من طرف ياشعبي حبيبي ياروحي يابيبي ياحاطك في جيبي يابن الحلال
**
ياشعبي ياشاطر ياجابر خواطر ياساكن مقابر وصابر وعال
**
ياواكل سمومك وبايع هدومك ياحامل همومك ياشايل جبال
**
ياشعبي اللي نايم وسارح وهايم وفالفقر عايم وحاله ده حال
**
احبك محشش مفرفش مطنش ودايخ مدروخ واخر انسطال
**
احبك مكبر دماغك مخدر ممشي امورك كده باتكال
**
واحب اللي ينصب واحب اللي يكدب واحب اللي ينهب ويسرق تلال
**
واحب اللي شايف وعارف وخايف وبايع لسانه وكاتم ماقال
**
واحب اللي قافل عيونه المغفل واحب البهايم واحب البغال
**
واحب اللي فاضي واحب اللي راضي واحب اللي عايز يربي العيال
**
واحب اللي يائس واحب اللي بائس واحب اللي محبط وشايف محال
**
واحبك تسافر وتبعد تهاجر وتبعت فلوسك دولار او ريال
**
واحبك تطبل تهلل تهبل عشان متش كورة وفيلم ومقال
**
واحبك تأيد تعضض تمجد توافق تنافق وتلحس نعال
**
لكن لو تفكر تخطط تقرر تشغلي مخك وتعمل جدال
**
وتبدأ تشاكل وتعمل مشاكل وتنكش مسائل وتسأل سؤال
**
وعايز تنور وعايز تطور وتعملي روحك مفرد رجال
**
ساعتها هجيبك لايمكن اسيبك وراح تبقى عبرة وتصبح مثال
[ندعوك للتسجيل في المنتدى أو التعريف بنفسك لمعاينة هذه الصورة]
