من طرف [ندعوك للتسجيل في المنتدى أو التعريف بنفسك لمعاينة هذه الصورة]
لحظة إنكسار
*********
يمكن صحيح العزم جوانا انكسر
يمكن خطانا تنكفي على وشها
لما يخونها طريق طويل مش شكلها
وعنينا خايفة تبص ينخطف البصر
ومغمضين
تجري السنين
على أرضنا وتهدها
ونفوت كمين
يــجي كمين
ونروح لمين علشان نقوي عزمها
ونروح شمال
يمكن جمال هيعود حزين ويردها
وبننبهر
لما نشوف السيف بيعلى فـ أرضها
ونشوف صلاح / الدين يقول
سيفي يطـيّب حزنها
والطوب يسيل
ماسكه خليل
وبينحدف
ومداه طويل
يخبط رصاصة فـ السما
ملهاش مصير
وبتسكنه ويبات شهيد
والدم طارح مـ الوريد
عنقود فرح
مش همه ايه اللي انجرح
واحنا هنا
وشوشنا فـ وشوش بعضنا
ايه همنا
ما العزم جوانا انكسر
العزم جوانا انكسر
منقوووووووووووووووول
عدل سابقا من قبل FarFora في الثلاثاء مارس 18, 2008 7:16 pm عدل 1 مرات
