من طرف العروسه قايمه بالفرح ليه !؟
انتشرت في هذه الايام وفي معظم الأفراح ظاهرة ان العروسة تقوم بالرقص طول الحفلة
ليه العروسة قايمة بالفرح ياتري العروسة بترقص ليه
لو عايزة توري الناس مفاتنها امال هتوري عريسها أيه
شافها واحد من المعازيم ولسوء الحظ راجل مسئول
شخصية كبيرة لكن فاسد وكان ف الليلة دي مسطول
وراسه والف جزمة لازم يرقص قدامها
ومحدش يجرؤ يمنعه ولو عارضوه هيضيعها
لكن العريس قاعد يغلي ويصبروا فيه وهو بيهري
لكن للأسف ويادي العجب البيه شد العروسة عليه
عريسها الدم ف نفوخه ضرب قام شددها من أديه
مشي البيه وعقد الحاجبين وف وقت قصير بعث الشرطة
أخدوا العريس ونص العيلتين وحطوا كل دول ف ورطة
عشرين تهمة للناس حبكوها خربوا بيت العريس وبيت أبوها
وقفت العروسة تبص في المرايا علي نفسها
وهي بتلعن اليوم اللي هزت فيه وسطها
وتقول ياريتنا أجرنا غوازي ومكناش اتعرضنا للأنتهازي
وقال أيه عزموه يفتخروا بيه الله أكبر بقدرته يجازيه
ان شالله يرقص ف نار جهنم ش قادر ربنا يوريني فيه
