من طرف زينة
ده اسم بنتى الصغيرة.وطبعا كلنا عارفين انى ما بعرفش اعمل حاجة منها.لانها على طول لازقة لى.مثلا [ندعوك للتسجيل في المنتدى أو التعريف بنفسك لمعاينة هذه الصورة]امسك
الورقة والقلم عشان اكتب فتخطف القلم منى وترسم على رجلها والجدران بتاعة
الشقة لغاية ما جدران الشقة بقت فن سريالى خالص…...كانها لوحة فنية..ويا
سلام لو حبيت اشغل اللا بتوب شوية طبعا هتنط عليا وتفضل تقفل لى الصفحات
وتلعب فى الشاشة وتبوس نفسها فى الكاميرا والشاشة تغرق ميه من اثر بوسة
زينة.المهم زوزو حبيبتى نامت من حوالى ربع ساعة كده.وانا بقى محتارة اعمل
ايه ولا ايه.انظف الشقة.لا لا.ابقى انظفها وهيا صاحية.طب اغسل المواعين.لا
لا.لما تصحى تبقى تقعد جنبى وانا بغسلها.
انا عايزة اعمل حاجة فيها مزاج
وادلع نفسى شوية بقى..اه اقرا بقية الكتاب اللى فى ايدى (ميس ايجيبت) ده
اسم الكتاب والله.ولا اقولكوا اشغل اللابتوب شوية وافتح مدونتى واعيش حياتى
بقى واكتب شوية.اه صحيح انا بقالى يومين عايزة اخد دش .بس عادى ممكن ابقى
اخد دش معاها.انا هكلم واحدة صحبتى وحشانى اوى ومش بعرف اكلمها عشان زينة
طبعا بتموت فى اختراع التليفون ده بكل انواعه لاسلكى موبايل .خلاص حلوة
الفكرة دى هتكلم فى التليفون..لا لا هاكل الشكولاتة اللى انا مخبياها
منهاعشان بتبهدل نفسها لما بتاكلها..اقولكوا هقرا شوية قرآن وادعى.
بس
ما انا بعرف اقرا وهيا صاحية وبتقعد تدعى زييى وتقلدنى.انا عايزة اعمل حاجة
يكون استحالة اقدر اعملها وهيا صاحية..ايه بقى الحاجة دى.ايه يا ترى.
فات نص ساعة ولسه ما عملتش حاجة ..اه اه.عرفت هعمل ايه..هدخل انام جنبها وارتاح شوية وخلاص..
