من طرف الزمن الجميل
فيه حكمة مشهورة بتقول :ـ
Old Is Gold
[ندعوك للتسجيل في المنتدى أو التعريف بنفسك لمعاينة هذه الصورة]
يا سلام علي زمان ..
تلبس الطربوش وتنزل تروح شغلك .. الطربوش بيعكس الحالة المزاجية بتاعتك .. يعني تكبسه وأنت متضايق ، وتعوجه وأنت رايق
الصبح بقي لازم بدلة كاملة مقلمة كروازيه {يعني بصفين} ـ ومنديل أبيض في الجيب ، والمنشه في إيدك
وطبعاً مراتك تكون قامت من الفجر عملتلك فطار بيض مقلي في الزبده ، بيض مسلوق متقشر جنب طبق الفول اللي غرقان في زيت الزتون
وصحن عسل أبيض جنب منه صحن فيه قشطه وصحن جرجير وطماطم متقطعة وعليها رشة كمون وفي وسطه مخلل لفت وليمون معصفر
والشغالة جاية تجري جايبه قرطاس الطعمية ، والعيش المفقع السخن من الفرن
وبراد الشاي الأزرق في الصينية جنب الشاي بحليب
والراديو الخشب الضخم طالع منه ترتيل قرآني للشيخ محمد رفعت
المدام تفتح لك الباب وتدعيلك كده ربنا يفتحها في وشك ياسي محمد ، وأنت بتمد إيدك تديلها الشلن [مصروف البيت]ـ
وتقولها تجيب وقة {الوقة = 1.25 كيلو} لحم ضاني وتعمل لك دقية البامية
وانت في الشارع الناس تصبح عليك بكل أدب : صباح الخير يا محمد أفندي
الشوارع فاضية والمواصلات رايقة
بليل بقي وبعد ما تروح وتضرب البيجامه الكستور والطاقية المخططه .. وتتغدي وتنام .. وتصلي المغرب ..
تتقمع بقي وتعوج الطربوش وتاخد العصاية في إيدك ، والسبحه في جيبك ـ تصلي العشاء في الجامع ـ وتتطلع علي القهوة
تلاقي حبايبك .. حسين أفندي ، ومحمود بيه بيلعبوا طاولة وصوت عبد الوهاب في الراديوبيغني : يا مسافر وحدك وفايتني
ومحمود أفندي بقي منعم ذقنه وصابغ شنبه وبيعدد لك مزايا الزوجه الثانية .. لما تاخد صبية صغيرة تجدد شبابك
وأنت بقي عمال تقربع في السحلب
أمنية حياتي كنت أعيش في العصر ده ..
هدوء .. وحياة سهلة وبسيطة
بس الاحلى بقى جدو حولان ده
على فكره دا محمد سعيد باشا راجل كباره يعنى
[ندعوك للتسجيل في المنتدى أو التعريف بنفسك لمعاينة هذه الصورة]
