من طرف - بابا
- أيوه يا توتو .
- عندي بكره امتحان شفوي .
- طب يا ابني ربنا يوفقك .
- بابا
- عاوز إيه تاني يا إبني ؟
- أنا مش عارف أذاكر حاجة .
- وبعدين معاك يا توتو .. إنت ليه مبتذكرش من أول السنة ؟ ..... لازم كل سنة الإسطوانة دي ... يابني حرام عليك , مش كل يوم تخليني اتصل بدكتور أوصيه عليك في الامتحانات ....
- إهئ إهئ .... أنا أعمل ايه يعني؟.... أحضر محاضرات ولا أعد أذاكر ... وبعدين أنا آعد طول اليوم عالفيس ... هجيب وقت منين يعني ؟
- خلاص ياتوتو , بطل عياط بقي ...... أنا هكلملك الدكتور ..... إنت عندك دكتور مين بكره .
- دكتور صلاح .
ويتصل الأب بالدكتور ويوصيه على ابنه في الامتحان .
- خلاص ياتوتو أنا كلمتلك الدكتور صلاح , وهو قالي إنه هياخد باله منك بكره .
- بابا ..
- عاوز إيه تاني يا ابني
- أنا عندي يوم السبت امتحان شفوي للدكتور حسام .
- وبعدين معاك يا توتو .... إنت كده بتحرجني مع الدكاترة .
- إهئ إهئ ....
- خلاص يا توتو , هكلمهولك ..... بس باقي المواد بقى حاول تذاكرها .
- بابا .
- يووووووه ... عاوز إيه تاني ؟
- السنة إلي فاتت كنت طالع التاني عالدفعة , السنة دي نفسي أطلع الأول ... نفسي ..... أبوس إيدك يا بابا عاوز أطلع الأول , إن شاالله الاول مكرر ..... بليز ... بليييز .
- أعملك إيه طيب , والبت إلي بتطلع الاولى عندكو مبتبطلش دح .
- اتصرف يا بابا , كلم العميد يتصرف في البت منار دي .... أنا خلاص زهقت منها , كل سنة الأولى ... كل سنة الاولى ..... حاجة مقرفة ...... إهمدي سنة , إدي فرصة لزمايلك المتفوقين يطلعو من الأوائل .
- خلاص يا توتو , هكلملك العميد ..... وإهمد إنت بقى شوية .... مش كل شوية تخليني أكلم دكتور .
ومرت الشهور .......
يوم النتيجة , تقف منار أدام النتيجة وهي منهارة : إهئ إهئ ...... أنا ... أنا أطلع التانية ...... وكمان مين إلي يطلع الأول , الواد توتو ...... الواد توتو ابن الدكتور ميمي .... إهئ إهئ ...... ده ظلم , أنا لازم أشتكي للعميد .....
وتروح منار جري على مكتب العميد , وتشتكي ليه .
- يا دكتور أنا كنت عاوزة أشتكي لحضرتك .
- تشتكي من ايه يا بنتي ؟
- أنا كل سنة بطلع الأولى عالدفعة ..... لكن السنة دي طلعت التانية .
- طب ومالو يابنتي ..... خلي عندك روح رياضية .
- إهئ إهئ إهئ ...... أنا أنا .... مش قادرة أكمل .. إهئ إهئ
- وبعدين يا بنتي امسحي دموعك دي .... واتكلمي ... دي مش نهاية الدنيا .
- أنا شاكه إن فيه لعبة حصلت , عشان توتو يطلع الأول السنة دي .
- توتو ....... توتو مين ؟ ..
- توتو ابن الدكتور ميمي .
- ايه ده ..... هو توتو ابن الدكتور ميمي طلع الأول عالدفعة ..... ده طلع ولد شاطر ومتفوق .... وأنا إلي كنت بحسبه من العيال إلي ملهاش في المذاكرة .... ههههه ...... لأ وإيه أبوه يقولي توتو السنة دي مبيذكرش .... ههههه....... تصوري يا بنتي الواد توتو ده طالع لأبوه .... آه والله , أبوه كان معايا في المدرسة , وكان يفضل طول السنة يحلف إنه ميعرفش شكل الكتاب عامل إزاي .... وفي الآخر يطلع الأول عالفصل .... يخرب عقلك يا ميمي , كان عليه شوية حركات من الحركات بتاعة العيال الدحيحة ..... أكيد إنت عارفاها الحركات دي ههههه .
- يا دكتور حضرتك رحت في موضوع تاني خالص ..... أنا بقول لحضرتك إني اتظلمت .... والمفروض أجيب درجات اكتر من كده .
- يابنتي وليه تفرضي الفرض ده ..... إنت لازم تكون روحك رياضية أكتر من كده ... وبعدين لسه قدامك تلات سنين ..... إبقى اطلعي فيهم الاولى .
وتتكرر المأساة كل سنة ...... ولا حياة لمن تنادي
- أيوه يا توتو .
- عندي بكره امتحان شفوي .
- طب يا ابني ربنا يوفقك .
- بابا
- عاوز إيه تاني يا إبني ؟
- أنا مش عارف أذاكر حاجة .
- وبعدين معاك يا توتو .. إنت ليه مبتذكرش من أول السنة ؟ ..... لازم كل سنة الإسطوانة دي ... يابني حرام عليك , مش كل يوم تخليني اتصل بدكتور أوصيه عليك في الامتحانات ....
- إهئ إهئ .... أنا أعمل ايه يعني؟.... أحضر محاضرات ولا أعد أذاكر ... وبعدين أنا آعد طول اليوم عالفيس ... هجيب وقت منين يعني ؟
- خلاص ياتوتو , بطل عياط بقي ...... أنا هكلملك الدكتور ..... إنت عندك دكتور مين بكره .
- دكتور صلاح .
ويتصل الأب بالدكتور ويوصيه على ابنه في الامتحان .
- خلاص ياتوتو أنا كلمتلك الدكتور صلاح , وهو قالي إنه هياخد باله منك بكره .
- بابا ..
- عاوز إيه تاني يا ابني
- أنا عندي يوم السبت امتحان شفوي للدكتور حسام .
- وبعدين معاك يا توتو .... إنت كده بتحرجني مع الدكاترة .
- إهئ إهئ ....
- خلاص يا توتو , هكلمهولك ..... بس باقي المواد بقى حاول تذاكرها .
- بابا .
- يووووووه ... عاوز إيه تاني ؟
- السنة إلي فاتت كنت طالع التاني عالدفعة , السنة دي نفسي أطلع الأول ... نفسي ..... أبوس إيدك يا بابا عاوز أطلع الأول , إن شاالله الاول مكرر ..... بليز ... بليييز .
- أعملك إيه طيب , والبت إلي بتطلع الاولى عندكو مبتبطلش دح .
- اتصرف يا بابا , كلم العميد يتصرف في البت منار دي .... أنا خلاص زهقت منها , كل سنة الأولى ... كل سنة الاولى ..... حاجة مقرفة ...... إهمدي سنة , إدي فرصة لزمايلك المتفوقين يطلعو من الأوائل .
- خلاص يا توتو , هكلملك العميد ..... وإهمد إنت بقى شوية .... مش كل شوية تخليني أكلم دكتور .
ومرت الشهور .......
يوم النتيجة , تقف منار أدام النتيجة وهي منهارة : إهئ إهئ ...... أنا ... أنا أطلع التانية ...... وكمان مين إلي يطلع الأول , الواد توتو ...... الواد توتو ابن الدكتور ميمي .... إهئ إهئ ...... ده ظلم , أنا لازم أشتكي للعميد .....
وتروح منار جري على مكتب العميد , وتشتكي ليه .
- يا دكتور أنا كنت عاوزة أشتكي لحضرتك .
- تشتكي من ايه يا بنتي ؟
- أنا كل سنة بطلع الأولى عالدفعة ..... لكن السنة دي طلعت التانية .
- طب ومالو يابنتي ..... خلي عندك روح رياضية .
- إهئ إهئ إهئ ...... أنا أنا .... مش قادرة أكمل .. إهئ إهئ
- وبعدين يا بنتي امسحي دموعك دي .... واتكلمي ... دي مش نهاية الدنيا .
- أنا شاكه إن فيه لعبة حصلت , عشان توتو يطلع الأول السنة دي .
- توتو ....... توتو مين ؟ ..
- توتو ابن الدكتور ميمي .
- ايه ده ..... هو توتو ابن الدكتور ميمي طلع الأول عالدفعة ..... ده طلع ولد شاطر ومتفوق .... وأنا إلي كنت بحسبه من العيال إلي ملهاش في المذاكرة .... ههههه ...... لأ وإيه أبوه يقولي توتو السنة دي مبيذكرش .... ههههه....... تصوري يا بنتي الواد توتو ده طالع لأبوه .... آه والله , أبوه كان معايا في المدرسة , وكان يفضل طول السنة يحلف إنه ميعرفش شكل الكتاب عامل إزاي .... وفي الآخر يطلع الأول عالفصل .... يخرب عقلك يا ميمي , كان عليه شوية حركات من الحركات بتاعة العيال الدحيحة ..... أكيد إنت عارفاها الحركات دي ههههه .
- يا دكتور حضرتك رحت في موضوع تاني خالص ..... أنا بقول لحضرتك إني اتظلمت .... والمفروض أجيب درجات اكتر من كده .
- يابنتي وليه تفرضي الفرض ده ..... إنت لازم تكون روحك رياضية أكتر من كده ... وبعدين لسه قدامك تلات سنين ..... إبقى اطلعي فيهم الاولى .
وتتكرر المأساة كل سنة ...... ولا حياة لمن تنادي
