عايز آكل لحمة بشر

السلام عليكمهباااااااااااااااااااااااااااااااا هب .... اثبت ماحدش يخاف .... اربطوا الركب اللي سابت دي الموضوع المرة دي مختلف ... أويبس الاول عايز اقول لكم الموضوع جه في دماغي ازاي ._ يوم الاحد 30/12/2007 كنا قاعدين " أنا وإيمو وفارس الرومانسية " لوحدنا في المدينة بنذاكر شوية ووصل مين ؟ ! عمكم " دارك نينجا " المهم بعد مالتهمنا البيتزا اللي كان جايبها ولحسنا الطبق كمان ، ناس بقى وراها امتحان بكرة ، قعدنا نذاكر .المشكلة بقى ان اني بحب اسمع كلام النينجا وحكاياته بيجيب حاجات جامده .فتح النينجا في مواضيع كتير كان مخلص مذاكرة بقى ._ هو بيتكلم وانا قاعد بسمع له وعمكم ايمو " مشرف سينما " واقف بيسمع وفي نفس الوقت بيذاكر ؛ وخالكم فارس الرومانسية " مشرف العيادة " قاعد بينفخ عايز يذاكر بس مش عارف .المهم فجأة النينجا فتح في موضوع الجماعة اللي هم بياكلوا لحمة البشر ، وقعد يوصف بقى ازاي بيشووها وانا كنت عارف شوية معلومات كده قلتها والموضوع طولنا فيه ؛ النينجا بيحكي وانا بسمع له ومن شوية لشوية أضيف معلومة . ، اللي يموت من الضحك ان ايمو ساب المذاكرة ووقف يسمع وهو فاتح بقه اظاهر كان خايف ولا ايه " ماهو كان قاعد مع العفريت جامايكا لوحده واحنا غايبين " _ ومرة واحدة سمعنا صرخة مين ؟! فارس الرومانسية بيصرخ عايز يذاكر ونبطل كلام ؛ هو كان قاعد في الزخن على السرير وانا فوق على السرسر التاني ، يعني الواد كان متداري .ساعة ما قام يصرخ علشان نبطل كلام ويعرف يذاكر " طبعا انا قلت لكم اننا كنا بنتكلم عن اكل لحمة البشر " بصراحة انا وايمو والنينجا لما شوفنا الواد ده كده " الواد حليوة كده ومسمسم " بصراحة الله يلعن الشيطان بقى نفسنا هفتنا على لحمة البشر وخلاص كنا هنهجم عليه ونفترسه .والغريب بقى ان المعلم الشبح " مشرف كلام الحب " في الوقت ده رن علينا كلنا " هو كان في البيت " اظاهر ان ريحة لحمة الواد المشوية عدت الزقازيق وديرب نجم والسنبلاوين والمنصورة ووصلت الريدانية في بيت الشبح .خلاص الواد صعب علينا مارضيناش ناكله مع اننا كنا هنموت من الجوع فسيبناه وعفونا عنه .ايمو بقى كان حابس العفريت جامايكا في الدولاب بتاع احمد سعيد ...... العفريت روخري نده وقال لنا طلعوني وانا اعمل لكم الخلطة اللي هتشووه بيها ._ وتاني يوم رحنا الامتحان وحصل اللي حصل " ناس جاوبت تمام وناس نص ونص " وناس طبعا ماجاوبتش خالص وهتعيد السنة "بيني وبينكم انا ماجاوبتش وهعيد السنة خلاص بس ماتقولوش لحد ده سر " المهم نرجع لموضوعنا الاصلس :أكل لحوم البشر ........عنوان مرعب ، مقرف ، مقزز ، بس صدقوني اللحمة دي حلوة اوي ! عايزين نفتح حوار في الموضوع ده بس بعد المتحانات ان شاء الله علشان كل الاعضاء والمشرفين كمان يشاركوا اي معلومة جديدة أو أي صورة أي حاجة تخص الموضوع ده ياريت نشوفها في الردور بتاعكم .وحصلنا الرعب ............. قصدي حصل لنا الشرف وسلاموز وفراولة