سامحني ياربي*قصه للعظه والعبره*

قصه منقوله عن شخص وليس لى انا

يبدا قصته فيقول

تعبيري ضعيف جدا ,, ادري وهذا اللي بتلاحظونه في قصتي اللي خاطري اوصلها لكم لتكون عظه وعبره ،،


انا اكتب لكم واحس انه قلبي يتقطع لاكن عيني ماتدمع تعرفون ليش لاني عودت نفسي اني اكبت الهم والحزن وماابينه لأي انسان

اللهم ابعد عني الهم والحزن والغم واستر عليه دنيا واخره



نعم تجرات وقلت بكتب تجرأت بعد ماكنت متردده تجرأت لاني تعبت من الكبت الداخلي اللي فيني .. تعبت لانه هل الشي محد يعرفه اله ناس محدوده والله سبحانه وتعالي،، تعبت لاني احس نفسي ظلمت نفسي وانظلمت وايد

الله يهديني يارب يارب ويثبت قلبي على الايمان

مااعرف سبب كتابتي هل لاني اريد النصح او اني اريد حد يأزرني ..

واسمحولي اني بكتب لكم كأخت تريد تبجي في حضن اخت مسلمه صالحه تدعو لها وتنصحها لوجه الله ،، انا اعرف في خوات بيقولون لاحشى خواتنا مايسون هل الشي ** من حقج يااختي ولاكن اتمنى انج تدعي لي بالهدايه والرشد

المهم اني اول شي اتمناه انه الله يســـــــــــــــــــــامحني

يـــــــــــــــــــــــــــــــــــــــــــــــــ ــــــارب سامحني يـــــــــــــــــــــــــــارب


بنات قصتي ببداها عن حياتي الاجتماعيه (حياتي في البيت)


الحمدالله نحن اسره متماسكه اهلي مب فري ولانهم متمسكين.. الوالد الله يحفظه انسان طيب بمعني الكلمه ..
الوالده الحمدالله زينه والله يحفظها ويهديها ..


طبعا انا عشت طفولتي كاي طفوله الحمدالله كانت حلوه وايد

فتره مراهقتي كأي بنيه كنت بصراحه احب اتعدل واحط مكياج واتعطر واطلع مع خواتي بس طبعا مش كل مكان كان مسموح لنا نسيره ,,

طبعا تعرفت على شاب عن طريق انسانه قريبه .. وحبيته ولاكن بعد فتره طويله تركته ووكانت علاقه على التلفون فقط ..

بعدين .. دخل علينا شي يديد في مجتمعنا الا وهو الانترنت .. كنت ادخل الفري تل واضحك والعب مع الشباب


عشت حياتي الجامعيه الحمدالله وتوفقت وتخرجت وتوظفت

طبعا كانت اتمنى اشوف نفسي عروس ومتزوجه كأي انثى ــ انا انسانه رومانسيه بطبيعه حالي ،، الله يسامح اللي خلانا نفهم الرومانسيه قبل الزواج ..
(((استغفر الله العظيم ))))


الله يستر عليه دنيا واخره يارب

خواتي كنت ادخل الانترنت موقع لتوفيق رأسين في الحلال .. لاني تعبت من اللي يتقدمون يخطبوني وبعد فتره مايردون ؟؟ الله يعلم السبب

المهم تعرفت على واحد ياخواتي عن طريق هل الموقع .. وكنت خلاص ميأوسه من شي اسمه زواج .. كان كاتب بالحرف الواحد(صدقيني انا الانسان الاحسن لج في حياتج ومابتندمين)


الله يسامحني يارب انا فعلا ندمت ندمت ندمت على اللي سويته

اتصلت عليه في ليله من الليالي ( وطبعا كان لي رقم خاص لهاي السوالف) كلمته كلمني شوي وسكرنا .. المهم بدت علاقتنا


كان يبغي يشوفني وقلت له انا مااقدر اطلع معاك .. خواتي انا مابقول اني ماكنت اطلع مع الشباب كنت اطلع نعم لاكن طلعه او جلسه في كوفي اومطعم ومش هاك الزود ..

((استغفرك ياربي واتوب اليك**))

خواتي تلاقيت معاه في مكان عام وتشوافنا وطبعا انا كنت متمكيجه وحاطه العطر ،،انعجب فيني نعم (ليته ماكان) طبعا تمينا نتشاوف بس في مكان عام او ينتظرني من اطلع من شغلي عشان يشوفني

المهم اطورت العلاقه شويه وطلعت معاه

مثل ماقلت لكم انه مكالمتنا كانت اغلب شي 24 ساعه صدقوني كنت ناسيه شي اسمه الله

كنت مااصلي اله اذا في مشكله صارت لي او شي اصلي واصلي من الخاطر لمده كمن يوم تخلص المشكله واودر الصلاه

لاكن خواتي كنت وايد اذكر الله في داخلي وايماني الداخلي بالله قوي قوي لاكن صلاتي كانت ضعيفه جدا جدا,, الله يهديني

كنت اتصدق واعطي اي انسان يكسر خاطري والله ..

وصيامي كان ضعيف جدا

استغفر الله

خواتي انا مش اني تعلقت بالشاب لاكن كان من النوع اللي يخليج تصدقينه ،، بأسلوبه ، وكان دايما يقولي انا من اخذج بوديج وبطلعج وبسفرج وبسير معاج البحر وبنسافر وبنتونس ( طبعا كله كان جذب في جذب)

الله يهديه ويهديني امين

المهم بدينا نطلع طلعاتنا كانت من بين 3 او اربع ساعات نطلع مدينه ثانيه ونرجع نتمشى ونسير الحدايق يعاملني بكل حب ورقي وبصراحه انا في خاطري اقول الحمدالله انه الله عطاني هل الانسان مابتخلا عنه // انسان مايتعوض // انسان عطاني الحب مايقصر معاي من الكلام العسل والحب واقوله انا يوم اريد اعرس ابغي كذا وكذا يقولي تم من دون ماتقولين انا بسويلج اياه ..

يارب اغفر لي يارب اغفر لي


طبعا قام يطلعني اطلع من الدوام اطلع معاه ،، المهم اليوم رحت معاه

قالي خاطري اوديج هل المكان قلت له اوكي .. طبعا كنت غبيه غبيه غبيه بس شو بيفد الغباء الحين .. لا إله الا الله


يابنات انا مااعرف شو اللي كان يسيرني عقلي مااعرف

قلبي بصراحه انا ماكنت احبه هاك الزود بس كنت مستانسه انه بيكون لي الزوج المثالي..


المهم سرت معاه وكان المكان عباره عن مكان وعداله ...........


اه اه اه اه اه اه اه اه اه


والله مااعرف شو اقول لكم

سرت معاه وكان عداله فن ,, مااقدر انطقها


المهم خواتي قالي انا بصراحه انا حجز....................

سويت عمري معصبه بس في خاطري قلت هو صادق لو شو ماسوا فيني يباني يباني

هذا اللي حسيته من صوته ونظظراته لي وعيونه ومسكت ايده الحنون

اه اه اه اه اه اه

الله يسامحني يارب


بس خواتي صدقوني انا ماكنت ابغي اني يسوي شي لا والله

لاكن صار ماصار طبعا برفض مني في البدايه لاكن رضخت للموضوع

وطبعاااااااااااااااااااااااا كاي فتاااااااااااااااااااااااااه صحت صحت صحت


لاني فقدت


ونزل عند ريلي وتم يبجي ويقول لي لا حبيتي انا اسفه والله اسف يبجي بحرقه بحرقه يقولي انا غلطت وانا اسف بس صدقيني غصبا عني لاني احبج احبج
وانا بطبيعتي ابكي لاكن الضيقه كانت في صدري اكثر ماكنت عيني تدمع

حلف وقال انا ابغيج ابغيج وباخذج والله والله

المهم مر اليوم

ومرت الايام وطلعتنا كثرت وكثر زيارته لهذا المكان اللعين اخخخخخخخخخ

ياريتني ماطوعته

المهم يابنات كنت اصيح اقوله خلاص اذا تبغيني لازم تي

طبعا كل مره كان يتعذر بسبب

كل اسبوع

المهم بعد اصراري

قالي خلاص ... قالي بخلي امي تتصل وتكلم امك قلت له ان شاءالله .. قالي ها ترا امي صوته صغير لاتتحسبونه اختي وتم يضحك قلت له لا عادي
خلاص انتظر اتصالها

اتصلت وناديت امي وجت وكلمتها واتفقت معها على نهايه الاسبوع يكونو عندنا


المهم هل اسبوع كان يكلمني بكل بكل بكل مايملك من حب ومشاعر ويقول لي خلاص الحين نحن بنتزوج وبيكون عندنا عيال وبنعيش مع بعض ومن الكلام الحلو


لااله الا الله ,, اللهم اغفر لي يارب


طبعا يه اليوم اللي لازم اييون فيه اتصلت فيه قلت له هلي جاهزين ويتنظرونكم وانا بسير السوبرماركت عشان اخذ اشياء بسيطه للبيت .. قالي انا بي قلت له انزين..

المهم قعدنا نشتري مع بعض .. طبعا رحنا منطقه شوي بعيد عن بيتنا عشان ماحد يعرفنا

قعد يسولف قالي اريد اقول لج شي بس خايف قلت له لاتقول انكم مابتيون قلت له بانفعال
قال لالالا

ردي البيت وبخبرج


قلت له دخيلك قول قال لا من تردين


وصلت البيت وانا افكر بالموضوع ,,


اتصلت عليه وقالي مااعرف شو اقولج حبيتي لاكن بخبرج شي بس لاتزعلين انا اهلي يمكن مايون

قلت له ليــــــــــــــــــــــــــــــــــــــــــــش

اهلي جاهزين وينتظرونكم مااقدر اقول لهم لا قالي لي عشاني حاولي وياهم قلت له مااقدر

المهم تميت اصيح من الضيقه حاول يهديني خاف اني اسير اقول لهم شي


قال خلاص بخلي اختي الكبيره تجي عندكم قلت له اوكي
بس امي ماتقدر لانه وايد تعبانه مريضه قلت له كيف اختك بتي وامك لا

قال لي عشان خاطري قدرو الظروف وبخلي اختي تعتذر من اهلج قلت له خلاص انشاءالله


مابيدي حيله ياخواتي

المهم يت وقعدت معانا وضحنا وقالت نحن نبي نخطب من عندكم هلي رحبوا فيها ومازعلو منهم .. اهلي ناس طيبين ويقدرون ظروف الغير

الله يسامح كل من حاول يظلمني يارب

طلعت من بيتنا وامي فرحانه لانها صدق تبا تفرح فيني مااعرف ليش انا بالذات دايما تقول لي ان شاءالله تعرسين .. اكيد تخاف عليه صح ,,,

المهم كلمته وكنت اطلع معاه وانسير دايما هذا الوكر

تمينا فتره على هل الحال وانا نفسيتي بدت تتعب و***غير عليه 10000 درجه

في الشغل يريد السماعه في اذني كل وقت

واذا اتصلت ومارديت عليه ياويلي بلاقي من الضرب والتكفيخ والتصفيع والتهديد

اذا شافني اضحك قالي هيه مستانسه ويسبني ويشتمني وقبل ماارجع البيت يصيح ويقولي انا اسف بس احبك وهذا اللي خلاني اسوي جي

انا كنت كاتمه في داخلي اقول ماعليه بتحمله بي يخطبني ويتزوجني واكيد هذا كله من الضغط النفسي

المهم الاسبوع المفروض اللي يجون فيه قالي خلاص وكلمت هلي وهلي فرحانين

اتصل عليه اتصل مايرد قلت في خاطري يارب شو صايرـــ بعد اريد اخلص من هل الموضوع

المهم بعد ماتصلت عليه مليون مره رد وقالي انه في المستشفى وسوى حادث قلت له كيف قال كان طالع من البيت وسايره مسرعه دعمته

طبعا مابيون عندنا....


تفشلت عند اهلي واكانو مجهزين كل شي بس لاباليد حيله شو اسوي

وتم طول اليوم يصيح ويقولي ريلي تعبان ويصارخ من كثر ماكنت الصدمه قويه ..


تعرفون حوادث السير تذبح يابنات تصدمج سياره وتنكسر ريلج وتتطلعين من المستشفى نفس اليوم؟


طبعا في اليوم الثاني قالي اريد اشوفج قلت له كيف وانته تعبان ، قالي دخيلج انا مااصبر يوم من دون ماشوفج قلت له اوكي وطلعت معاه وشفته رابط ريله ,, وبعد شوي قال بعقه مضايقني .. كيف مااعرف

التفاصيل تذبح يابنات بس مشكلتي في تعبيري تعبيري ضعيف جدا

لاكن اتمنى من الله ان يسامحني ويغفر لي خطاياي يااااااااااارب

طلعت معاه بعد فتره وكان يباني الساعه اللي اخلص فيها نفس الدقيقه اكون عنده في السياره واذا مارديت عليه يويلي والاتصالات كلها ورا بعض

وبعدين اشوف شكله عيونه وكل الشر طالعه منها يقولي ياحقيره .... كلامات الله اعوذب بالله منها

يضربني كف

ويقولي الحين براويج

ويوديني الوكر

ا ه اه اه اه على المعاناه

يارب صبرني

يتصل في صديقه يقوله تبغي بنت .. وبعدين يوم يشوفني اصيح عند ريله واترجاه طبعا من دون صوت وله صياح بس عشان اللي معاه مايسمع يقوله لا خلاص كنت امزح

ويقولي بتسمعين كلامي وله لا اقول هيه خلاص مع اني مااكون مسويه شي

كرهته كرهته نعم كرهته وووووووووكرهي ززززززززاد بتاخيرهم

والله يابنات لو تسمعون القصص اللي كان يألفها والله والله ينفع يكون مؤلف ومااعتقد انه حد في هل الدنيا بيوصل مستواه

يارب اغفر لي يارب

طبعا ايام كان يسرع بالسياره سرعه جنونيه عشان بس ابوس ريله واصيح واقوله بسوي اللي تباه

وكان يدور اي سبب بسيط عشان يدور لي مشكله

سنه سنه سنه سنه سنه سنه

من المعاناه النفسيه والجسديه

اقول في داخلي بوده واغلق التلفون بس اخاف لانه يتصل البيت من تلفون الشارع

ارد اشغله يسبني يسب هلي يلعن امي وابوي

تخيلوووووووو يلعن اغلى ماعندي في هل الدنيا تخيلوووووووووو اه اه اه
كم صبرت وتالمت

تخيلو يحلف بالقران ويحط ايده على القران انه يباني هذا طبعا بعد مايكون ضاربني ومكفخني


اهلي دايما يسالون اقول لهم حرام امهم تعبانه حرام اختهم مريضه حرام اخوهم مسويه عمليه

اهلي بدا الشكا يدخل فيهم انه الناس خلاص ماتباني نفس كل مره

وطبعا ملو من الموضوع بس كنت اسمع كلام يجرحني من ناس مقربين واكبت الضيقه في داخلي نعم اكبت الضيقه وبعدها مكبوته فيني

بنات الصفحه خلصت وبكمل لكم القصه ولاكن اتمنى انكم تتعظون وله تخطون هل الخطوه اللي انا خطيتها لاتضيعون نفسكم بايدكم يابنات

تذكرو انه الله بيحاسبنا


خواتي الله بيعذبني اشد العذاب صح لاني زن,,,,,,

صح ياااااااااااااااااارب اغفر لي ياااااااااااااااااااررب ارحمني يااااااااااااارب قني عذاب القبر ياااااااااارب انا تعبت تعبت وايد بحياتي

سامحني يارب وارحم اني عبدك الضعيف