدع مهندس كمبيوتر

بجانب .....بيعملوه حاجات حياتيه ......يحيي بيها .....زي الاخلاق والمش عارف ايه

ومثلا بعض الحقوق عشان يدافع عن حقوقه .......بس تركزه الاساسيه ...علي هندسه الكمبيوتر

او حاجات ينتفع بيها في حياته

مش يقعده يقلوله .......قول ورايا يا حبيبي : احمد يزرع شجره .........احمد يزرع شجره

ومش بيقلوله لما يكبر : والليل والخيل والبيداء تعرفني.......اذكر مواطن الجمال في كوريا الجنوبيه

او هو نفسه يخش هندسه .... فيجبوله ماده الجيوليجيا : وان الصخور الارضيه تختلف تماما عن الصخور القمريه


شخص ما بردو هيقولي : انا مالي انا بكل ده

هقوله اعرف ان الي انت بتغامر فيه ده ما هو الا تخلف.....ومش مستاهل ...الاحباط ده كله

تخلف ؟؟ ! اه تخلف ......المنهج المصري ده منهج متخلف.....أه وربنا زي ما بقولك كده !!!

بلاش دي يا عم

سبنا من المنهج خالص

يلا يا منهج يا وحش امشي

----------------------------------------------

ستيف جوبس ...

واحد كده : مين ستيف جوبس ده ؟؟

ستيف جوبس ده مؤسس شركه ابل .....الي هيا بطلعلك " الاي فون " " والاي باد " " والاي بود " " والاي - اي حاجه تانيه "

هو هو : ايوه ماله بقي بالمنهج المصري

ستيف جوبس ده خلص ثانويه .....بره طبعا مش ثانويتنيا......واتطرد من
الجامعه نظرا تقريبا انه معوش فلوس او انه كان فاشل فيها مش فاكر

المهم كان شغوف جدا ...بالميكروشبات بتاعت الكمبيوتر .....وكان في راجل كده في البيت الي جمبيهم

مهندس بيقعد يصنع في الحاجات دي

ف كان بيتعلم منه ......وواحده واحده اتعلم منه ازاي يصنع حاجات زي كده

وبعدين اشتغل في شركه " Atari " ودي بتختلف عن الاتاري الي كنا بنلعب عليه زمان

واتطرد منها بردو ...وراح الهند...ورجع عشان ميعرفش يعمل حاجه

وبعدين راح قعد يفكر ازاي يعمل اول اوبريتنج سيستم " الي هوا الماك "

الي هوا اقتبس منه بعد كده " الوندوز "

نفس الشخص : يا عم انا مالي بوجع الدماغ ده خلينا في الثانويه

اقوله استني بس خليك معايا

في نهايه الامر الراجل ده كون شركته .....واتطرد منها بعد عشر سنين ....ورجعلها تاني

واول بدله جابها - بنطلون و تشرت - ..وهو عنده اتنين وعشرين سنه ...........واول مرتب كان دولار في السنه

ودولقتي مرتبه 48 مليون دولار في السنه


الشخص ذاته : اييييوه ايه بقي علاقته بالثانويه

انا بقي اقولك........لو عندنا طالب مصري....واتطرد من الجامعه

كان هيقعد يقولك ...لاااااااااااا و بعد الثانوييييييااااااااااااااااااا وانا ضعت خلااااااااااااااص

او يقعد يفحت نفسه في الثانويه .....ويقولك عشان اخش الجااااااامعه ....عشان مستقبلييييي الرهييييييب العجييييييييب

صحيح ستيف جوبس ده بره اصلا مش هنا

بس لو جيت هنا ......هتلاقي ناس كتير ..ثانويتهم ضعيفه ..او مش الي هيا ومش مجموع الي هوا وعامل شغل زي الفل


ابراهيم الفقي مثلا ...مدرب ومحاضر عالمي ...وعنده سلسله فنادق .....الثانويه بتاعته كانت سياحه وفنادق

لو قلتها لواحد دلوقتي....يقولك ايه ده سياحه وفاندق..مش مستوايا ...ومناخيره فوق كده


ابراهيم الفقي راح اشتغل يغسل صحون في فندق...ودلوقتي هو رئيس مجلس اداره الفندق












الي انا عايز اوصله دلوقتي ......ان الثانويه دي مش نهايه العالم.......انت حطلك هدف...واسعاله .....حتي لو كان مستحيل.......

فلا يوجد مستحيل سوا مستحيل واحد وهو استحاله وجود المستحيل

مش الثانويه الي هتوقفك .......الي لو انت مش مؤمن في نفسك انك تقدر تكمل وتعملك حاجه


لو علي الفلوس......بتلاقي ناس كتير مقاولين - مع الاحترام الكامل ليهم - معاهم فلوس ومعهمش شهادات

لو علي العلم ......هتلاقي ناس كتير معاها علم ....ومعهاش فلوس - اخرهم
ناس بتوع مراكز نوييه ..بياخدوا سبعه جنيه في اليوم .....واحمد المسلماني
في الطبعه الاولي كان جايبهم.

خلي هدفك اسمي من كده........ويكون لك هدف تحققه .....


وفهم اهلك الحوار ده ......ويا اهالي متضغطوش علي ولادكم......

فكرو كده ..الي بتعملوه ده صح ولا غلط

مستاهله العياط واللطم والكئابه والحزن

والانتحار ولا لا

مش مستاهله تبيعه دهبكم عشان الواد ولا البت يخش كليه محترمه....لو شكليا بس مش هيعمل بيها حاجه

ولو هو عايزها فعلن..هيعرف يوصلها


كل الي انا قلته ده يختصر في جمله واحده


مش نهايه العالم






[ندعوك للتسجيل في المنتدى أو التعريف بنفسك لمعاينة هذه الصورة]



منقول
المقال بقلم
هشام عفيفي

[ندعوك للتسجيل في المنتدى أو التعريف بنفسك لمعاينة هذا الرابط] شكرا لمرورك الجميل جدا دا
الاهالى معذوره جدا لانهم غصب عنهم ف دوله نظامها كدا
دوله كلها ورق وزى م احمد أدم ف الرجل الابيض المتوسط كدا كان عامل
وكان ماشى بورقه كله وبيقول للضابط اصل الواحد ف البلد دى ملوش لازمه من غير الورق
فالاهالى هتعمل اى بس
بس برضه الثانويه مش نهايه الكون
وبدليل اكبر ان مش كل اللى بياخد كليات بيشتغل ف مجاله لان ظروف الحياه بتحكم
او كمان بيكون الشخص مش عرف ملامح شخصيته ايه او هو ناجح ف اى اكتر
والله المستعان


[ندعوك للتسجيل في المنتدى أو التعريف بنفسك لمعاينة هذا الرابط] احييكى على تفتحك ولغه حوارك
بس اقصد مثلا م الكلام دا
خدى عندك دلوقت ابسط مثال طلبه كليات الطب ف مصر
خلاص مبقاش لهم مكان وشهادته دى مش بتأكله عيش دلوقت
وفين وفين بقى اما يتخصص وياخد خبره علشان ياخد وضعه
وفين وفين اما يبقى له اسم
اللى اقصده ان مش لازم يكون معاك شهاده من كليه كذا وكليه كذا
بل بالعكس انت لو ثبت نفسك ف اى مجال كان
وبعدين كمان بلدنا مبقاش بياكل فيها جو الشهادات دا خالص
وعلى رأى عمو اللمبى اما قال الجنيه غلب الكارنيه

[ندعوك للتسجيل في المنتدى أو التعريف بنفسك لمعاينة هذا الرابط] ربنا معاكى ومعانا بس برضه اللى بيتعب ربنا بيجازيه خير
وانتى او انا او هو او هيا ملناش شغله دلوقت غير المذاكره
الاب والام بيعملوا كل حاجه علشان يوفروا لنا كل حاجه
والواجب بتاعنا دلوقت ان كل واحد يركز ف اللى قدامه

ربنا معاكى ي جميل والله المستعان


[ندعوك للتسجيل في المنتدى أو التعريف بنفسك لمعاينة هذا الرابط] ازيك ي واد ي عمر محدش شافك من زمن
ان شاء الله تكون الثانويه خير وبأذن الله بمجموع كويس
وبعدين انا او الكاتب مش بيقول الكلام دا
علشان ناخده شماعه نحط عليها تقصيرنا ف حق نفسنا
انما دا دافع لكل للى مش لاقى نفسه ف جو الصم والحفظ

ودافع لكل واحد دماغه شغاله يقدر يعمل حاجه
مش يحبط نفسه ويقول دى بلدنا كذا وانا فشلت خلاص
لاااااااااااا دا انت بتخلص الثانويه وانت عندك 16 17 سنه
يعنى لسه ف اول الطريق خااااااااااااااااااااااااااااااااااااااااااااااااااااااااااااااااااااااااااااااااااااااااااااااااالص

[ندعوك للتسجيل في المنتدى أو التعريف بنفسك لمعاينة هذا الرابط] اممممممممممم
قصدك اى بلييييييييييييييييييييييييييييييييييييييييييه كدا دى ؟؟


ربنا يوفقكوا جميعا لكل اللى تحبوه يارب
وتكونوا راضيين بقضاء ربنا وكل واحد يمسك ف حلمه وأمله
ويحاول ويحاول ويحاول لحد لما يموت

والله المستعان على ما تصفون