من طرف دكتورقللي
زميل الجمعية البريطانية للتنويم المغناطيسي
5 شارع الحياة الواقعي
لو كنت متفاهم مع مراتك لو كنتوا بتحبوا بعض لو كان معاك فلوس أنسي ...الجواز ملوش كبير . بعد
متفتح عنيك و تمثل أنك كنت في نوم عميق 3 حجات لازم تعملهم و 3 حجات أوعي
تعملهم.- تحضر الفطار - تصحي التتار أقصد العيال و أخيرا تكوي الشوال
"فستان مراتك
المحظورات
-
تبل الحمام - تدب علي الرخام - ترجع تنام
-
لو رجعت من الشغل بدري.. ممكن علي القهوة تجري تلعبلك دور طاولة ولا تتزاولك مزاولة ..!أه ...خليك دايما فايق عنيك علي عقرب الدقايق عارف أنك قاعد متضايق
.
لو رجعت متأخر - كنت فـ ـجنازة –اتخبطت برقبة أزازة –اممممم والثالثة مش فاكرها دلوقتي
رجعت البيت
أول لما تدخل تعمل حس كدة متبقاش دخلتك ذي العفاريت.... –شد نفسك ,أفرد وشك ,أمسح عرقك... أستني يا منيل أرجع "أقلع الجزمة " ...كنت حتضيعنا منغير لزمة
علي الغدا
تكون أخر واحد يعد علي الترابيزة "بتجيب الأطباق" , أول واحد يقوم من علي الترابيزة " تستعد لغسيل الأطباق"
الشاي
الصينية نظيفة الشاي مظبوط النعناع محطوط تمام...- جو أون يا شريــــر.
العصاري .....وقت لعب الأتاري سابقا
يجب
المحافظة علي جو هاديء منغير صوت متش الاهلي لحسن تسمع اللي في بدنك يهري,
آه و لو كان عندك موبايـــــل يتخفت صوتوا أو يتخرس حسيبلك حرية
الأختيار...... اصل حبيبتك نايمة..... مسكينة
تنام أية تنام أية ...مين حيذاكر للعيال أنت لية مش عارف مسؤلياتك كأب فاكر نفسك لسة شاب .
باقي النصائح متوفرة بسعر مناسب و في لتر بيبسي هدية عشان الانسانية
ملحوظة
هذه الدراسة العلمية مصدق عليها من السيدة " عائشة عبد الهادي" حيث تفضلت سيادتها بالبصم علي النص الأصلي.
وزارة الشئون الاجتماعية
ادارة الجوازات الفاشلة
ج م ع
